Goddelik en Natuurlik. God se liefde vir ons, en ons liefde vir mekaar. Dit is vervat in die groot gebod. Die opsomming van die hele wet volgens Christus: as ons God lief het met ons hele hart, siel krag en verstand, en ons naaste soos onsself, word die lewe ‘n lied, ‘n simfonie van goddelike heerlikheid hier op aarde!
1. Liefde Is ‘n Lied
Salomo se lied; die mooiste lied van almal. Hooglied 1:1
Nog voor woorde was daar musiek. Die note wat ‘n ma vir haar baba sing, bring kalmte. Ons neurie note voor ons praat. Soos musieknote groepeer en harmoniseer met ritme en woorde vorm dit ‘n simfonie wat direk die hart raak! Musiek praat tot die hart, so ook liefde. Liefde soek ‘n verbintenis, ‘n harmonie, ‘n uitnodiging om saam te sing. Die heelal is ‘n simfonie van hemelse klanke en misterie.
2. Liefde Is Die Grootste Lied
In stede van om te sê, “die grootste koning”, gebruik die Bybel die frase, “Koning van die Konings”. So begin die gedig met: ‘the song of songs’. Liefde is die mees belangrikste lied en fokus van die lewe. Wanneer ons liefde verloor, verloor ons die lewe! Liefde is die begin en einde van die lewe! Sonder liefde is die lewe hel op aarde!
Water kan hierdie vlam nie blus nie, selfs riviere kan hom nie doodmaak nie. ’n Mens kan die liefde nie koop nie, selfs nie met al jou besittings nie. As iemand dit sou probeer doen, sou die mense hom verag. Hooglied 8:7
Liefde kan nie gekoop word nie, want niks op aarde is so kosbaar soos die liefde nie! Liefde maak arm mense ryk voel! Ons kan die meeste van ons menslike kwessies en probleme regmaak deur ware opregte liefde! As jy dink jy maak net niksseggende geraas, is jy in Prediker se “alles is tevergeefs”. As jy dink jy maak musiek, is jy verlief. Daarom is Job so dramaties: Job se vraag is uiteindelik: Maak ek net geraas, of maak ek musiek? Is alles tevergeefs, of is ek verlief?
3. Liefde Is Dialoog
Die boek Hooglied is ‘n dialoog tussen twee verliefdes, soos ‘n dans weerklank die een die ander se liefde vir mekaar. Waar daar liefde is, is daar altyd ‘n diepgaande betekenisvolle gesprek.
Deernis is die voerband van betekenisvolle kommunikasie van luister en terugvoering gee. Sonder deernis is daar ‘n totale skeiding en hoor en verstaan mense mekaar nie. Teïsme is die enigste geloof in die wêreld waar die mens met die godheid in dialoog staan. Reg in die begin, in Eden is God en die mens aan die praat met mekaar. Wanneer mense nie meer met mekaar praat nie, word allerhande verwoestende parasiete losgelaat wat verwoesting bring. Trots, aanstoot neem, jaloesie, twis, valse afleidings, vooroordeel, bitterheid, afguns, moord en doodslag.
4. Liefde is Samewerkend
Liefde is ‘n wederkerige energie wat potensiaal vermenigvuldig en groei. Daarom moet liefde gegee word om liefde te ontvang. Selfs ‘n klein bietjie liefde, deernis, welwillendheid, en vriendskap ontsluit wonderlike ontluikende potensiaal!
Daar is geen fisiese ewigdurende energie skeppende masjien nie, maar daar is ‘n “geestelike ewigdurende energie masjien”: liefde. Liefde is voortdurend versterkend. Liefde is die fundamentele geestelike krag in die heelal, wat alle ander kragte en hul wette transendeer. Dit oortref die beginsel van fisiese entropie: Liefde se energie neem nooit af nie, dit neem eerder toe, hoe meer liefde ek gee.
Deurgaans in die Boek Hooglied, weerklank die twee verliefdes hulle liefde vir mekaar:
“Jy is mooi, my liefling,jy is mooi, jou oë is duiwe.”
Sy:“Jy is mooi, man wat ek liefhet,baie aantreklik.” Hooglied 1:15-16
5. Liefde is Lewe
Liefde plant voort. Liefde het kinders! Liefde groei. So is al die beelde vir liefde in die gedig, soos in die meeste liefdesgedigte, beelde van lewende, groeiende dinge:
‘n tuin (Hooglied 4:12, 16),
‘n wingerd (Hooglied 7:12; 8:11-12),
‘n put met lewende water (Hooglied 4:15).
Liefde groei soos ‘n plant. Maar lewe is ook ‘morsig’ en soms wanordelik. Lewe is nie ‘n steriele keramiek-koei op ‘n rak nie, liefde is ‘n koei wat melk gee in die veld. Liefde lewe, en het ‘n lewe van sy eie. Dit is onvoorspelbaar, dit veras en speel ondeund met mekaar. Liefde is verewig.
Maar dit kos werk om die tuin in stand te hou, dit verg ons aandag, en versameling van liefdesdade.
Ons lees gewoonlik die boek Job wanneer dit met ons baie sleg gaan. Maar die boek gaan nie net oor hoekom slegte goed met goeie mense gebeur nie, dit beantwoord die groot vrae oor die lewe: Bestaan daar ‘n satan, en hoekom? Wie is God regtig? Wie is ek regtig? Hoe kan ons hoop hê vir ‘n beter toekoms?
Die boek Job word beskou as een van die oudste geskrifte in die Bybel, en tel onder wysheid literatuur. Dit is ‘n antieke filosofiese boek, wat tydlose antwoorde bied op tydlose vrae.
Die Probleem Rondom Boosheid?
Die feit dat Satan in die vergadering van die seuns van God toegelaat word is vir ‘n volledig gesprek op ‘n ander dag. Sien meer inligting hieroor in die voetnotas. Die Wêreldbeskouing van die antieke mens verskil in een sin nie baie van die hedendaagse moderne mens nie, alhoewel mense skugter is rondom die bonatuurlike en die donker onder wêreld is mense gefassineer deur die bonatuurlike en die bomenslike. Dink net aan die vermaaklikheidsbedryf die afgelope jare. Duisende boeke, televisieprogramme en flieks het die afgelope dekade gegaan oor engele, hemelwesens, monsters, demone, spoke, hekse, vampiere, weerwolwe en superhelde. Baie van Hollywood se blockbuster-franchises bevat die bonatuurlike: X-Men, Avengers, die Harry Potter-reeks, Superman en die Twilight-sage. Televisieprogramme soos Fringe en, natuurlik, Supernatural en X-Files het toegewyde volgelinge selfs lank nadat die verfilming van nuwe episodes geëindig het.
Uit Ps 82:2;6 kan ons die afleiding maak dat die Bybel ‘n hemelse wêreld van geestelike wesens verstaan wat gesag het oor die hemele, en dieselfde geld vir die seuns van God op die aarde. God roep rekenskap oor hierdie goddelike leiers, se leierskap en die vrug van hulle handewerk. Die gedagte dat ons die seuns
Satan se rol in hierdie vergadering is die aanklaer en toetser van die mens (Job 1:9, 11; 2:5; Zech. 3:1; Rev 12:10). Hy is inderdaad die fynproewer van ons diepste hartsmotiewe. Satan se mag is egter beperk. Hy het nie volmag nie.
Dit is opmerklik hoe God Job se posisie verdedig! “Die Here vra toe vir die aanklaer: “Het jy vir Job opgemerk? Hy dien My. Daar is nie nog iemand soos hy nie. Hy lewe onberispelik. Hy is ’n mens met integriteit. Hy aanbid My en vermy die kwaad.” (Job 1:8)
Hoekom laat God toe dat Job getoets word? God weet alle dinge en het nie nodig om Job te toets nie? Inteendeel God weet alreeds dat Job regverdig in blaamloos voor Hom is. Satan het geen voordeel of rede om Job te toets nie. Buiten om God se gevolgtrekking oor Job te probeer in twyfel trek. God weet egter soos met Abraham, dat Job die toets gaan slaag. Die toets is God se liefde vir Job se onthalwe! Job se geloof moet gelouter word, sodat dit soos goud in Sy eie hart kan word. Die huidige wêreld kultuur stel ‘n hoë (goud) waarde op materiële besittings, aarde sukses en liggaamlike fiksheid. Maar al hierdie aardse skatte is waardeloos teenoor wat ons hart, siel en gees werklik begeer – om God te sien en te ken!
Omdat ons Hom nie ken nie, ken ons ook nie onsself nie!
Satan is die opposisie maar hy is nie die voorwerp van ons stryd nie! Dis baie moeilik om die lewe reg te sien, wanneer mens vasgevang is in liggaamlike en emosionele pyn! Ons verloor perspektief. Die boek Job is die stryd om goddelike ewige onverganklike insig te behou te midde van tragedie en pyn!
Job Se Geloof, Woord en Begeerte
“Ek weet dat my Verlosser leef, uiteindelik sal Hy op die aarde triomfeer! Selfs nadat hierdie siekte my vel weggevreet het, sal ek nog lewe en God sien. Ek sal Hóm sien, met my eie oë sal ek Hom sien, Hom en niemand anders nie. Ek smag daarna met my hele lewe.” (Job 19:25-27)
Job Se Wysheid:
“Sonder iets het ek in die wêreld gekom en sonder iets gaan ek daaruit. Die Here het gegee en die Here het geneem. Prys die Naam van die Here. Onder alles het Job nie gesondig of God iets verwyt nie.” (Job 1:21-22)
“As ons die goeie van God aanvaar, moet ons nie ook die slegte aanvaar nie?” (Job 2:10)
“En Hy het vir die mens gesê: Om die Here te dien, dit is wysheid, om die kwaad te vermy, dit is insig.” (Job 28:28)
Job Se Eerlikheid.
Job: “God slaan nie ag op die onreg nie.” (Job 24)
Die verskil tussen Job en Sy vriende is:
Job praat deurentyd met God, asof God teenwoordig is, en hom hoor.
HY leef voor die aangesig van God.
Sy vriende sê die regte goed, maar praat van God, soos iemand wat in die vertrek is, maar ons praat nogtans nie direk met Hom nie.
Job Se Uiteindelike Perspektief
Die moeilikste aspek van Job se stryd is nie net wat met hom gebeur het nie. Dit is die wagtyd voor God hom antwoord! Job se geregtigheid en reg doen is gebaseer om ‘n diep innerlik sien en geloof in God. Maar hierdie sien verdiep, na ‘n heeltemal ander vlak, deur die verloop van die tragedie!
“Het ek op geld vertrou, of is ek veilig omdat ek baie goud besit? Hang my geluk af van my welstand en alles wat ek besit? Het ek ooit gekyk na die son wat skyn, of na die maan se silwerbaan deur die ruimte, en my heimlik laat verlei om hulle te aanbid? As dit so was, sou regters my gestraf het, en ek sou die God van die hemel verloën het.” (Job 31:24-28)
God Vra Die Vrae!
In hoofstuk 38 bereik ons die klimaks van die boek! God antwoord nie Job se vrae nie! God ondervra Job!
“On my door is a cartoon of two turtles. One says, ‘Sometimes I would like to ask why he allows poverty, famine and injustice when he could do something about it.’ The other turtle says, ‘I am afraid that God might ask me the same question.'”
Peter Kreeft
Die absolute hoogtepunt van die boek gebeur in Hoofstuk 42:
“Ek weet nou U kan enigiets doen, en niemand kan U keer nie. U vra: ‘Wie waag dit om in sy onkunde my wysheid te bevraagteken?’ Dit was ek. Ek het gepraat oor dinge sonder begrip, dinge wat te wonderlik is vir my. “U het gesê: ‘Luister, want Ek wil praat! Ek sal jou vra, en jy moet My antwoord. Tot nou toe het ek net met my ore van U gehoor, maar nou het ek U met my eie oë gesien.“ (Job 42:2-4)
Die Finale Gevolgtrekking!
“Ek is wat ek is” Exo 3:14
“Nadat Job vir sy vriende gebid het, het die Here hom weer voorspoedig gemaak. Trouens, die Here het hom twee keer soveel gegee as wat hy voorheen gehad het. Toe het al sy broers en susters en almal wat hom voorheen geken het, gekom en saam met hom in sy huis feesgevier. Hulle het hom getroos en moed ingepraat oor al die rampe wat die Here oor hom gebring het. Hulle het elkeen vir hom ’n stuk silwer en ’n goue ring gegee. Die Here het die laaste deel van Job se lewe meer geseën as die eerste.” (Job 42:10)
Sy tweede seën is gegrondves nie net in aardse besittings wat hy versamel het nie, maar hoe die Here sy familie en vriende gebruik om hom weer te seën! Die waarheid is dus dat God ons inderwaarheid wil seën en voorspoedig maak, maar in Sy alleenwysheid weet Hy hoe vinnig ons, ons harte op hierdie tydelike dinge kan verloor en die skat wat ons werklik soek verloor!
Ons is werklik net hartsgelukkig wanneer ons Hom reg sien!! Hierdie goddelike SIEN herstel ons uitkyk op die lewe. Wanneer ons HOM SIEN, sien ons die wêreld vanuit Sy oë, as diensknegte vir goed doen en reg doen!
https://drmsh.com Dr Michael Heisler – The Unseen Realm – Biblical Worldview of the supernatural
Alles Is Tevergeefs… Alles Kom Tot Niks is die mantra van die Prediker se opsomming van die lewe. Daar kom ‘n tydstip in elkeen se lewe, waar ons die lewe nugter in die oë moet kyk. Die boek Prediker dryf hierdie nugterheid tot op ‘n spitspunt. Hy vra al die moeilike vrae. Hy ondersoek elke motief en rede vir bestaan. Wat die prediker se skrywe mees besonders maak, is hierdie vrae word nie net filosofies gevra en beredeneer nie, hierdie vrae word fisies uitgeleef! Salomo het fisies hierdie perspektiewe op die lewe getoets en deurleef. Hy is pessimisties eerlik en gebruik nostalgiese donker skaduwees om die gesig van God te skilder.
Elkeen beleef ‘n tydstip in ons lewe waar die duisternis van teleurstelling en die trauma van ons verdriet ons juis nader aan God bring, of weg laat deins in bitterheid en woede. Jy kan bloot nie verder ‘n outomatiese robot bestaan volvoer nie! Soos in die Matrix film, moet jy ‘n besluit neem om die “Rooi Pil” te sluk — die pil van ontwaking tot die Waarheid.
Nêrens in die prediker se woorde praat God nie, dis die mens se praat en verstaan van die lewe, en wat is sy menslike perspektief gevolgtrekking: “alles is tevergeefs en kom tot niks!”
Volgens Peter Kreeft, die bekende vyf-en-tagtig jarige skrywer van oor die tagtig boeke, filosoof, en Bybel apologeet is daar uiteindelik net drie lewensfilosofieë, en elkeen word verteenwoordig deur een van die volgende boeke van die Bybel:
1. Lewe as ydelheid: Prediker
2. Lewe as lyding: Job
3. Lewe as liefde: Hooglied
‘n Ydel mens sien nie dat hy of sy ydel is nie. Net soos ‘n dwaas nie self kan sien dat hy of sy ‘n dwaas is nie. Net die wyse ken dwaasheid; dwase ken geen wysheid of dwaasheid nie. Dit verg wysheid om dwaasheid te ken, lig om duisternis te ken, diepsinnigheid om ydelheid te ken, en dit kos ‘n begrip van wat waarlik betekenis het om betekenisloosheid te ken.
Watter Tipe Geloof?
Die punt van die boek Prediker se wyshede is eenvoudig dit: sonder God – nie, nie net sonder God nie, want die skrywer van Prediker praat gereeld van God – sonder geloof in God – nee, selfs nie dit nie, want die skrywer het geloof in God, eintlik ‘n onbetwisbare onwankelbare taai vaste oortuiging geloof: wat nooit twyfel aan God se bestaan nie is die lewe doelloos en sonder enige diepgaande betekenis en sin. Sonder die soort geloof in God, wat groter is as die lewe en daarom die moeite werd is om voor te sterf, en daarom die moeite werd is om voor te lewe is die lewe ‘n leë doellose bestaan.
Sonder ‘n geloof wat vertroue en hoop en liefde beteken, sonder ‘n geleefde liefdesverhouding met God is die lewe nietigheid van nietighede, die skaduwee van ‘n skaduwee, ‘n droom in ‘n droom.
Jan Oosthuizen
Ek onthou in een van my eie eerste diep donker tye, jare gelede in die Kaap, Tableview hoe ek een aand die hele boek Job biddend deurgelees het deur die nag! Ons het die Here onwrikbaar vertrou en daadwerklik gedoen en nagevolg, maar het niks om daarvoor te wys nie. Agt maande sonder inkomste! In die nag sou die Here my vra:
Sal jy My bly dien en lief hê, as dit wat jy van God verstaan en weet nie sin maak nie?
Sal jy My bly dien en lief hê, al het jy nie al die antwoorde op al jou vrae nie?
Sal jy My bly dien en lief hê, al sien jy nooit al Sy beloftes vervul word in hierdie lewe nie?
Sal jy My bly doen en lief hê, al verloor jy alles wat vir jou waardevol is?
Sal jy My bly dien en lief hê, al sterf jou geliefdes?
Verligting In Perspektief
Natuurlik is die hele lewe op die kort termyn nie tevergeefs nie. Salomo weet dit net so goed soos enigiemand: dit is nie tevergeefs om te eet nie: dit hou jou aan die lewe; dit is nie tevergeefs om te kinders te hê nie: dit hou die mensdom aan die lewe en verskaf plesier; dit is nie tevergeefs om ‘n muskietbyt te krap nie: dit verlig die jeuk vir ‘n oomblik. Maar net vir ‘n oomblik. A ja, daar is die vryf! Korttermyn-doel verligting is geen vergoeding vir langtermyn-doelloosheid nie.
Wat ek nou gaan doen is amper ‘n gruwel – hierdie ding wat so aaklig is dat ons dit moet toesmeer!
Hier is dit:
Alle “swoeg” is “onder die son”.
En al “onder die son” is “ydelheid”. Daarom is alle “swoeg” “ydelheid”.
Die Groot Leemte, uiteindelike betekenisloosheid.
“Swoeg” beteken nie net “harde werk” nie, maar enige werk, alles wat ons doen, alle menslike strewes hier “onder die son”, al die menslike lewe se pogings tot betekenis, elke lewenstyl, elke waarde. Salomo sal uiteindelik eksperimenteer met vyf “swoeg” pogings. Die vyf mees universele en gewildste lewensstyle:
wysheid
plesier
mag en rykdom
altruïsme (onselfsug)
‘n konvensionele toeskouer-tipe-godsdiens—en hy sal wys dat elkeen ewe “ydel”, betekenisloos en tevergeefs is. Alles kom tot niks!
Salomo se verstandelike kameralens neem baie foto’s op sy verbale fotografiese bord, en vyf herhalende kenmerke staan in almal uit:
eendersheid
dood
tyd
boosheid
misterie
Elkeen van hierdie kenmerke dra by tot die besef van ons brose sinlose bestaan.
1. die eendersheid en onverskilligheid van alle dinge
2. die dood as die sekere en finale einde van die lewe
3. tyd as ‘n siklus van eindelose herhaling
4. die bose as die voortdurende en onoplosbare probleem
5. God as ‘n onkenbare raaisel
Om Waarlik Te Sien
Hierdie besef vorm die lens waardeur jy uiteindelik die lewe REG sien. Jy is van die robotmasjien ontkoppel… jy sien nou die lewe soos dit werklik is.
1. Wysheid – filosofie om jou verstand te vul
Wat krom is, kan nie reguit word nie, en wat ontbreek, kan nie getel word nie. Ek het met myself gespreek en gesê: Kyk, ék het groot en altyd groter wysheid verwerf bo almal wat voor my oor Jerusalem gewees het, en my hart het baie wysheid en kennis gesien. Maar toe ek my hart daarop gerig het om wysheid en kennis, onverstandigheid en dwaasheid te leer ken, het ek ingesien dat dit ook ’n gejaag na wind is. Want by baie wysheid is baie verdriet, en wie kennis vermeerder, vermeerder smart. (Prediker 1:17-18)
2. Plesier – hedonisme om jou liggaam te vul
En alles wat my oë begeer het, het ek hulle nie ontsê nie; my hart het ek van geen enkele vreugde teruggehou nie, want my hart het hom verheug vanweë al my moeitevolle arbeid, en dit was my deel van al my moeitevolle arbeid. Toe het ek gekyk na al my werke wat my hande tot stand gebring het, en al die moeitevolle arbeid wat ek verrig het — en kyk, dit was alles tevergeefs en ’n gejaag na wind, en daar was geen voordeel onder die son nie. (Prediker 2:10-11)
3. Mag en Rykdom – materialisme om jou sak te vul
Daarom het ek in my hart gesê: Dieselfde wat die dwaas tref, sal my ook tref; waarvoor was ek dan so buitengewoon wys? En ek het in my hart gespreek dat dit ook tevergeefs is. (Prediker 2:15) Want daar is ’n mens wat hom met wysheid en kennis en bekwaamheid vermoei het; tog moet hy dit as deel oorgee aan ’n mens wat daaraan geen moeite bestee het nie. Ook dit is tevergeefs en ’n groot euwel. (Prediker 2:21)
4. Altruïsme – etiek om jou gewete te vul
Twee is beter as een, want hulle het ’n goeie beloning vir hulle moeitevolle arbeid. Want as hulle val, kan die een sy maat optel, maar wee die een wat val sonder dat daar ’n tweede is om hom op te tel. Verder, as twee bymekaar lê, kry hulle warm; maar hoe kan een allenig warm word? En as iemand die een aanval, kan altwee hom teëstand bied; en ’n driedubbele lyn word nie gou verbreek nie. (Prediker 4:9-12)
Die hartseer is, dat selfs hierdie wonderlike vennootskappe nie ewig hou nie… die een val weg. Verder sê Jesus: Die armes sal altyd by julle wees. (Mark 14:7; John 12:8) Daar sal altyd behoeftige mense wees wat ons hulp en ondersteuning nodig het. Die werk kom nooit tot ‘n einde nie.
5. Toeskouer-tipe-godsdiens – godsdiens om jou gees te vul
Wees nie alte regverdig en hou jou nie buitengewoon wys nie: waarom sou jy jouself te gronde rig? Wees nie alte goddeloos, en wees nie dwaas nie: waarom sou jy sterwe voor jou tyd? (Prediker 7:16)
Nou dat ek dit alles weet. Hoe leef ek elke dag? Hoe bepaal ek my lewe?
Die hoofsaak van alles wat gehoor is, is: Vrees God en hou sy gebooie; want dit geld vir alle mense. Want God sal elke werk bring in die gerig wat kom oor al die verborge dinge, goed of sleg. (Prediker 12:13-14)
Leef Vir Hom
Die antwoord is: Leef elke dag VIR HOM!!!
Leef elke dag REG! Doen elke dag wat waar en reg is! Wees altyd eerlik! God is Almagtig, Alwetend, Ewig maar ook liefdevol!!
Leef die vervulling van elke oomblik, asof dit jou laaste dag onder die son is! Word elke dag vervul met Sy misterieuse heerlikheid en staan in verwondering, dat jy nie in beheer is nie!
Jan Oosthuizen
Ons is menslik beperk, deur ons intellek, persoonlikheid, agtergrond, taal, kultuur, vermoëns en fisiese kragte! Leef dus voluit in Sy liefde!!!
Wat is die karaktertrekke van ‘n diep vriendskapsband?
Deesdae het ons honderde en sommige het duisende sosiale media platvorm vriende, maar fisies is daar niemand wat jou in ‘n krisis kan kom bystaan nie. Ons het al almal die vernietigende pyn beleef van ‘n vriend wat ons verraai, verlaat, of teen ons draai. Aan die ander kant is ons die som totaal van ons diep betekenisvolle vriendskap bande.
13Dis nie ’n vyand
wat my spot nie –
dit sou ek kon verdra.
Dis nie my vyand
wat teen my grootpraat nie –
ek sou vir hom
kon wegkruip.
14Maar nou is dit jy,
’n man soos ek,
my goeie vriend en my metgesel.
15Watter goeie kameraadskap
het ons geniet!
Ons het saam gegaan,
na die huis van God! (Ps 55:12-14)
In Latyns is daar hierdie uitdrukking: sine qua non – sonder dit niks.
Sonder familie wat gegrondves is in betekenisvolle wedersydse vriendskap is ons niks. Dit is die mees absolute voorwaarde tot ‘n vrugtevolle bestaan. Om te lewe nie net vir jouself nie, maar vir ander!
Bybelse Vriendskap
Dit is egter nodig dat ons “vriendskap” Bybels definieer, sodat ons nie mislei word in ‘n wêreld van selfsug, voorgee, en valse voorwendsels nie!
1. Ons is GEHOORSAAM
14Julle is my vriende as julle alles doen wat Ek julle beveel.Joh. 15:12-15.
Aktiewe gehoorsaamheid is om mekaar se wense te vervul nog voordat mens vra. Dit gaan oor fyn luister en doen. Die wesenlike probleem met ongehoorsaamheid is vervreemding of “disconnect” (alienation of the mind) — jy is van die hart van ‘n persoon vervreemd, en daarom gebruik jy “witchcraft” (eie-self-ego) om die gaping te vul.
2. Ons HELP mekaar
9Twee is beter as een, want hulle het ’n goeie beloning vir hulle moeitevolle arbeid. 10Want as hulle val, kan die een sy maat optel, maar wee die een wat val sonder dat daar ’n tweede is om hom op te tel. 11Verder, as twee bymekaar lê, kry hulle warm; maar hoe kan een allenig warm word? 12En as iemand die een aanval, kan altwee hom teëstand bied; en ’n driedubbele lyn word nie gou verbreek nie.Klaag. 4:9-12.
Daar is genoegsaam navorsing gedoen om die voordeel van samewerking in sinergie te bewys. Agt manne wat saam in ‘n skrum druk, is eksponensieel kragtiger as agt manne wat een-vir-een teen ‘n voorwerp druk. Dink span! Doen dinge saam!
3. Ons LOS NIE
24’n Man met baie vriende word geruïneer, maar daar is ’n vriend wat sterker aanhang as ’n broer. Spr. 18:24
Die beginsel is: ONS LOS NOOIT NIE! Dit is wel mense se keuse om ons te los. Ons DAAR-WEES vir mekaar vleg ‘n kragtige band in tye van nood.
4. Ons STEM oor die selfde goed saam
Can two walk together, unless they are agreed? Amos 3:3.
Dit is moeilik om met iemand vriende te wees, as ons oor alles verskil. Ons kan sekerlik verskil van tyd-tot-tyd, maar ons moet te minste dieselfde vertrek punt hê. Dit is wat die beteken om een van Gees, hart en verstand te wees.
5. Ons is in VERBONDENHEID met Christus
Aangesien julle dan Christus Jesus as Here aangeneem het, moet julle in verbondenheid met Hom lewe, in Hom gewortel en op Hom gebou, vas in die geloof soos julle geleer is, en met dankbaarheid vervul. Kol 2:6-7.
Hierdie eenheid van Gees, is opgesluit in ons kennis en verbondenheid met Christus – Ef. 4:13. Daar is geen werklik volhoubare eenheid, of verbondenheid sonder dat beide partye:
geanker in Christus is
toenemend na Sy beeld hervorm word nie.
6. Ons DRA mekaar se laste
2Dra mekaar se laste en vervul so die wet van Christus. Gal 6:2.
Ons maak mekaar se swakhede vol. In sekere areas, soos ons persoonlikheid, sal ons nooit verander nie. Dit is wie ons is. Deur ons vriendskap, vul ons mekaar se leemtes, om ‘n natuurlike manier.
7. Ons korrigeer mekaar
5Openlike teregwysing is beter as verborge liefde. 6Die wonde deur een wat liefhet, is opreg bedoel, maar die soene deur ’n vyand is oorvloedig. Spr. 27:5-6.
‘n Ware vriend is nie ‘n ja-broer nie! Elkeen van ons het vriende nodig, wat met ons eerlik is, en ons genoeg liefhet om ons te korrigeer.
8. Ons bring die BESTE uit mekaar uit
17Yster slyp yster, so slyp die een mens die persoon van die ander.Spr. 27:17.
Ware vriendskap bring die beste uit mekaar uit! Jy word ‘n beter mens, met beter vaardighede, wat konstant saam bly ontwikkel en groei.
9. Ons kan onafhanklik staan en kies WYSE vriende
20Gaan met die wyse om, dan word jy wys; maar hy wat met dwase verkeer, versleg. Spr. 13:20.
Die keuse van vriende is so belangrik!! Kies vriende en mense wat slimmer, sterker, en meer suksesvol is as jy. Dan sal hulle jou optrek! Die binnekring van die mense met wie jy die meeste tyd spandeer, bepaal jou menswees.
10. Ons is mekaar se FAMILIE – jou mense is my mense.
want waar u gaan, sal ek gaan; en waar u vertoef, sal ek vertoef; u volk is my volk, en u God is my God. 17Waar u sterwe, sal ek sterwe en daar begrawe word! Mag die Here so aan my doen en so daaraan toedoen—net die dood sal skeiding maak tussen my en u. Rut 1:16-18
Ons is nie net individuele vriende nie, ons mense is mekaar se mense! Ware vriende is ook vriende met jou ouers, en wyer familie. Ons vriendskappe bou uiteindelik ‘n nuwe nasie, ‘n Christus kultuur!
Bloedhonde is van die vroegste tye geleer spesiaal geteel om eerder te rig op die opvang van die eerste reuk, as om hulle natuurlike instink te volg om hulle prooi te jaag of te verorber. Dit is ‘n mooi prentjie hoe die bloedhond met sy of haar poot in die lug staan, stert reguit in die lug!! Geduldig wag die bloedhond op hul eienaar om nader te kom en deel te wees van die jag.
Hierdie spanwerk is ‘n goeie beeld van hoe ons ook in die liggaam van Christus moet leer om op mekaar te wag, fyn ingestel in hoe die Gees van die Here deur mekaar werk. VANDAG se kultuur lê klem op individualisme! Elkeen wil self hoor, en self tot oortuiging kom! Niemand wil meer voorgesê word nie!
English Pointer pointing quail.Bloedhond in Aksie
Want niemand van ons leef vir homself nie en niemand sterf vir homself nie. Want as ons lewe, leef ons tot eer van die Here; en as ons sterwe, sterf ons tot eer van die Here; of ons dan lewe en of ons sterwe, ons behoort aan die Here. Want hiervoor het Christus ook gesterwe en opgestaan en weer lewend geword, om oor dode sowel as lewende te heers. Maar jy, waarom oordeel jy jou broeder? Of jy ook, waarom verag jy jou broeder? Want ons sal almal voor die regterstoel van Christus gestel word. Want daar is geskrywe: So waaragtig as Ek leef, sê die Here, voor My sal elke knie buig, en elke tong sal God bely. So sal elkeen van ons dan vir homself aan God rekenskap gee. (Rom 14:7-8)
In die Westerse samelewing word daar ‘n oordrewe klem gelê op persoonlike keuse, en demokratiese reg terwyl in die oosterse samelewing daar weer ‘n oordrewe klem om die kollektief geplaas word. In die weste regeer die individu, in die ooste regeer die kollektief. Beide is ekstreme, en is nie die Bybelse Leefwyse nie.
Die Bybel lê klem dat ons nie vir self of die kollektief leef nie, maar vir HOM!! Ons lewe vir Sy eer! Nie die eer van self of die groepering nie!
Jan Oosthuizen
Die probleem is egter dat veral in die Westerse Christenbegrip die fokus meer en meer op die self gerig is, elkeen wil self by die Here hoor, elkeen wil self vir ander leer (wat natuurlik ‘n goeie ding is). Maar Jesus wys vir ons ‘n ander werkswyse: Hy het vir dertig-jaar getrou gebly aan aardse ouers, en hulle gedien alvorens Hy met publieke bediening begin het!
Jongmense wil leermeesters wees, sonder dat hulle onder iemand se voete sit en eers geleer word. Ons wil oordele oor mense en sake vel, sonder dat ons behoorlik eerstehandse kennis oor die saak het.
‘n Waardevolle geestelike sleutel tot verantwoordbare gesag en outoriteit is om gesag te verstaan. Hierdie samelewing het bitter min respek vir gesag. Suid-Afrika is nie bekend as een van die mees wetsgehoorsame lande in die wêreld nie. Almal wil oorleef! Almal wil ‘n baas wees van sy eie heil! “elkeen het gedoen wat reg was in sy oë” (Rigters 21:25). Natuurlik regverdig ons hierdie self-regering deur te wys na die huidige regering se swak prestasie.
“Ek wil self VOEL dit is wat ek wil doen! Niemand moet my sê nie! Ek het die reg om nee te sê!” – dit is natuurlik waar, maar ‘n halwe waarheid. Jy bepaal nie jou lewe nie. “julle wat nie eens weet wat môre sal gebeur nie. Want hoedanig is julle lewe? Dit is tog maar ‘n damp wat vir ‘n kort tydjie verskyn en daarna verdwyn. In plaas dat julle sê: As die Here wil en ons lewe, dan sal ons dit of dat doen.” Jakobus 4:14-15
Nie al die 3000 mense wat tot inkeer gekom het na Pinksterdag het ‘n “Damaskus ervaring” soos Paulus gehad nie. Engele verskyn nie aan almal nie. Nie almal kry spesiale aandag nie! Dit beteken nie dat God nie vir jou lief is nie. Sy manier van leef is nog steeds die beste manier van leef!
Gehoorsaamheid
Blindelingse gehoorsaamheid is ‘n vorm van slawerny. So dit is nie wat God vir ons beplan nie!
Wat ek wil benadruk is die EER van INGESTEL wees op mekaar. Intelligente saamwerkende gehoorsaamheid! Dit is wat God verlang!
‘n Leerling is nie bo die meester nie en ‘n dienskneg ook nie bo sy heer nie. Dit is vir die leerling genoeg dat hy soos sy meester word en die dienskneg soos sy heer. Mat 10:24
Daar is iets mooi wanneer gelowiges, na mekaar luister, en nederig volg.
Maar die wysheid van bo is ten eerste rein, dan vredeliewend, vriendelik, geseglik, vol barmhartigheid en goeie vrugte, onpartydig en ongeveins. En die vrug van die geregtigheid word gesaai in vrede vir die wat vrede maak. (James 3:17-18)
Jesus die Seun van God, wat enige iets kan doen! Wys ons die beste manier vir ons as mens om te floreer – GEHOORSAAMHEID!
“Hy het toe saam met hulle na Nasaret toe teruggegaan, en Hy was aan hulle onderdanig.” (Luk. 2:51).
“Jesus het toe geantwoord en vir hulle gesê: Voorwaar, voorwaar Ek sê vir julle, die Seun kan niks uit Homself doen tensy Hy die Vader dit sien doen nie. Want alles wat Hý doen, dit doen die Seun ook net so.” (Joh. 5:19).
“Ek kan uit Myself niks doen nie. Soos Ek hoor, oordeel Ek; en My oordeel is regverdig, omdat Ek nie My wil soek nie, maar die wil van die Vader wat My gestuur het.” (Joh. 5:30).
“Want Ek het uit die hemel neergedaal, nie om My wil te doen nie, maar die wil van Hom wat My gestuur het.” (Joh. 6:38).
“En Jesus sê vir hulle: Wanneer julle die Seun van die mens verhoog het, dan sal julle weet dat dit Ek is; en uit Myself doen Ek niks nie; maar net wat my Vader My geleer het, dit spreek Ek.” (Joh. 8:28).
“Want Ek het nie uit Myself gespreek nie; maar die Vader wat My gestuur het, Hy het My ’n gebod gegee wat Ek moet sê en wat Ek moet spreek.” (Joh. 12:49).
“Glo jy nie dat Ek in die Vader is en die Vader in My nie? Die woorde wat Ek tot julle spreek, spreek Ek nie uit Myself nie; maar die Vader wat in My bly, Hy doen die werke.” (Joh. 14:10).
Natuurlik wil enige werkgewer dat ‘n werknemer eie inisiatief neem, die werk verstaan en dink hoe om prosesse te verbeter. Werknemers wil weer hê dat hulle werkgewers nie net besluite neem sonder om met hulle te konsulteer nie. Hier is dus ‘n positiewe “feedback loop” te sprake. Beide die werkgewer en werknemer is selfloos in hierdie verband, en wil van mekaar leer en as ‘n span saamwerk.
Gehoorsaamheid is dus nie om passief te wag vir ‘n opdrag nie, maar om aktief deel te neem wanneer die groter opdrag reg verstaan word.
Geestelike Leiers luister na die Here in sy mense, en saam luister die mense na hulle geestelike leier. Dit is ‘n sikliese vloei van geloofsenergie wat heilsmaam in almal werk.
Dit is interessant dat die mees vaardigste briljante musikante gewoonlik baie nederig is. Vir ‘n orkes om saam te kan speel, moet mens hierdie dans van selflose gehoorsaamheid verstaan. Niemand oordonder nie, niemand vestig aandag op self nie, totdat die orkes ruimte maak vir ‘n solo. Dit is fyn luister, aandag gee, wakker wees en my talente onderwerp aan die res van die orkes.
Individualiste wil almal soliste wees!
Ons moet die Here as individue voluit dien! Maar nie in isolasie van ‘n geestelike liggaam nie! Ons dien Hom saam! Ons leer en volg Hom saam.
Groepsdinamika
Wanneer swaar tye kom, het ons mekaar meer nodig! Ek wil waag dat 70% van ons dag, onbewuste optrede is. Ons dink nie bewustelik om iets te doen nie, dit kom outomaties. Deur gereelde groep samekomste, gebeur daar so baie in ons onderbewussyn ons weet nie eers daarvan nie.
Wetenskaplikes meen dat daar verskeie groeptransformasies plaasvind in ‘n skare wat vir dieselfde doel byeen gekom het, soos ‘n kerkbyeenkoms teenoor ‘n skare mense by ‘n lughawe. Mense hou op om hulle te gedra in terme van hul idiosinkratiese oortuigings en gee voorkeur aan die hand van gedeelde norme, waardes en begrip. Mense prioritiseer wat gesien word as waardevol vanuit die groepsperspektief.
Verder sien mense ander in die skare as deel van die uitgebreide ‘self’ eerder as ‘n “ander”. Dit lei tot groter intimiteit en baie navorsing toon hoe gedeelde identiteit groter vertroue, respek, samewerking, wedersydse invloed, hulp en verwagtinge van ander se hulp tot gevolg het.
Mense geniet die hegte en ondersteunende verhoudings van ‘n groep waarmee hulle identifiseer as gevolg van gedeelde identiteit. Meer nog, sulke hegte verhoudings in ‘n groep stel mense in staat om saam te werk en meer doeltreffend te wees om hul gedeelde doelwitte te bereik. [2]
TOE sê Jesus vir sy dissipels: As iemand agter My aan wil kom, moet hy homself verloën en sy kruis opneem en My volg. Want elkeen wat sy lewe wil red, sal dit verloor; maar elkeen wat sy lewe om My ontwil verloor, sal dit vind. Want wat baat dit ‘n mens as hy die hele wêreld win, maar aan sy siel skade ly? Of wat sal ‘n mens gee as losprys vir sy siel? (Mat 16:24-26)
Vertrou volkome op die Here en moenie op jou eie insigte staatmaak nie. Ken Hom in alles wat jy doen en Hy sal jou die regte pad laat loop. Moenie dink jy het die wysheid in pag nie.. (Prov 3:5-7)
OM die Here te eer met my lewe, is om die fyn balans te handhaaf tussen: 1. Verantwoordelikheid vir myself.
2. Om “span” te dink
Die beste formule vir geestelike groei is “Ek is leier EN Dienskneg!”
Ons as mens is geneig om vas te haak. As jy net altyd leiding neem, weet jy nie meer om te dien nie. As jy net altyd volg en dien, weet jy nie meer om te lei nie. Ons lei en dien soms ter selfde tyd, en ons vloei soomloos en sonder moeite tussen hierdie twee aspekte van ons menswees.
Dit is ook hoe ‘n huwelik groei – ‘n soomlose wederkerige dans van Lei en Dien. Alhoewel daar ruimte is vir individualisme en diversiteit is daar ‘n simbiotiese saamspeel om juis jou maat voorrang te gee!
Die Judeo-Christen denke en lewensstyl is sedert die begin van tyd in stryd met die slang – ‘n argetipe van vertwyfeling in wat God sê. Hierdie stryd hou op aarde nooit op nie.
Vandag nog vra meer en meer mense, “Het God regtig gesê?” Is daar regtig ‘n hemel en ‘n hel, en ‘n hiernamaals? Is die Woord van God, regtig waar en betroubaar? Het Jesus regtig bestaan en opgestaan uit die dood? Is die God van Abraham, Isak en Jakob, die enigste ware God? Is homoseksualiteit sonde?
Die VYAND van VERTWYFELING bleik al hoe meer grondgebied in ons harte te wen…
— If any of you lack wisdom, let him ask of God, that giveth to all men liberally, and upbraideth not; and it shall be given him.
But let him ask in faith, nothing wavering. For he that wavereth is like a wave of the sea driven with the wind and tossed.
For let not that man think that he shall receive any thing of the Lord.
A double minded man is unstable in all his ways. (James 1:5-8)
Twyfel
Twyfel word hier (KJV) vertaal met “wavering” in plaas van “Doubt” en gee ons ‘n baie mooi visuele beeld van hoe twyfel lyk.
Twyfel is nie ongeloof nie, dit is, jy weet nie WAT om te glo nie.
Jan Oosthuizen
1252. διακρίνω diakrínō; fut. diakrinṓ, from diá (G1223), denoting separation, and krínō (G2919), to distinguish, decide, judge. To separate throughout, completely, used trans. In the mid., to separate oneself. Particularly, to separate oneself from.
Hierdie afsnyding, vervreemding, en distansie is die begin van twyfel. As Adam en Eva by die Here gebly het, met die Here gepraat het oor die slang se praatjies, het hulle moontlik nie gesondig nie.
Hoe meer die wêreld vervreemd raak van die Bybel en die Here, gevolglik, is niks meer seker nie. Byvoorbeeld, niemand weet wat om met Putin en die oorlog in die Oekraine te maak nie! Die vyand floreer in die atmosfeer van vertwyfeling: niemand word gearresteer nie; niemand word vervolg nie; niemand neem aksie nie en ongeregtigheid vermenigvuldig!
Douglas Murray een van Brittanje se mees gerekende kommentators oor politiek en samelewing, mederedakteur van The Spectator verwoord ons hedendaagse geloofoortuigingsoorlog so: The explanations for our existence that used to be provided by religion went first, falling away from the nineteenth century onwards. Then over the last century, the secular hopes held out by all political ideologies began to follow in religion’s wake. In the latter part of the twentieth century, we entered the postmodern era. [1]
“WOKE” – “Die Nuwe Godsdiens”
Nou is die WOKE polisie besig om die nuwe godsdiens van wat mense moet glo te bepaal. ‘n Goeie voorbeeld is die onlangse Dr Strange die “Multiverse Madness” fliek.[2] Die idee van ‘n “multiverse” het geen wetenskaplike of Bybelse gronde, maar word al hoe meer geprojekteer op ons kinders (sien die mees onlangse Spiderman No WayHome film fliek. Die heldin in die Dr Strange fliek is ‘n jong meisie wie se ouers, ‘n lesbiese paartjie, sterf tydens haar ontdekking van haar superpower. Verder is die fliek deurweek met magiese beswerings en vloeke, antieke geskrifte, ens, ens!
Niks is meer heilig of onaantasbaar nie! Jy mag nie meer sê iets is verkeerd of sonde nie, want dan skend jy die persoon se regte!
Jan Oosthuizen
In hierdie proses het dit, byvoorbeeld, toe al duideliker geword dat die term “homoseksualisme” vermy behoort te word, aangesien dit alreeds ‘n vooraf bepaalde vertrekpunt impliseer wat ‘n negatiewe konnotasie daaraan verleen (en dus onmenswaardig is). Ons moet dus liewer praat van seksuele oriëntasie”, of van “homoseksuele oriëntasie”, of “homoseksualiteit”, of “gay” of “lesbiese persone” – maar nie van “homoseksualisme”‘ nie. [3]
Onderwysers mag nie meer kinders straf nie! Onderwysers word verbaal geteister, leerders vloek (selfs in die teenwoordigheid van onderwysers), hul baklei met mekaar, hulle kleredrag is swak en hulle kom dikwels laat vir klas. Weereens ‘n reuse verwydering, tussen onderwyser en kind en gevolglike vertwyfeling waarin ongeregtigheid seëvier!
As jy nog nie heeltemal weet waaroor die WOKE denke gaan nie, lees gerus Helen Zille se mees onlangse boek: #StayWoke: Go Broke – Why South Africa won’t survive America’s culture wars (and what you can do about it).[4] “Kritiese teorie”, algemeen bekend as “Wokeness” smelt die akademiese tradisies van Marxisme en Post-Modernisme saam. Kritiese Teorie (soos alle weergawes van Marxistiese teorie) verdeel die wêreld in twee hoofkategorieë: Slagoffers en Skurke. Die onophoudelike stryd tussen goed en kwaad, so gedefinieer, is die motor van die geskiedenis. Volgens Kritiese Teorie is hierdie skeiding egter nie meer langs klasselyne nie, (soos klassieke Marxiste beweer). Dit is ‘n stryd gebaseer op ingebore eienskappe van persoonlike identiteit, met die foutlyne ras, seks, seksualiteit, geslagsidentiteit en gestremdheid (en soveel ander kategorieë van benadeelde minderhede as wat ‘n mens kan bedink).
Die “Woke’ beweging bestaan om verdeeltheid, verwydering, agterdog, leuens, en eensydige stories te promiveer tussen geslagte, kinders en ouers en rassegroeperinge!
Jan Oosthuizen
Wat die moderne Westerse wêreld nie besef nie, is dat veelvoudige voorregte en gerief van hierdie era juis die gevolg is van 1800 jaar se Christen denke wat in die Bybel gegrondves is. Vishal Mangalwadi lê hierdie waarheid deeglik uit in sy boek “The Book That Made Your World: How the Bible Created the Soul of Western Civilization” Hy bewys dat die Bybel die basis is van ‘n universele woordeskat en begrip, nugter rasionaal en openlike dialoog, innerlike morele reg, deernis en die onderbou van alle geneeskunde, kreatiwiteit en tegnologiese uitvindsels, ekonomie van rentmeesterskap.
Volgens Patric Hanlon[5] gebruik die beste handelsmerk bemarking agentskappe geestelike of spirituele ondertone om mense te trek: Apple verkoop nie net rekenaars nie, hulle bemagtig en ondersteun passievolle “buite-die-boks-dink”, kreatiewe, verandering aktiviste wat die wêreld ‘n beter plek wil maak. Jy sien weinig foto’s van hulle produkte, eerder video grepe van wat mense met hulle produkte vermag. Onlangs in die ingang voorportaal van Somerset Winkelsentrum is groot baniere: “Be kind, Be courageous, Be strong, Be fearless, Be fun, Be United!” Die winkelsentrum is die plek wat jou gaan help om die bogenoemde te verwesenlik!! Werklik?
Gesonde mededinging is wat maatskappye laat floreer terwyl die kerk besig is om te kwyn omdat dié strategie om TEEN niks te wees, ons irrelevantmaak .
Jan Oosthuizen
Coca-Cola vs Pepsi, Apple vs Microsoft, ens., bied aan hierdie maatskappye hulle unieke handelskontribusie. Daarom vandag se boodskap: Wie is vandag die Kerk se grootste vyand?
Natuurlik is hierdie punt parodoksaal, omdat die kerk juis geroep word om brugbouer, vredemaker, versoener en regverdige aktiviste vir die mees gemarginaliseerdes moet wees. Vandag dra die “Woke”‘ Polisie en Populistiese Politieke Partye hierdie vaandel!
Die Geloof-Oorlog
Die realiteit is egter, dat ‘n mens nie vrede, eenheid en versoening kan bewerk sonder om gedrag aan te spreek wat vir self en ander skadelik is nie. In ons soektog na volhoubare vrede, heilsaamheid en welstand moet dade soos selfsug, leuens, luiheid, rebelse ongehoorsaamheid, hebsug, jaloesie, en verslawing aangespreek word.
In die huwelik: Hoekom skei mense? Hulle het tog eertyds geglo hulle is vir mekaar bedoel en lief vir mekaar. Dit is weereens sondes soos dislojalitiet, bitterheid, onvergewensgesindheid, tekort aan wederkerige samewerking en wedersydse opofferings, en hardheid van hart wat mense uit mekaar uit dryf.
Die GELOOF oorlog is dus nog steeds: Wat sê God moet ons glo! Teenoor wat glo ons!
Jan Oosthuizen
In dieMedia: Die grootste dilemma op die oomblik is dat dit glad nie meer so maklik is om vriend en vyand te skei nie. Ons spandeer 80% van ons tyd op rekenaar of TV skerms, waar ons oorweldig word met nuwe inligting oor wat ons moet glo!! Elkeen selfs Putin, Trump en Putin glo hulle doen reg in hulle eie oë!!
In die samelewing: Niemand wil sekerlik opsetlik iemand anders skade doen nie, tog beleef ons veral in Suid Afrika ‘n samelewing met alhoe minder interne toleransie vir ons medemens! Bure maak musiek tot diep na middernag, en dink nie eers daaraan dat ander mense eerder wil slaap nie!
In die gesin: Ons is so selfgerig in ons eie oorlewing, om toe te sien dat ons kinders hulle huiswerk doen, en hulle dan by al die sport en kultuur aktiwiteite te kry, dat geestelike tradisies heeltemal agterwee gebly het. Hoekom sal kinders wat nooit weekliks in die samekoms van gelowiges gekom het as kind dit soek as hulle volwasse is?
In ouerskap: Ons as volwassenes kan moontlik dit regkry om elke dag met die Here te praat, en sodoende naby die Here te leef sonder om kerk toe te gaan, maar hoe verwag jy moet kinders dit regkry? Hulle is so besig met skool daar is geen tyd vir interaktiewe geestelike aktiwiteite soos: lofprysing en aanbidding; gebed en intersessie; Bybelstudie en skrif memorisering; mededeelsaamheid en diens nie! Ouers is ook oorweldig en kan nie ook nog tyd hiervoor maak nie.
Die kern vraag in die oorlog van geloof is: Ken JOU KINDERS die HERE?
Jan Oosthuizen
Kan hulle hulleself handhaaf en verdedig in ‘n wêreld wat alhoe meer liberaal en vrydenkend raak? Meer nog, kinders moet die HERE bo alles beleef!
In die onderwys: Wat jy nie kan organiseer in ‘n skool sillabus nie! Mens weet nooit wanneer die Here vir ‘n kind ‘n werklikheid word nie, maar die meeste volwassenes sal jeugkampe, Sondagskool, en jeugdienste onthou. Hierdie aktiwiteite gebeur nie meer nie, want niemand kom meer na hierdie aktiwiteite nie!
Die kerk moet nou meeding met die beste multimedia produkte denkbaar!! Dink maar aan die mees onlangse Top Gun fliek! Wie kan hoegenaamd met dit meeding? Die antwoord is sekerlik opgesluit in tasbare sensoriese samekomste van die Gees! Mense raak versadig van die valse nuwigheid van sosiale media… ons wil eerder doen en beleef en self ervaar as om vir ander mense te kyk. Al hoe meer mense vlug in die natuur in! Dit is wonderlik en kinders kan die Here hier beleef.
My vraag is, word daar ooit tydens hierdie ekskursies oor die Here gepraat, Bybel gelees, saam gebid, ens., ens.?
Wen Ons As Gemeente?
Ek is bevrees dat ek, myself en ons gemeente is besig om ernstig hierdie oorlog te verloor!! Ons deel preke en gesonde leerstellings op elke moontlike manier – video, podgooi, blogs, radio, “snippits”,”reels”, maar kykgetalle, “likes”, en “shares” is minimaal!
Ons is nie ‘n groot genoeg indrukwekkende gemeente om getalle deur getalle te trek nie! Mense is agterdogtig vir lokale kerke, en kry eerder hulle eie voorkeure op sosiale media. Ons bepaal self ons eie geestelike dieët!
ONS GROOTSTE PROBLEEM IS – ons is nie meer ‘n GEMEENSKAP nie!
Die beste manier om vertwyfeling uit te wis is deur ‘n diep BETEKENISVOLLE gemeenskap!
Jan Oosthuizen
Ons almal kry swaar, en sien nie kans vir nog iemand se swaar nie! Ooorlewing-mentaliteit word skadelik. Alhoewel geestelike leierskap en prediking ‘n groot rol speel, is dit nie die primêre rede hoekom mense by ‘n gemeente inskakel nie. Dit is ‘n bepaalde portuurgroep waarmee ons kan identifiseer wat meestal die grootste trek pleister is. Onlangs vertel ‘n jong tienermeisie haar storie op Ben Shapiro se Kanaal. [6] Helena Kerschner het begin met testosteroonbehandelings op die ouderdom van 18. Na ‘n jaar-en-‘n-half se behandelings het sy uiteindelik tot die besef gekom dat sy nie eintlik “transgender” is nie. Wat haar verhaal so tragies maak, is hoe sy alhoe meer van haar eie gesin en skool vriende vervreemd geraak het, terwyl sy meer en meer tyd aanlyn op sosiale media begin spandeer het. Hier terwyl sy haar onbeholpenheid en frustrasies met haar eie lyf begin deel het, is sy gou aangemoedig (en is die saadjie geplant) dat sy moontlik in die verkeerde lyf gebore is.
“Wat is die veerkragtigste parasiet? ‘n Idee. “‘n Enkele idee kan stede bou. ’n Enkele idee kan die wêreld transformeer en al die reëls herskryf.” Dié woorde gespreek deur Cobb, die droommanipuleerder wat deur Leonardo DiCaprio uitgebeeld word in die wetenskap-riller fliek: “Inception”, vorm die basis van ‘n film wat as ‘n soort “Mission-Impossible-of-the-mind” beskou kan word. In ‘n neutedop, handel die komplot oor ‘n elite IMF-agtige span op ‘n geheime korporatiewe spioenasie-missie. Die missie is om in die gedagtes van die erfgenaam van ‘n afgestorwe korporatiewe titan te plant wat sal veroorsaak dat hy sy pa se ryk ontbind. Hulle doen dit nie deur hipnotiese suggestie nie, maar deur sy droomwêreld te manipuleer en letterlik binne te gaan. Natuurlik kom ernstige komplikasies voor want in die proses verloor ons die vermoë om te weet wat is werklik, en wat is droomwêreld!
Om te glo, is om jou droom-vermoeë deur die Heilige Gees te gebruik. Dit is presies die OORLOG waarin ons as kinders van die Here gewikkel is!! Ons eie gevoelens kan ons mislei!! Ons eie gedagtes word ‘n doolhof waaruit ons sukkel om te ontsnap! Ons ervarings is ook subjektief, en kan nie geldend die universele waarheid bepaal nie! Ons persoonlikhede, intellek, en vermoëns beperk ons.
Daar word deesdae soveel waarheid verkoop, ons weet nie meer watter waarheid om te glo nie!! Selfs ons groeperinge kan ons mislei!
Wysheid Van Jakobus
Dit klink asof Jakobus vandag nog direk met ons praat, wetende al die vrae wat ons pla! 2022 jaar later en ons is soos die mense in Jesus se tyd vasgevang in die worstelinge van die lewe.
Jakobus se raad is: Geloof sonder werke kan nie geloof genoem word nie. “Geloof sonder werke is dood” (2:26), en ‘n dooie geloof is erger as geen geloof nie. Geloof moet werk; dit moet produseer; dit moet sigbaar wees. Verbale geloof is nie genoeg nie; geestelike geloof is onvoldoende.
Geloof moet daar wees, maar dit moet meer wees. Dit moet tot aksie inspireer.
Wanneer ons in LIEFDESDIENS en GEMEENSKAP ons liefde en geloof demonstreer, verdwyn vertwyfeling soos mis voor die son!! Jesus se koninkryk boodskap is ‘n NOU boodskap van genesing, bevryding, aanvaarding, vergifnis, versoening, vervulling!!
[1] Douglas Murray, Madness of Crowds, gender, race, economy, Bloomsbury Publishing 2019
[3] Die NG Kerk: Die pad na selfde geslag verhoudings
[4] Helen Zille #StayWoke: Go Broke: Why South Africa won’t survive America’s culture wars (and what you can do about it) . Obsidian Worlds Publishing. Kindle Edition.
[5] Patric Hanlon, Primal Branding, Create Belief Systems that attract communities. Freepress, 2006.
Daar is vêr meer in stoor vir die kind van God as om nét te oorleef! Dit is so dat baie mense geestelik dood is, en nie eers weet wat hulle mis nie. Tragies egter is die talle kinders van God wat nooit die volle erfporsie, krag en skeppingsdoel wat in Christus se geregtigheid opgesluit lê ooit in besit neem nie! Ons oorleef soos weeskinders van die krummels wat van die tafel af val!
Die Siro-Fenisiese vrou Markus 7:24-30
Die Kanaänitiese vrou Matteus 15:21-28
Deur REG TE “GLO” ontsluit HEMEL op AARDE!
Jesus word herhaaldelik verwerp, en self teëgestaan deur Sy eie mense. Selfs sy eie familie twyfel. Jesus se moeder en familie is bekommerd oor Hom. (Mat 12:46-50; Mark 3:21,31-35; LK 8: 19-21) Toe sy familie hiervan hoor, het hulle gegaan om Hom te gaan haal, want hulle het gesê: “Hy het van sy kop af geraak.” (Mk 3:21)
Alhoewel Jesus so baie wondertekens voor die mense gedoen het, het hulle tog nie in Hom geglo nie. (Joh 12:37-43)
Die probleem lê nie my die mate van ons geloof nie, maar die teenwoordigheid van twyfel.
Jan Oosthuizen
Die elf dissipels het na Galilea toe gegaan na die berg waarheen Jesus hulle beveel het om te gaan. Toe hulle Hom sien, het hulle Hom aanbid, hoewel party getwyfel het. (Mat 28:16)
Die vrou kry ‘n direkte NEE antwoord van Jesus. 23Maar Hy het Hom heeltemal doof gehou vir haar. Sy dissipels kom vra Hom toe: “Stuur haar tog weg. Sy hou nie op met tekere gaan al agter ons aan nie.” Mat 15:23
Hy het nie gekom vir heidene nie, maar eerstens die uitverkore volk van God die Jode! (Han 13:46; Rom 1:16) Daarom die woord ‘huishondjies’ wat dikwels honend deur die Jode gebruik is teenoor hulle vyande en alle heidene! Daarna, groet sy Hom volgens sy Joodse titel: “Seun van Dawid” en dan wanneer Hy haar weer afjak val sy voor Hom neer en aanbid (proskonéo) Hom.
4352. προσκυνέω proskunéō; contracted proskunṓ, fut. proskunḗsō, from prós (G4314), to, and kunéō (n.f.), to kiss, adore. To worship, do obeisance, show respect, fall or prostrate before.
Dan noem sy Hom: 2962. κύριος kúrios; gen. kuríou, masc. noun from kúros (n.f.), might, power. Lord, master, owner. Also, the NT Gr. equivalent for the OT Hebr. Jehovah.!
Maar dit is die aktiewe-vorm van haar stelling wat Jesus se ingesteldheid teenoor haar draai: “Dit is so, Here, maar selfs die huishondjies eet tog darem van die krummels wat van hulle base se tafel afval.” Sy stem saam, en aanvaar die voordeel vir die Jode, maar sy sluit haarself in. Ek is alreeds besig om van die krummels te eet! Ek is alreeds besig om “to partake” van die maaltyd, al is dit die krummels. Sy sluit haarself dus in, en maak aanspraak dat sy in die huis woon!
28“Mevrou,” sê Jesus vir haar, “jou geloof is groot. Jou wens word vervul.” Jesus spreek haar nie aan as dogter of jongeling nie, maar mevrou! Hy sien haar statuur in die Gees. Haar geloof word as GROOT bestempel! 3173. μέγας mégas; fem. megálē, neut. méga, adj. Great, large, particularly of physical magnitude. Sy was vreesloos, en sonder enige twyfel!!
Die teenwoordigheid van twyfel bepaal die grote van jou geloof!
Jan Oosthuizen
Sy het “persistantly” volhou totdat die Here haar dogter bevry.
Sy is nie net desperaat nie, Jesus is haar enigste hoop!
Toe sê Hy vir haar: “Op grond van wat jy gesê het, kan jy maar huistoe gaan; die bose gees het al klaar uit jou dogter uitgegaan.” (Mark 7:29) Jesus doen hierdie wonderwerk vir haar dogter oor ‘n afstand! Nog ‘n voorbeeld dat Jesus alomteenwoordig is, Hy is God! Hy bevry haar dogter sonder om enigiets te sê of te doen!
Geloof Ontsluit Die HEMEL Hier Op AARDE!
Meer nog haar woorde word as LOGOS bestempel: 3056. λόγος lógos; gen. lógou, masc. noun from légō (G3004), to speak intelligently. Intelligence, word as the expression of that intelligence, discourse, saying, thing.
Dit was dus meer as net haar woorde. In die vorige hoofstuk praat Jesus oor wat in die hart aangaan, hoe mense dink, bepaal wat hulle doen. . 20Dit is die… 18Maar wat by die mond uitkom, kom uit die hart, en dit is die dinge wat die mense onrein maak. 19Uit die hart kom slegte gedagtes: moord, owerspel, onkuisheid, diefstal, vals getuienis, kwaadpratery dinge wat ’n mens onrein maak, maar om met ongewaste hande te eet, maak ’n mens nie onrein nie.” (Mat 15:18-19). Jesus doen juis na hierdie stelling besoek by mense wat die Jode as onrein beskou. Daarom Matteus se verwysing na Kanaänitiese vrou, omdat hy vir Jode skryf en wil benadruk hulle eertydse vyandskap met die Kanaäniete. Markus wat weer aan die Grieke skryf benadruk haar Griekse afkoms. Sy is in die Jode se oë onrein, tog dink sy reg! Sy dink intelligent, hulle is dwaas omdat hulle die oplossing wat voor hulle staan nie raaksien nie!
Verder het Hy vir my gesê:“Maak hierdie volk traag van begrip,maak hulle ore doofen hulle oë blindsodat hulle nie met hulle oë sien,met hulle ore hoor,
en met hulle verstand begrypen hulle hulle bekeer en genees word nie (Isa 6:10)
Geloof is Intelligensie!
Geloof sien ‘n oplossing in ‘n probleem! Geloof sien soos God sien! Geloof is ingeskakel in die GEDAGTES van God!
Die Jode se godsdienstigheid en valse vroomheid is sotheid en dwaasheid! Hulle kan nie die futiel kragteloosheid van hulle eie rituele sien nie. Sou hulle handewas rituele hulle dan inderwaarheid die vermoë sou gee om vir siektes te bid en hulle gesond te maak – wonderlik! Maar die rituele skep ‘n valse beeld van vroomheid sonder enige krag. mense wat ’n gedaante van godsaligheid het, maar die krag daarvan verloën het. Keer jou ook van hierdie mense af. (2 Tim 3:5) wat, alhoewel dit ’n skyn van wysheid het, in eiesinnige godsdiens en nederigheid en in gestrengheid teen die liggaam, geen waarde het nie, maar strek tot versadiging van die vlees. (Col 2:23)
Hierdie heidense onrein vrou het GROTER MEGA GELOOF as die Jode, Fariseërs, skrifgeleerdes en regsgeleerdes. Want sy dink reg!!
hou ek ook nie op om vir julle te dank as ek aan julle in my gebede dink nie,
dat die God van onse Here Jesus Christus, die Vader van die heerlikheid, aan julle die Gees van wysheid en openbaring in kennis van Hom mag gee,
verligte oë van julle verstand, sodat julle kan weet wat die hoop van sy roeping en wat die rykdom van die heerlikheid van sy erfdeel onder die heiliges is;
en wat die uitnemende grootheid van sy krag is vir ons wat glo, na die werking van die krag van sy sterkte (Efe 1:16-19)
Dit is die kos op die tafel waarvan die Here wil hê ons moet van eet en geniet! Sodat ons kan volraak om weer vir ander te gee!
Wanneer mens iets moeilik oorleef het, voel mens geïnhibeer, futloos, en verlam! Jy het feitlik al jou kragte gebruik net om te oorleef!! Dat jy oorleef het is ‘n wonderwerk! Onlangs terwyl ek ‘n deurwinterde karoo boer ontmoet, sien ek voor my die vereelte hande, die trane wat vlak lê in die oë, die frons lyne van swaarkry ingeëts op sy voorhoof! Hierdie mense het geleer om met min te oorleef!!
Aan die ander kant sien ons die lelike en vetterige skyn van ‘n “entitlement” kultuur, wat wil hê sonder om te verdien, wat vereistes maak sonder enige innerlike gesag! Iewers tussen hierdie menslike verydeling is ‘n WARE KIND VAN GOD!
Want AANSPRAAK maak net op die GENADE van GOD!! Ons verwagting is in ‘n GOEIE GOD wat Sy kinders altyd uitlei na RYKE VERVULLING. (Ps 66:12; Rom 8:28)
Ons is almal oorlewendes! Dreigende internasionale kwessies soos die oorlog in die Oekraine, en meer en meer proteste a.g.v. hongersnood vul ons koerante daagliks. Die verwarring en ontkenning van Bybelse norme wat deur die Liberale “woke” kultuur aangevuur word maak mens bang oor die toekoms vir ons kinders. Nasionale kwessies soos Covid-19; ekonomiese resessie; staatskaping korrupsie; en Eskom krag tekorte is bitter ontwrigtend. Streek-kwessies soos droogte; hoë insetkoste; swak pryse; resessie en hoë insetkoste bedreig ons bestaan. Persoonlike kwessies soos siekte; werkloosheid; versorging van bejaarde ouers en uitkom met jou geld aan die einde van die maand vul ons met bekommernis.
TOG is die waarheid realiteit: Deur die mensdom se geskiedenis sien ons dat ons nog altyd hierdie tipe krisisse oorleef het! Ons lees van diktators, wêreldoorloë en totale ekonomiese insinking en vandag is ons globaal ryker en beter daaraan toe as ooit! Ons het oorleef!
Alhoewel oorlewing die sterkste drang in die mens is, en ons dankbaar is vir die deursettingsvermoë van die wat ons voorafgegaan het, is daar ‘n gevaar om in ‘n oorlewing modus en mentaliteit vas te haak. Oorlewing verg soms dat mens die reëls breek en bloot net doen wat nodig is om te doen. In oorlewing het mens soms nie ‘n keuse as om reëls te breek, mense seer te maak, en alles in jou vermoë te doen om net te oorleef nie!!
Krisisse vra nie ‘n adres nie: die skielike dood van ‘n geliefde, of kind; die ontrouheid van ‘n lewensmaat; die biopsie verslag van kanker; oeste word deur die wind verwoes; terwyl jou buurman se vrugte onaangeraak aan hulle bome hang; die bietjie wat jy gedink het jou gaan deurdra is ook na daarmee heen!
Krisse gebeur en soos ‘n fratsgolf moet mens veg net om kop bo water te hou. Soms word mens onredelik in die werksplek hanteer, en vir iets beskuldig wat eintlik iemand anders se skuld was. Die onregverdige uitslag van die regsbank: ‘n afdankingsbrief.
Die waarheid is: jy sal OORLEEF! Deur trane, en bloedsweet jy sal oorleef!
Ons kan almal vandag na feitlik enige mens om jou kyk en by hulle ‘n oorlewingstorie uitvis! Ons is almal SURVIVORS!
Oorlewing kan egter ‘n mentaliteit raak. Oorlewing is vir sommige ‘n werkswyse ‘n manier van leef. Uiteindelik weerhou ‘n oorlewingsmentaliteit ons van God se beste.
Vir oorlewing werk jy deur die nag vir ‘n paar aande, maar nou raak dit ‘n lewenspatroon. Vir oorlewing na trauma hou jy jouself eenkant, nou is jy alleen en het geen meer vriende nie. Vir oorlewing mis jy ‘n paar etes, omdat daar nie tyd is om te eet nie, nou eet jy net een keer per dag heeltemal te veel kos. Vir oorlewing jaag jy met jou noodligte aan om by hulp te kom, maar nou ry jy gereeld oor die spoedgrens. Vir oorlewing soek jy jou eie gewin, nou voel jy niks meer vir jou medemens nie. Vir oorlewing het jy meer tyd in jou bed deurgebring tydens Covid-19, nou kom jy nie aan die gang met niks nie. Vir oorlewing vat jy maar elke dag op ‘n slag, nou het jy geen toekomsplanne nie, en het ook niks gespaar vir jou oudag nie. Vir oorlewing het jy nie meer jou kaste reggepak nie, nou sien jy nie kans vir die chaos nie.
Krisisbestuur is swakbestuur, soms moet jy ‘n krisis hanteer en oplos maak of breek, maar vir volhoubare sukses moet jy begin beplan, en krisisse antisipeer en voorkom.
In Brian Corbett se boek When Helping Hurts verduidelik hy die belangrike verskil tussen:
1. Noodverligting
2. Rehabilitasie
3. Ontwikkeling
Die meeste noodlenigingagentskappe fokus net op nood verligting, kos, klere en ‘n slaapplek. Maar daarna moet daar rehabilitasie gedoen word, totdat die persoon leer om hulleself verder te ontwikkel. Suid-Afrika se regeringstelsel het tot dusvêr nog net gefokus op noodverligting. Mense kry SASSA-geld vir kos en klere, en verblyf. Maar waar word mense gerehabiliteer om verantwoordelikheid te neem vir hulle eie entrepreneurskap, vennootskappe, samewerking, en gesamentlike ontwikkeling?
Word jy weerhou deur vrees om iets nuuts aan te pak, of tot ‘n verhouding te ‘commit’? Vrees ons die onbekende?
Wil nie ‘n posisie of aanstelling hê nie want jy is te bang vir die verantwoordelikheid, jaloesie, teenkanting en risiko om te faal?
Jy verwag die ergste?
Jy dink dit is nou maar my lot? Jy laat “God’s water oor Gods akker” loop?
Jy blameer gedurig ander vir jou tekortkominge?
Mense wat terminale siekte of ‘n ongeluk oorleef het, is geneig om gedurig die storie oor te vertel, soms talle mal vir dieselfde mense!?
Jou krisis oorheers die rak spasie in jou gedagtes?
Seer mense maak ander mense seer. Hulle doen dit deur hul dade, hul woorde en hul onvermoë om te vertrou en hegte verhoudings te vorm?
Wat Jy Nodig Het Om Te Oorleef
1. Oefen situasionele bewustheid – ken jou omgewing
2. Neem verantwoordelikheid – jy is in beheer van jou situasie
3. Glo in jouself – kanaliseer ‘n onbreekbare geloof
4. Wees beslissend – verbind tot aksie
5. Wees aanpasbaar – soek alternatiewe oplossings
6. Wees veerkragtig – weier om moed op te gee
Mag God, die bron van hoop, julle deur julle geloof met alle vreugde en vrede vervul, sodat julle hoop al hoe sterker kan word deur die krag van die Heilige Gees! (Rom 15:13)
Mefiboset – ‘n Voorbeeld van ‘n “Net-Oorleef” Mentaliteit
Mefiboset is laat val deur sy versorger, en sedertdien kreupel – 2 Sam 4:4.
Dawid ontferm hom oor Jonatan se seun, Mefiboset – 2 Sam 9:1–13.
Siba se valsheid – 2 Sam. 16:1–4.
Mefiboset se verduideliking – 2 Sam. 19:24–30.
Mefiboset se lewe is vir ons ‘n lewensles, dat God ons wil nie laat oorleef nie, HY wil ons in lewensoorvloed uitlei!
U het ons beproef, o God,ons gelouter soos silwer;U het ons in ‘n net gevang,‘n swaar las op ons gelê;U het ons deur mense laat vertrap,ons het deur vuur en water gegaan;maar toe het U ons uitgelei na oorvloed toe. Ps 66:10-12
Paulus – ‘n Voorbeeld van “Oorleef-Maar-Oorwin” Mentaliteit
Deur die Bybel leer ons om nie verskrik te wees wanneer allerhande vervolging, teleurstelling, verlies oor ons pad kom nie. Dit is deel van die lewe, en ons kan rampe en teëspoed nie vryspring nie! God roep ons tot ‘n lewe van oorvloed en oorwinning!
Ek beveel jou voor God en voor Christus Jesus wat die lewendes en die dooies sal oordeel, ek beveel jou met die oog op sy koms en sy koningskap: verkondig die woord; hou daarmee vol, tydig en ontydig; weerlê, bestraf, bemoedig deur met alle geduld onderrig te gee, want daar sal ‘n tyd kom wanneer die mense die gesonde leer nie meer sal verdra nie. Hulle sal hulle eie begeertes volg en vir hulle leermeesters bymekaarmaak wat net sal sê wat hulle graag wil hoor. Hulle sal die waarheid nie wil hoor nie en hulle tot verdigsels wend. Maar bly jy in alle omstandighede nugter, verdra lyding, doen jou werk as verkondiger van die evangelie, voer al die pligte van jou bediening uit.
Wat my betref, ek word alreeds as drankoffer uitgegiet. Die tyd van my dood is voor die deur. Ek het die goeie wedloop afgelê; ek het die wenstreep bereik; ek het gelowig end-uit volgehou. Nou wag die oorwinnaarskroon vir my, die lewe by God. Op die dag dat Hy weer kom, sal die Here, die regverdige Regter, dit vir my gee, en nie net vir my nie, maar ook vir almal wat met verlange uitsien na sy koms. 2 Tim 4:1-8
In verse 9-16 lees ons die hartseer van hoeveel mense Paulus verlaat het, en sekerlik diep teleurgestel het.
MAAR DIE FINALE WOORDE IS:Maar die Here het my bygestaan en my krag gegee, sodat deur my die prediking tot sy volle reg kon kom en al die heidennasies dit kon hoor. En ek is uit die bek van die leeu gered. Die Here sal my red van elke onheil en my behoue in sy hemelse koninkryk bring. Aan Hom kom die eer toe tot in alle ewigheid! Amen. 2 Tim 4:17-18
HRCO Video: Jan Oosthuizen | Wanneer God Stil Is | 11 September 2022 | Harvester Citrusdal
“Andrew Peterson se liedjie “the silence of God” praat met mens se hart, oor die rou oomblikke waar God ons gebede en versugtinge antwoord met stilte.
Hierdie juk is sag, maar die las is bitter swaar. Hoekom voel dit soms asof God gans afwesig is? Ons weet Hy is alomteenwoordig, en altyd DAAR, maar HIER voel ek nou alleen! Ons lees en hoor van herlewings en voel opgewonde vir ‘n oomblik, soos ‘n boer tydens droogte hoop op reën wanneer hy die eerste wolke sien saampak. God is soms STIL waar Hy is nooit AFWESIG nie. Kom ons leer uit God se Woord, wat ons te doen staan in hierdie tye van STILTE.
Die Bybel geskiedenis leer ons van talle voorvalle waar God stil geraak het. Die sleutel woord vir die Boek Rigters is siklusse. Hoeveel siklusse was daar? Sewe. Na die verowering van Kanaän, duik Israel in ‘n tydperk van 350 jaar van nasionale agteruitgang. ’n voorspelbare maar dodelike siklus ontwikkel: Die mense verval in sonde; God dissiplineer hulle met vreemde volke se onderdrukking; die volk kom tot bekering; God wek ‘n verlosser op; vrede word herstel. Hierdie vyf-stap siklus – sonde, diensbaarheid, smeking, redding, stilte – word altesaam sewe keer in Rigters herhaal. Maar God, altyd getrou aan sy verbondsvolk, strek sy genade keer op keer uit deur leiers “Rigters” soos Debora, Gideon en Simson te stuur. En tog lees die boek se hartseer grafskrif: “In daardie dae… het elkeen gedoen wat reg was in sy eie oë” (Rigters 21:25).
Die naam van God kom glad nie in die boek Klaagliedere voor nie. Terwyl die volk vir die 70 jaar in Ballingskap verkeer, is God stil.
Dit is belangrik om te weet dat ons in hierdie tye nie skynheilig hoef te wees nie. Ons hoef nie ons smart, ongelukkigheid, frustrasie vir die Here weg te steek nie. As Kain maar eerder met die Here gepraat het oor die feit dat sy offer afgekeur is. Ons kanaliseer eerder ons woede op die onskuldige mense naaste aan ons, in plaas daarvan om dit direk te konfronteer.
Regdeur die Psalms sien ons Dawid se rou eerlikheid met die Here, wanneer hy uitdruklik sy frustrasies, ongelukkigheid en smart uitpraat.
VIR die musiekleier. ’n Psalm van Dawid.
Hoe lank, HERE, sal U my altyddeur vergeet? Hoe lank sal U vir my u aangesig verberg?
Hoe lank sal ek planne beraam in my siel, met kommer in my hart oordag? Hoe lank sal my vyand hom oor my verhef? Aanskou tog, verhoor my, HERE, my God! Verlig my oë, sodat ek nie in die dood inslaap nie; sodat my vyand nie kan sê: Ek het hom oorwin nie, en my teëstanders nie juig as ek wankel nie. Maar ek — op u goedertierenheid vertrou ek; my hart sal juig oor u heil. Ek wil sing tot eer van die HERE, omdat Hy aan my goed gedoen het. (Ps 13:1-6)
Wanneer jy regtig met die Here eerlik bid, antwoord Hy jou met goddelike perspektief en wysheid. Sommige Christene probeer nostalgies vashou aan die positiewe, en weier om oor die negatief te praat – triomfalisme. Alles is net wonderlik en reg. Onthou die Here toets nie ons emosies nie, Hy toets ons geloof. en dit is die oorwinning wat die wêreld oorwin het, naamlik ons geloof. 1 John 5:4.
Ons soeke en vertroue is om GELOOF te vind, die wete om die regte ding op die regte tyd te doen. Geloof is soos om daagliks manna op te tel. Jy het gedurig nuwe geloof nodig wat relevant is tot jou situasie. Ons is soos ‘n radar masjien – ons luister met fokus gedurig vir die inspraak van die wil van God. Sodat ons kan weet wat om te doen. Hy, al was Hy die Seun, het gehoorsaamheid geleer uit wat Hy gely het;
en nadat Hy volmaak is, het Hy vir almal wat Hom gehoorsaam is, ’n bewerker van ewige saligheid geword Heb 5:8
Soms is God Stil Oor Die Volk se Sonde
Daar is so baie kinders van die Here wat teruggeval en weggedwaal het van die Here. Hulle dink met heimwee terug aan hulle kinderdae, en die wonderlike tye wat hulle in die kerk gehad het, hoe die Gees van die Here gewerk het, hoe lekker hulle saamgesing het en deelgeneem het. Nou is hulle alleen, “alienated in their mind”, hulle het hulle vrymoedigheid verloor, hulle bid en sing nie meer nie. Hulle praat net nie meer met die Here nie! Ons almal verloor soms ons pad en verdwaal, maar ons bly nie op die verkeerde pad nie! Ons keer terug, ons maak reg, ons versoen met ‘n nederige gebroke gees.
Die HERE is naby die wat gebroke is van hart, en Hy verlos die wat verslae is van gees. Menigvuldig is die teëspoede van die regverdige, maar uit dié almal red die HERE hom. Ps 34:19
Die Volk Roep Uit Na God…
Ek roep U aan, o HERE! My rots, draai nie stilswygend van my af weg nie, sodat ek nie, as U teenoor my bly swyg, word soos die wat in die kuil neerdaal nie. Hoor die stem van my smekinge as ek U aanroep om hulp, as ek my hande ophef na die binneste van u heiligdom. Ps 28:1-2
Ek roep U aan om hulp, maar U antwoord my nie; ek staan daar, en U staar my aan. Job 30:20
Soms is Dit Nodig Dat Ons Op Hom Wag In Stilte
Ja, my siel is stil tot God; van Hom is my heil. Hy alleen is my rots en my heil, my rotsvesting; ek sal nie grootliks wankel nie. PS 62:2
“Wees en stil en weet ek is jou God”. Ps 46:10
“ In the silence of Who You are, there I find peace. Ps 46:11
Bedaar en weet Ek is God. Nie die maklikste plek om in jou lewe te wees nie, maar ek glo as jy daar kan bly is jy in God se veilige Hande. God werk agter die skerms.
Die breek van die brood saam met die twee dissipels op die pad na Emmaus (Luk. 24:13-35), en van huis tot huis (Acts 2:42; 45)
Gemeenskap – 1 Cor 10:16
Danksegging – Luke 22:19
Sleutelteksverse: (Luk 24:35, Han 2:42, Han 2:46, Han 20:7, and 1 Kor. 10:16; 1 Kor 11:17-34; Jud 12.
Die aardsvaders, Abraham, Isak en Jakob se seuns was selfregerende grond baronne. Hulle slawerny onder die Egiptenare staan in donker kontras met hulle eertydse glorie as onafhanklike alleenheersers. Daarom, toe die Jode deur ‘n bonatuurlike goddelike ingryping (10 plae) bevry word van 430 jaar se slawerny, het hulle alles in hulle vermoë gedoen om eerstens vry te kom van ‘n slaafmentaliteit, en tweedens om ten alle koste te voorkom dat hulle ooit weer slaaf sal word van enige goddelose leier of sisteem.
Dit neem veertig jaar en die afsterwe van ‘n hele generasie om van eersgenoemde slaafmentaliteit los te kom. In hierdie tyd kry hulle die wet, ‘n nuwe patroon van lewenstyl. ‘n Enigmatiese ontmoeting met ‘n lewende God by Sinai en veertig-jaar se verdere bonatuurlike verlossings dade, elke keer wanneer hulle nog terugverlang na die kospotte van Egipte.
Tog het hulle deur die geskiedenis van die Jode weer en weer slaaf geword, van heidense volke, maar ook hulle eie goddelose konings. Onthou die ontstaan van hierdie nasie het begin my God wat vir Abraham roep om ‘n seën vir alle nasies te wees. en in jou sal al die geslagte van die aarde geseën word. (Gen 12:3). Hierdie roeping van die Here aan Abraham is om die verhouding van goddelike gemeenskap en heerskappy wat in Eden bestaan het te herstel. Die Jode se slawerny hou ook direk verband met hulle eie ongehoorsaamheid en wegval van hulle hartsfokus op die Here.
Maar as jy terdeë na sy stem luister en alles doen wat Ek sal sê, sal Ek die vyand van jou vyande en die teëstander van jou teëstanders wees.
En julle moet die HERE julle God dien; dan sal Hy jou brood en jou water seën, en Ek sal siektes uit jou midde verwyder.
Daar sal geen misdragtige of onvrugbare in jou land wees nie. Ek sal die getal van jou dae vol maak.
Ek sal my skrik voor jou uit stuur en elke volk waarby jy kom, in verwarring bring. En Ek sal al jou vyande vir jou laat vlug.
Ek sal hulle so langsamerhand voor jou uit verdrywe, totdat jy vrugbaar word en die land beërwe. (Exo 23:22-30)
Die feit dat die PASGA die 14de dag van die eerste maand van die jaar moes plaasvind dui daarop dat die Here hulle hele kultuur wou verander om volgens die voorskrif en fokus van die pasga te lewe.
Paasmaal
Die PASGA maaltyd is die ritueel en tradisie wat nie net hierdie sentimente vervat nie, maar dit oordra van een generasie na die ander. Die pasga is ‘n viering en herdenking van hulle verlossing en bevryding uit Egipte.
Die Paasmaal se Hebreeuse woord is PESAH, die Engelse ekwivalent van ‘pause over to protect’, soos ‘n hen oor haar kuikens sou stilstaan om hulle teen skade en gevaar te beskerm. Dit is presies wat God in daardie tyd gedoen het. Toe Hy die bloed aan die deur sien, het Hy Homself ‘verbly’ om en Sy uitverkorenes beskerm teen die doodsbevel wat oor alle ongelowiges uitgespreek is.
God doen presies dieselfde vir diegene vandag wat die “bloed van God se Lam” in geloof op hul hart se deur toegelaat het. Hy staan stil om ons te beskerm teen enige vorm van sonde wat tot die ewige dood lei! Die woord ”Pesach’ is geneem van ‘n ander Hebreeuse kernwoord wat beteken “‘om te hop,”‘ dit wil sê figuurlik oor te slaan (of te spaar); deur om te huiwer; ook letterlik om te dans, om te spring, om verby te gaan. Toe God die bloed van die lam aan die deurkosyne sien, het Hy daar gehuiwer, van blydskap opgespring oor die gehoorsaamheid van Sy volk deur die volmaakte, Offerlam vir hulle verlossing te offer!
Dink hoe moes dit voel vir die Jode die dag toe hulle hoor wat tydens die laaste plaag gaan gebeur, miskien het hulle van die Egiptenare se kinders opgepas, vir hulle liefgeraak, en dan die nuus… al die eersgebore kinders is in een nag dood. Dit het die smeer van die lam se bloed aan die deurposte ‘n riele wesenlike vir oorlewing betekenis gegee. (Eksodus 12)
Die hele gesin was betrokke, by die vang en slag van die lam, pa en seun het heelwaarskynlik saam die deurposte met hisop en bloed geverf. Dan die eet van ‘n gesinsmaaltyd, om saam krag kry vir die lang reis… na die onbekende… maar na vryheid!
Geen vleis mag gekook geword nie, net ongesuurde brood en bitter kruie. Hulle lendene omgord gereed om te vertrek.
Vreemdelinge en besoekers kon die maaltyd saam geniet, maar net as hulle mans besny is. Die eerste gelowiges het ook die maaltyd eksklusief gedeel met die wat GEDOOP is.
“Die paaslam is aan die einde van die 14de tussen 3:00 tot 5:00 in die middag geslag. Soveel as ‘n kwartmiljoen lammers is in hierdie tyd geslag. Waar het al die duisende liters van bloed van hierdie geslagte lammers gaan? Hoe het hulle daarvan ontslae geraak? Die antwoord is daar was ‘n drein aan die voet van die altaar waar dit gevloei het (Levitikus 1:11, 13; 4:7, 18, 25, 30, 34 ). Groot hoeveelhede water is in die altaar se dreineringstelsel gegooi om die bloed van hierdie lammers te spoel. Die Tempelberg was op ‘n heuwel met ‘n plat kalksteen oppervlak. Die dreine het die bloed laat afvloei in die Kidron-spruit in die Kidronvallei onder die tempel. Normaalweg was hierdie vallei droog deur die jaar, maar met die lentereën tydens die paasfeestyd, is die vallei verander in ‘n vloeiende waterspruit wat ‘n bloedrooi stroom sou word soos die bloed van die lammers in die water vloei. Wanneer Jesus die spruit Kedron oorgesteek het oppad na die tempel, sou dit steeds rooi wees van die bloed van die lammers wat opgeoffer is.”
Wanneer Jesus die aand die maaltyd met sy dissipels vier, is die atmosfeer swaar gelaai met die doodsdreigemente van die owerhede, en sekerlik die gewydheid van die oomblik. Almal was maar bang of hulle lewend hieruit gaan kom. Boonop ook die suggestie dan een van hulle ‘n verraaier is!
Die 3de Beker van Verlossing
Dit is tyd om die derde beker wyn te skink, die beker van verlossing. Dit kom weer uit Eksodus 6:6 – Ek sal jou verlos met ‘n uitgestrekte arm. Dit sou die beker gewees het wat Jesus by die Laaste Avondmaal opgehef het.
Psalm 49:7-8 Niemand kan ooit ’n broer loskoop nie; hy kan aan God sy losprys nie gee nie (want die losprys van hulle lewe is te kosbaar en vir ewig ontoereikend),
Jeremia 31:33-34 Maar dit is die verbond wat Ek ná dié dae met die huis van Israel sal sluit, spreek die HERE: Ek gee my wet in hulle binneste en skrywe dit op hulle hart; en Ek sal vir hulle ’n God wees, en hulle sal vir My ’n volk wees.
En hulle sal nie meer elkeen sy naaste en elkeen sy broer leer nie en sê: Ken die HERE; want hulle sal My almal ken, klein en groot onder hulle, spreek die HERE; want Ek sal hulle ongeregtigheid vergewe en aan hulle sonde nie meer dink nie.
Toe Jesus die 3rde beker neem – die beker van verlossing kondig Hy aan dat Hy die verlossing is, die lam geslag, wie se bloed vergifnis en vrymaking van sonde bring.
Die Breek van die Brood
Toe Jesus Sy laaste Pasga saam met Sy dissipels gevier het, het Hy vir hulle matzah gegee as die simbool van Sy liggaam. Die matzah is ongesuurd, gestreep en deurboor, net soos die profeet Jesaja die Messias beskryf: “Maar Hy is ter wille van ons oortredinge deurboor, ter wille van ons ongeregtighede is Hy verbrysel; die tugtiging vir ons vrede was op Hom, en deur sy wonde het daar vir ons genesing gekom.” (Jesaja 53:5).
Voor die maaltyd is hierdie matzah gebreek, in linne toegedraai en weggesteek. Na die aandete verskyn die matzah weer.
Vir die Messiaanse Joodse gemeenskap verteenwoordig die afikomen simbolies die Messias, aangesien Jesus se liggaam gebreek, in linne toegedraai, begrawe en op die derde dag opgewek is.
Jesus verklaar, Ek is hierdie Verlosser en Messias!
Die nagmaal herdenk dus Jesus se dood en opstanding soos die Pasga die verlossing uit Egipte herdenk het. Dit is die enkele grootse historiese gebeurtenis waar ‘n nuwe nasie tot stand gekom het.
Tydens hierdie maaltyd herdenk ons:
Jesus se dood as soenoffer vir ons sonde – vergifnis van sonde moet ook ander vergewe
Jesus se opstanding en krag tot ‘n nuwe lewe – verbond van die NT beseël
Ons gemeenskap met Hom en met mekaar – solidariteit en deel in mekaar se lewe.
Hoe leef ons dit wat ons nou-net herdenk en verklaar het prakties uit?
PASGA herdenk die enkele grootste bevryding en totstandkoming van ‘n nuwe nasie gebore vanuit en onder Jesus Christus. Die nagmaal herdenk dus Jesus se dood en opstanding soos die Pasga die verlossing uit Egipte herdenk het.
Agapé – Liefdesmaal
Dit is duidelik dat die eerste gelowiges op die aand van die eerste dag van die week (Sondag) saam vergader het vir ‘n gemeenskaplike maaltyd voordat hulle die nagmaal gebruik het (Han 20:7). Hierdie maaltyd word die liefdesmaal genoem. Dit is interessant dat Paulus en Judas se kritiek teen die gelowiges oor die gebruik van die nagmaal nie gaan oor die verkeerde metodiek of voorskrif van die maaltyd nie, maar eerder ‘n hartsgesindheid teenoor mekaar terwyl hulle die maaltyd vier. Wie dan op onwaardige wyse hierdie brood eet of die beker van die Here drink, sal skuldig wees aan die liggaam en bloed van die Here. Maar die mens moet homself beproef en só van die brood eet en uit die beker drink. Want wie op onwaardige wyse eet en drink, eet en drink ’n oordeel oor homself, terwyl hy die liggaam van die Here nie onderskei nie. Daarom is daar onder julle baie swakkes en sieklikes, en ’n aantal het ontslaap. Want as ons onsself beoordeel het, sou ons nie geoordeel word nie. Maar as ons geoordeel word, word ons deur die Here getugtig, sodat ons nie saam met die wêreld veroordeel mag word nie. Daarom, my broeders, as julle saamkom om te eet, wag vir mekaar; en as iemand honger het, laat hom by die huis eet, sodat julle nie tot ’n oordeel saamkom nie.(1 Kor 11:27-34)
Maar hierdie mense belaster alles wat hulle nie ken nie; en alles wat hulle, soos die redelose diere, op natuurlike wyse verstaan, daardeur gaan hulle te gronde. Wee hulle, want hulle het die weg van Kain bewandel en om loon hulleself in die verleiding van Bíleam gestort en in die verset van Korag omgekom. Hulle is skandvlekke in julle liefdemaaltye, wat sonder vrees saam fees hou en hulleself voer, waterlose wolke deur winde rondgedrywe, bome in die nasomer, wat sonder vrugte is, twee maal gestorwe, ontworteld; woeste golwe van die see wat hulle eie skandes laat opskuim, dwaalsterre vir wie die donkerheid van die duisternis vir ewig bewaar word. (Judas 10-13)
Die KERN van hierdie maaltyd is die BESNYDENIS VAN DIE HART.
Hierdie eerlike openlike belydenis en vergifnis teenoor mekaar is onlosmaaklik die enigste manier hoe ons GOD SE VOLK kan wees. God wil dieselfde goddelike gemeenskap wat in EDEN bestaan het herstel!!
Geen geveinsde godsdienstige voorgee word hier geduld nie! Die suurdeeg van die verraaier word uitgewys en verwyder uit die gemeenskap van gelowiges.
Jesus gaan nog verder en wys ons prakties hoe om hierdie maaltyd uit te leef. Ons kies om mekaar se dienskneg en slaaf te word. (Joh 13:1-20) Jesus het hierdie voetewas diens aan sy dissipels gedoen voor die Maaltyd, en Hy het ook Judas se voete gewas wetende dat hy Hom sal verraai.
Hierdie liefdesmaal het behoue gebly in die eerste kerk tot te minste 100nC. Alhoewel die maaltyd die formele nagmaal voorafgegaan het, is daar geen teken van twee byeenkomste nie. Iganasius verwys nog in sy skrywe in die Didache na opeenvolgende gebeurtenisse.
Dit is TYD dat ons as geloofgemeenskap weer hierdie tradisie herstel. Die eerste gemeente was daarop gesteld dat elkeen moes sy eie kos bring, maar dit saam geniet, en ook onder makaar deel. Hierdie maaltyd het dadelik die ongelykheid tussen ryk en arm ongemaklik aan die lig gestel. Dadelik moes daar maniere gevind word om in die gees van voetewas en dien mekaar, antwoorde te soek waar niemand die liefdesfees kon misbruik nie.
Nagmaal
Daarop neem Hy brood, en nadat Hy gedank het, breek Hy dit en gee dit aan hulle en sê: Dit is my liggaam wat vir julle gegee word; doen dit tot my gedagtenis.
Net so neem Hy ook die beker ná die maaltyd en sê: Hierdie beker is die nuwe testament in my bloed wat vir julle uitgestort word. (Matthew 26:26; Mark 14:22; Luke 22:19)
en nadat Hy gedank het, het Hy dit gebreek en gesê: Neem, eet; dit is my liggaam wat vir julle gebreek word; doen dit tot my gedagtenis. Net so ook die beker ná die ete, met die woorde: Hierdie beker is die nuwe testament in my bloed; doen dit, so dikwels as julle daaruit drink, tot my gedagtenis. Want so dikwels as julle hierdie brood eet en hierdie beker drink, verkondig julle die dood van die Here totdat Hy kom. ( 1 Cor 11:24-26)
Kom ons ondersoek die betekenis agter Jesus se Woorde:
Die Brood verwys na Sy gebroke Liggaam – Jesus het die brood gebreek en gesê: “Neem, eet; dit is my liggaam” (Matteus 26:26). In die Skrif simboliseer suurdeeg sonde, so brood sonder suurdeeg verteenwoordig heilige God. In die verdeelde sak is matzohs verenig maar tog duidelik – ‘n prentjie van die Drie-eenheid. Die middelste brood dui op die Seun, wat Sy Vader se kant verlaat het om onder ons te woon (Galasiërs 4:4) en vir die mensdom gebreek is (Jesaja 53:5), toegedraai in ‘n grafdoek (Matteus 27:59), weggesteek in ‘n graf. (vers 60), en opgewek (28:6). Ons verlossing was inderdaad duur (1 Korintiërs 6:20).
Brood versinnebeeld die samewerking van verskillende mense om dit te skep. Die boer wat saai, die oes groot maak, oes, meul toe stuur, die bakker wat die bak, in ’n vuur, en dan vir ons voorsit die gasvrou. Samewerking en tyd is nodig om enigiets van ware menslike waarde te skep – dit is die les van brood. In die sweet van jou aangesig sal jy brood eet totdat jy terugkeer na die aarde, (Ge 3:19).
En Melgisédek, die koning van Salem, wat ’n priester van God, die Allerhoogste, was, het brood en wyn gebring – Gen 14:18:
DAAROM, my geliefdes, vlug vir die afgodediens. Ek spreek soos met verstandige mense; oordeel self wat ek sê: die beker van danksegging wat ons met danksegging seën, is dit nie die gemeenskap met die bloed van Christus nie? Die brood wat ons breek, is dit nie die gemeenskap met die liggaam van Christus nie? Omdat dit een brood is, is ons almal een liggaam, want ons het almal deel aan die een brood. (1 Cor 10:14-17)
En Jesus sê vir hulle: Voorwaar, voorwaar Ek sê vir julle, as julle nie die vlees van die Seun van die mens eet en sy bloed drink nie, het julle geen lewe in julleself nie. Hy wat my vlees eet en my bloed drink, het die ewige lewe, en Ek sal hom opwek in die laaste dag. Want my vlees is waarlik spys, en my bloed is waarlik drank. Wie my vlees eet en my bloed drink, bly in My en Ek in hom. (John 6:53-56)
Jesus se bloed reinig ons van sonde. Vanaf Adam en Eva het God ’n bloed offerande vereis om oortredings te bedek (Genesis 3:21; Levitikus 17:11). Maar dit was net ‘n tydelike oplossing, aangesien die volgende oortreding nog ‘n opoffering vereis het. Jesus was God se permanente antwoord op die probleem: Hy het alle sonde op Homself geneem – verlede, hede en toekoms – en het gesterf om die volle straf te betaal.
Sommige soek gedurig magiese krag in geestelike rituele asof ons daardeur magies bevry sal word van die realiteite van hierdie lewe. Dit strook egter nie met Jesus se manier van preek en demonstrasie nie. Jesus demonstreer die geestelike krag van die maaltyd deur hulle voete te was. Om dus alreeds Judas te vergewe nog voordat hy Hom sou verraai. Nog voor die maaltyd het hulle gestry oor wie die belangrikste is. Jesus demonstreer dat die belangrikste die een is wat dien! Die krag van die maaltyd lê daarin dat jy HOM IN NAGEDAGTENIS HOU. Jy dink aan hoe Hy gelewe het, en jy doen dieselfde. Jy vereenselwig jouself met die Here, en kies om die minste te wees, nie jou eie gewin te soek nie, nie die eer van mense te probeer bekom nie!
Deur Jesus Te Leef Oorwin Jy Sonde!!
Jesus het nie gesondig nie, en dus nie meer vanuit ‘n slaaf-sonde-mentaliteit gedink en leef nie! Sy bewussyn was sondeloos, en een met die Vader! Dit is die uiteindelike doel, dat ons Sy geregtigheid sal ontvang (Joh 1:12; Mat 6:33) en in SY GEREGTIGHEID leef. Ons leef dus nie meer met skuldgevoelens, veroordeling en in verwydering van God nie. Nee ons word gevul met die Heilige Gees, ons word Sy tempel, ons word Sy instrumente, hande en voete!!
Die NAGMAAL herdenk die Ruiltransaksie tussen ons en Christus.
Ons gee Hom ons sonde HY gee ons Sy geregtigheid – 1 Cor 5:21
Ons gee Hom ons siekte HY gee ons Sy gesondheid – 1 Pet 2:24
Ons gee Hom ons swakheid Hy gee ons Sy krag – Phil 4:13
Ons gee Hom ons skuld en veroordeling Hy gee ons Sy vergifnis – Rom 8:1
Ons gee Hom ons skaam Hy gee ons Sy vrymoedigheid – Heb 10:19
Ons gee Hom ons verdiende straf Hy gee ons Sy genade – Eph 2:8
Ons gee Hom ons twyfel HY gee ons SY geloof – Col 2:20-21
Ons gee Hom ons armoede HY gee ons Sy hemelse erflating – Eph 1:18
Ons gee Hom ons eensaamheid HY gee ons Sy liggaam – Eph 4:1-5
Ons gee Hom ons verslawing Hy gee ons Sy vryheid – Joh 8:36
Ons gee Hom ons weeskindbestaan HY maak ons Sy kind – Rom 8:16
Ons gee Hom ons brose verganklikheid HY gee ons die Ewige Lewe – Joh 3:16
Ons gee Hom ons armoede HY gee ons elke Geestelike seëning in die hemele – Eph 1:3
HALLAL
En toe hulle die lofsang gesing het, het hulle uitgegaan na die Olyfberg (Mark 14:26; Mat 26:30). Terwyl die Skrif nie uitdruklik sê watter lofsang gesing is nie, openbaar die Joodse tradisie dat die Paasmaaltyd afgesluit is deur die laaste gedeelte van die Hallel te sing. Die Hallel bestaan uit Psalms 113 tot 118. Dit is ‘n vreugdevolle viering van lof en danksegging aan God.
Betekenis – Hallal haw-lal’ Ps 150:1 ha¯lal:
‘n Werkwoord wat beteken om God te prys, om te spog, om te skyn. Die wortelbetekenis kan wees om te skyn, maar kan ook wees om te skree.
Die woord beteken meestal lof en word geassosieer met die bediening van die Leviete wat God soggens en saans geprys het (1Chron 23:30). Die hele skepping word egter aangespoor om daarby aan te sluit (Ps. 148), en verskeie instrumente is gebruik om die lof aan God te vermenigvuldig. (Ps. 150). Harder klank is bekom, deur nog instrumente by te voeg.
Die woord halleluja is ‘n opdrag om Yah (die Here) te loof, afgelei van die woord ha¯lal (Ps 105:45; Psa 146:1). Die refleksiewe vorm van die werkwoord word dikwels gebruik om grootpratery aan te dui, hetsy in ‘n goeie voorwerp (Psa 34:2 [3]) of ‘n slegte voorwerp (Psa 49:6 [7]).
Die sing van ‘n lied versterk die gevoel van gemeenskap en samehorigheid. Selfs in die weermag word liedjies gesing, om hulle eenheid te versterk.
