Categories
Preke

Herontdek Ons Genesing Mandaat

Hoekom doen HRCO wat ons doen? 

Wat is die grondliggende motief wat ons dryf om te doen wat ons doen? 

Ek wil voorstel dit is GENESING!  

Michael Jr, die bekende komediant vertel hoe daar gesê word: “Gee ‘n man ‘n vis en jy het hom vir ‘n dag gevoed, leer ‘n man hoe om vis te vang en jy voed hom vir ‘n leeftyd” Volgens Michael is dit maar bra ingewikkeld, want dan moet jy ‘n visstok, lisensie, boot en plek met visse soek, om die man te leer. Wat daarvan as jy hom leer, waarom hy moet visvang, en hy maak dit sy werk om self te leer? Michael Jr se ‘waarom’ is om mense deur middel van humor te inspireer om hulle skeppingsdoel te leef.  Vandat hy sy ‘waarom’ ontdek het, is dit ‘wat’ hy doen nie meer so belangrik nie, want dit vloei alles uit sy ‘waarom’ uit.[1]  

Simon Sinek verduidelik ‘n eenvoudige, maar kragtige model vir hoe leiers optrede inspireer, aan die hand van ‘n goue sirkel en die vraag “waarom?” as die kernpunt. Sy voorbeelde sluit in Apple, Martin Luther King en die Wright-broers – en as ‘n kontrapunt Tivo, wat sukkel. Die goue sirkel se kern is, Waarom? Hoe? en dan Wat? Die bogenoemde 3 voorbeelde van sake ondernemings is individue wat hulleself bemark en dryf vanuit die kern “waarom”. Apple bemark hulleself altyd eerstens as innoveerders wat onder andere rekenaars vervaardig. Volgens Simon is die “waarom” ons dinge doen, die mees basiese bestanddeel wat ons na mekaar toe aantrek. Ons groepeer natuurlik rondom mense met die selfde “waarom”.[2]

Dit bring my by die kern vraag rakende ons gemeente: Waarom bestaan ons? Die antwoord het onverwags een dag in my gees op gekom, en skielik het alles in hulle plek geval. As aangenome valerige identiteitsoekende 13 jarige seun, was my soeke na aanvaarding. Met my ontmoeting met Jesus 35 jaar gelede, het Hy my op reis geneem om Sy identiteit te ontdek. Hoe meer ek Hom leer ken, en doen soos Hy lei, hoe meer ontdek ek my identiteit. Sedertdien het ek, genesing as persoon op soveel vlakke beleef, en myself begin beywer om die wêreld om my gesond te maak. Gesonde mense, verhoudings, gemeenskappe, werksplekke, en ekonomie.

In 1989 het ek Dr Andre Pelser gesien die “Miracle Man” een-man verhoogstuk opvoer van John G Lake se lewe. Ek was diep ontroer en geïnspireer om genesing vir die totale mens te soek.  Bykans 10 Jaar later in 1998 het ek deel geword van Harvester, en al hoe meer begin sien hoe God mense volkome na gees, siel en liggaam genees. Jesus genees en herstel eerstens ons gebroke verhouding met God. Dan neem Hy ons op ‘n reis van self-verloëning, om ons gedagtes te vernuwe deur Sy Woord. Gevolglik hanteer ons mense anders, en leer Hy ons om met vrede met alle mense te lewe, sonder om te kompromeer. Deur onsself verantwoordbaar aan Sy familie-liggaam-gemeente te maak, word ons gedrag, en gewoontes hervorm.  Uiteindelik vind ons elkeen ons funksie in die liggaam, en word ons Sy instrumente van genesing, terwyl hy nog steeds genesing in ons bly bewerk. 

Vir ‘n paar jaar, het die Heilige Gees ons gelei om Jesus Christus ons visie en missie te maak. In 2019 het ons gefokus op ‘n ontwaking tot Sy geregtigheid. Stelselmatig het die Here ons dieper en dieper gelei om Sy groot “waarom” te ontdek.  Jesus is ons fokus, maar waarom Jesus? Waarom het Jesus mens geword, vir ons sonde gesterf, opgestaan uit die dood en vir ons redding bewerk? Die antwoord is nou voor die hand-liggend. 

Jesus wil ons genees, versoen, herstel, restoureer, hervorm en bevry om weer Sy skeppingsdoel voluit te kan leef. 

‘n Boom is gemaak om smaakvolle vrugte te dra. So het God die mens geskape in Sy beeld om goddelike goeie vrug te dra. Sonde het ons misvorm, om verwoesting te saai. As gevolg van die mens se ongehoorsaamheid en misrekende identiteit het ons wêreld al hoe meer stukkend en gebroke geraak.  Siekte, krankheid, ongesteldheid, onvolkomenheid, pyn, ongemak, en beperkings verhoed ons om Sy skeppingsdoel te kan uitleef.  Ons uitroep is dus vir genesing! Ons is almal op soek na volhoubare, werklike, diepgaande, volkome genesing! 

Siekte is ‘n obstruksie, inhibisie of beperking van ons natuurlike vermoëns.  ‘n Gesonde baba het ‘n bepaalde funksionaliteit m.b.t. beweging, vermoëns, en intellek. Siekte of krankheid plaas ‘n beperking op hierdie funksionaliteit.  Dis dalk hoekom, Jesus verklaar dat ons moet soos kinders word om die Koninkryk te beërwe. (Mark 10:15) ‘n Kind is onskuldig, reken geen wraak toe nie, is nie selfbewus nie, het nie vooraf opgestelde beoordeling van mense nie, het onvoorwaardelik lief, is ongekunsteld, het ‘n onversadigbare begeerte om nuwe dinge te leer en te ontdek.  Hierdie is alles eienskappe wat ons met geestelike volwassenheid vergelyk.  Ons kyk na ‘n nuutgebore baba, en noem hom of haar perfek! 

Hoekom is ons siek? Wat maak ons siek? 

Daar is al biblioteke vol geskryf oor die oorsake van siekte, ek noem net ‘n paar: Sommige siektes toestande is geneties of viriel oordraagbaar, en dus as gevolg van eksterne oorsake. Sielkundiges suggereer dat 85% van alle siektes ‘n emosionele, psigosomatiese oorsaak het.  Lewenstyl keuses, in terme van dieet en oefening speel ook ‘n groot rol ten opsigte van ons algehele gesondheid.  ‘n Misrekende identiteit, en gevolglike geloofsoortuigings, wat ons wêreldbeskouing vorm kan lei tot dramatiese beperkings.  Dr Paul Carlin het na 20 jr se werk in die Texas gevangenis die “belief therapy” program ontwikkel, want volgens hom: “Mense doen wat hulle doen omdat hulle glo wat hulle glo”. Uiteindelik raak hierdie oortuigings ‘n godsdiens-tradisie, en ‘n kultuur wat mense vasgevang hou en inperk om nie hulle natuurlike potensiaal te bereik nie. Dink maar aan godsdienste, wat die rol van die vrou en die kind inperk en marginaliseer.  Uiteindelik is sonde direkte  ongehoorsaamheid aan die Woord en wil van God.  God se Woord is soos ouerlike beskerming, leiding en rigting om ons te weerhou van seerkry, ongeluk en verdriet, maar die mens wil sy of haar eie koers inslaan, en self besluit wat reg of verkeerd is.  

Tans beleef ons ‘n radikale inligting-revolusie. Daar vind 3.5 Biljoen Google soektogte per dag plaas. Omtrent 1,3 Biljoen mense is op YouTube geregistreer en word daar bykans 300 ure se videomateriaal per minuut gelaai. Die meeste van hierdie soektogte en inligting is gerig rondom gesondheid en self-verbetering. Daar is tans meer as 250000 toep applikasies beskikbaar om jou gesondheid te monitor. Nuwe slim horlosies meet allerhande aspekte van jou fisiese gesondheid: Slaap patrone, hartklop, bloeddruk, suikervlak, en hartritme inligting kan jou dokter help om ‘n baie meer akkurate diagnose te maak. Nuwe aanlyn webtuistes soos ‘Hello Dr” kan jou in ‘n oomblik in kontak bring met mediese professionele raad.[3]  

Mense is dus gevolglik fisies gesonder. Mense leef in die algemeen langer! Maar is ons werklik gesond? Ons word van die een ding gesond gemaak, en oormore is ons weer siek van iets anders. Gesondheid is tog nie net bloot ‘n fisiese aspek nie. Ons word almal ouer, en dus funksioneer ons liggame nie meer optimaal nie. Wanneer jy met die versorgers in ouetehuise praat sal hulle jou gou sê: “Moeilike jongmense raak dramaties moeiliker ou-mense.”  Gesondheid kan ook nie ‘n selfsugtige net-na-myself-kyk oorlewing wees nie. Gesonde mense, wil ook graag ander gesond maak.  

Die totale mensewees bestaan uit: 

  • Gees – Konneksie, bewussyn. 
  • Emosies – Gevoelens. 
  • Intellek – Denk Patrone, waardes, wêreldbeskouing.
  • Gedrag – Gewoontes.
  • Sosiale interaksie – Verhoudinge.
  • Liggaamlik – Fisiologies.
  • Identiteit – Eie-Ek. 

In ons reis met Jesus het ons uitgevind, gesondheid is nie net die genesing van ‘n spesifieke fisiese siekte toestand nie, maar ‘n algehele omvattende gesonde lewenstyl van die totale mens. 

Derduisende kure, diëte, aanvullings, wondermiddels, terapie en operasies mag dalk doeltreffend wees, maar dit deel almal net met een aspek van ons gesondheid. Jy kan fisies 100% gesond wees, maar sielsongelukkig as gevolg van stukkende verhoudings. Jy kan ‘n goeie mens wees, met talle prestasies en nog steeds voel daar kort iets in jou lewe, want jy het nog nie met God vrede gemaak nie.  Jy kan fisies gesond wees, intellektueel briljant, maar as jy nog genees is van die eie-ek, die egoïstiese, self-gerigte selfsug en soeke na selfbeskikking nie, is jy bedremmeld en betreurenswaardig. Dink maar aan die eie-waan van ‘n Hitler, en yoga ghoeroes soos Bikram Choudhury wat sy volgelinge mislei het.  

Jesus Is Ons Genesing

Totale genesing is net in Jesus Christus te vind. Jesus is genesing en gesondheid! Toe ons ontwaak tot die realiteit van Sy persoon, waardes, denke, gewoontes en manier van leef, het ons die sentripetale kernpunt van alle geneeskunde ontdek. Sonder Jesus is daar nie volhoubare gesondheid en welstand nie. Want, Hy maak nie net een aspek van ons menswees gesond nie. Hy steek Sy hand uit, en vra ons om Hom te volg. Terwyl ons Hom volg, en doen wat Hy sê, word ons tree vir tree meer gesond, op elke vlak, om ook ander te help om gesond te word.  Daar is immers geen siekte in die hemel nie. Daarom is Jesus se hart, Sy waarom, om ons gesond te sien. 

Om soos Jesus te word is die sleutel tot ʼn vervulde en gelukkig lewe. Jy sal dan die beste huweliksmaat wees, die beste sakeleier, en die beste werker wees vir enige sakeonderneming, ook die beste tipe vriend en die beste ouer. Die volwasse karakter, waardes, ingesteldheid, etiek, gewoontes, houding en lewenstyl van Christus is soos ’n standaard, ’n toonaangewer, ’n rigtinggewer om die volmaakte lewe te leef. Ons is die mooiste mense wanneer ons die meeste soos Christus leef.  Met ander woorde, ons is die beste mense as ons die meeste soos Hy is, as ons soos Hy doen wat reg is, Sy etiese en morele voorbeeld volg, Sy onbevlekte karakter nastreef en ons lewens daaraan wy om die mensdom te dien. Om soos Jesus te leef is die beste manier van leef! Die Jesus-lewe is ’n universele waarheid, ’n uitgangspunt, ’n bloudruk en basis vir lewe. Christus is volmaak, blaamloos, die regte standaard en mediaan van moraliteit. 

In ons reis saam met Jesus, ontdek ons Sy goddelike paradoksale waardes: Geregtigheid en billikheid, onpartydigheid en respek vir alle mense, nie-reaksionêre kreatiwiteit, revolusionêre pasifisme, diensbare leierskap, bonatuurlike mens-mens-wees, alleen-groep-mens, en nog soveel meer! 

Die oomblik wat ons Sy lewe ontvang en daarvolgens begin leef, verander alles. Ons verhoudings, denkwyses, werk en leefstyl word gesond, en genesend tot ander.  

Hoekom het Geloofsgenesing ‘n Slegte Naam?

Enige vorm van geneeskunde het ‘n sekere bepaalde sukses faktor presentasie.  Waarom het geloofsgenesing so ‘n onreëlmatige sukses faktor? Waarom het net sommige individue redelike sukses? Hoe blywend is hierdie sukses? Iemand wat siek is, is desperaat vir ‘n oplossing enige redelike kans selfs 50/50, sal ‘n desperate lyer nuwe hoop gee. Maar ‘n vorm van geneeskunde met so ‘n swak sukses, sal en moet mos verwerp word.  Selfs natuurlike medikasie het ‘n baie meer beduidende sukses faktor.  Om vir mense te bid vir genesing en dit as God se liefde te beskryf is problematies, want hoekom word sommige gesond en ander nie? 

Die vraag is nie óf God mense genees nie, maar eerder hoekom Hy nie almal genees nie.  

In verskeie vraelyste is bepaal dat die meeste mense, sowel as doktors glo dat gebed voordelig is vir siek mense. Daar is talle opgetekende, lyste van mediese verifieerbare goddelike genesings. Die vraag was ook gevra vir ‘n paneel van geloof-geneeshere, die antwoord was: Om die integriteit en die hart van die Evangelie te bewaar word almal nie gesond nie, die wat gesond word gebeur nooit op dieselfde manier nie, en ook nie deur dieselfde persoon nie.[4]  Die rede: Wanneer ‘n sekere persoon of metode 100% suksesvol is om elke moontlike siekte gesond te maak, is dit in die mens dat ons die persoon en die metode sal aanbid, dit sal kapitaliseer, sonder om die wonder en diepte van God te besef. Dit is baie makliker vir die mens om enige wonderkuur of middel te probeer, sonder die harde werk van gedragsverandering.  Dikwels is dit ons gedrag wat die siekte veroorsaak het. 

Om genesing toe te skryf aan ons geloof, of tekort daarvan is ook problematies, want alhoewel geloof ‘n rol gespeel het by die meeste genesings, het die Here sommige genees sonder enige geloof van hulle kant af.  As geloof die redding bring, genees ons mos onsself? Moet ons onsself dan red ook? Ek verstaan dat redding ‘n geskenk is, en dat ons geloof in God uiteindelik redding meewerk. Tog is daar baie mense wat werklik glo, en werklik in geloof selfs tot ‘n aksie oorgegaan het, en nog steeds nie genesing ontvang het nie.   Om te bid vanuit die wete dat God wil altyd genees is voorwaar moeilik as dit wel nie gebeur nie. Hoekom nie? Satan? Te min geloof? Nie aangehou nie? Dan is óns die probleem. Dit bring min troos, veral as jy al jou geloof, gebede, opgebruik het om genesing te bid vir iemand vir wie jy lief is. Alhoewel ons moet glo, het dit nie gewerk nie. Alhoewel ons deernis moet hê, was dit skynbaar nie genoeg nie. Alhoewel ons beloftes uit die woord en profesie ontvang het, is dit nie vervul nie. Waar laat dit ons? 

Genesing is inherent wie God is, die aarde en die skepping het ‘n self-genesing vermoë.  Dis juis die wonder van die skepping, die medisinale natuurlike middels wat in die natuur opgesluit lê.  God het ons geskape om gesond te maak, en gesond te wees.  

Siekte en krankheid is simptomaties nie net m.b.t. ons liggame nie. Ons ekonomie is siek. Die wêreld is moreel siek. Siekte is simptomaties van ‘n hele samelewing wat van God verwyder is.  As die hele samelewing die Here waaragtig dien deur te doen wat Hy sê, en alles toeëien wat Hy vir ons beskikbaar gestel het, en dan soos Jesus goed doen aan die mense om ons. Sal daar nog siekte wees? 

Siekte se oorsprong is: 

  1. Sonde
    • Verkeerde gewoontes en gedrag: Mirjam (Num 12:10), Gehasi (2 Kon 5:27), Ussia (2 Kron 26:16-23) en Elimas (Hand 13:11). “dien die Here en vermy wat sleg is: dit is die geneesmiddel vir jou, die verkwikking vir jou liggaam.” (Spr 3:8) 
    • Jou woorde: “Die tong het mag oor dood en lewe” (Spr 18:21).  “Aangename woorde is heuning, soet en geneeskragtig vir die mens.” (Spr 16:24) 
    • Onvergifnis maak mens bitter en sieklik, soos iemand wat gefolter word. (1 Kor 11:28-30; Matt 18:21-35) 
    • Jou denke:  “’n Kalm gemoed hou die liggaam gesond; hartstog vreet ‘n mens op.” (Spr 14:30) “’n Vrolike mens is ‘n gesonde mens.” (Prov 17:22)
    • Nie alle siekte is a.g.v. sonde nie. (Job 42:7-8)
  2. Die duiwel 
    • Demone:  Matt 17:18; Matt 9:25, 42; Matt 4:35; 4:39
    • Mag van die Duiwel:  “Julle weet van Jesus van Nasaret, dat God Hom met die Heilige Gees gesalf en met krag toegerus het. Hy het rondgegaan, oral goeie werke gedoen en almal gesond gemaak wat in die mag van die duiwel was, want God was by Hom”. (Hand. 10:38)
    • Gees van krankheid (Luk 13:11, 16)
  3. Die Here, God is soewerein: “Besef dit tog: Ek, Ek is die Here! Naas My is daar geen ander God nie. Ek maak dood en Ek gee lewe. Ek maak siek en Ek maak gesond. Uit my mag word niemand bevry nie.” (Deut 32:39) Gen 12:17, Exo 4:11, 15:25, 1 Sam 25;37-38; 2 Sam 12:15, Deut 28:15-68, 32:39, 2 Kon 15:5, 2 Kron 21:18, 19, 26:20-21 Hand 12:22, 23; 13:8-12 asook Job 5:18. 
  4. Indirek ander mense: Dit is duidelik dat ek kan deur iemand aangesteek word, bakteriese infeksies, ‘n bakleiery waar onskuldige mense slagoffers word.  Iemand anders se sonde en oortreding kan dus ook soms die oorsaak wees van siekte en krankheid. 
  5. Die gebroke natuur: “Want die skepping is aan die nietigheid onderworpe — nie gewillig nie, maar ter wille van Hom wat dit onderwerp het…” (Rom 8:18-22) Hittegolwe, plae, droogte, tsunami’s, ens. Soms gebeur daar bloot dinge, ek struikel en val, en breek my arm. 

Alhoewel dit belangrik is om die oorsaak van siekte weet, is die meer belangrike vraag hoe word ek gesond? Uiteindelik is dit God se hart dat ons gesond sal lewe: Deut 11:26. 

God se Hart Agter Genesing

Al ooit gewonder hoekom het Jesus dikwels mens ferm vermaan om nie te gaan vertel wat met hulle gebeur het nie? Was dit dan nie die punt, dat almal in Hom sal glo nie?

Jesus het nooit enige genesing op dieselfde manier gedoen nie, maar vir Hom was genesing meer as bloot die gesondmaking van die simptome. HY wou altyd deel met die oorsaak. Daarom word die melaatse man gevra om na die priester toe te gaan, sodat die kwarantyn opgehef kon word, en hy weer toegelaat word om deel van die gemeenskap te wees.  “Toe steek Jesus sy hand uit, raak hom aan en sê: “Ek wil. Word gesond!” En sy melaatsheid was onmiddellik weg. Jesus sê toe vir hom: “Jy moet dit vir niemand vertel nie, maar gaan wys jou vir die priester en bring die offer wat Moses voorgeskryf het.”  (Matt 8:1-5)

“Baie mense het saam met Hom gegaan, en Hy het hulle almal gesond gemaak, maar hulle belet om in die openbaar oor Hom te praat.”  (Matt 12:16) Hier het Jesus ‘n skare mense genees, tog kapitaliseer Hy nie op die bonatuurlike om nog meer mense te trek nie.  Dit is duidelik soos vroeër verduidelik: Jesus is nie net ‘n wondermiddel of wonderpersoon wat alle siekes genees nie! Want dan sou ons hom gebruik om gesond te word, sonder om te deel met die oorsake van hoekom ons siek geword het in die eerste plek. 

Jesus vra Sy dissipels, wie sê julle is ek? Nadat Petrus openlik verklaar en erken dat Hy die Messias is, word hulle beveel om dit nie oor te vertel nie.  Is dit dan nie die doel dat mense sal weet dat Hy die Messias is nie? Dis tog waaroor redding gaan, dat elke mens sal glo dat hy die Christus is? Toe het Jesus sy dissipels beveel om vir niemand te sê dat Hy die Christus is nie.  (Matt 16:20) Die raaisel verdiep nie waar nie? Die beginsel is: Jesus wil nie net hê ons moet Hom aanbid nie! Hy wil hê ons moet Hom volg. Dis ons gehoorsame navolging van die persoon Jesus Christus, wat genesing bring vir die totale mens. 

Die verheerliking op die berg, is ‘n klinkklare bewys van Sy goddelikheid. Mense is natuurlike twyfelaars.  Hoekom net ‘n paar dissipels toelaat om dit te beleef? Sou die Fariseërs, en al sy vyande nie dan tot inkeer kom, as hulle sou sien wat hier gebeur het nie? Terwyl hulle van die berg afkom, het Jesus hulle beveel: “Wat julle gesien het, moet julle vir niemand vertel voordat die Seun van die mens uit die dood opgewek is nie.” (Matt 17:9) Jesus kapitaliseer nie op die oomblik van Sy goddelike verheerliking en openbaarmaking nie. Dink aan mense wat al deur die eeue by plekke van goddelike verskynsels bymekaar kom, en die verskynsel soos robotte aanbid. 

Een van die mees skouspelagtige wonderwerke wat Jesus gedoen het was die genesing van die doofstom man.  Die man het nie net sy gehoor ontvang nie, maar God het sy spraak in een oomblik herstel.  Al sou iemand se gehoor herstel, sou dit ‘n spraak terapeut maande neem om die persoon te help om korrek te praat.  “Sy ore het dadelik oopgegaan, die belemmering van sy spraak het verdwyn, en hy het reg gepraat. Jesus het die mense belet om dit vir iemand anders te vertel, maar hoe meer Hy hulle belet het, hoe meer het hulle dit verkondig.”  (Mark 7:36) Hier is een van die mees sprekende wonderwerke, wat as jy vandag se bemarking tegnieke van getuienis oorvertel gebruik, ‘n getroue navolging verseker. Jesus doen hierdie wonder in privaatheid.  

Baie mense het gewonder oor Jesus, maar die duiwels het presies geweet wie Hy was. Is daar nie ‘n groter bewys van Sy bediening en egtheid as dat die duiwels Hom herken nie? Maar Jesus het hom skerp aangespreek: “Bly stil en gaan uit hom uit.”  (Mark 1:25). Tog laat Hy hulle nie toe om te spreek nie. 

Jesus het die blinde man aan die hand gevat en hom uit die dorp uit gelei. Die genesing in die geheim verrig, en toe boonop vir hom “belet om dit vir iemand anders te vertel.”.  (Mark 8:26, 30)

Die egtheid van die evangelie skrywers se getuienis, is die nuttelose inligting wat nie weggelaat is nie. Die feit dat Jesus vir hulle opdrag gee om vir die kind iets te ete te gee, het geen doel nie. Tog maak dit die stories, eg en geloofwaardig.  Weereens ‘n perfekte geleentheid om mense te oortuig. Jesus maak nie gebruik om met grootheidswaan, mense te beïndruk nie.  “Haar ouers was stom van verbasing, en Jesus het hulle verbied om vir iemand te vertel wat gebeur het.”  (Luke 8:56)

Die klimaks van Jesus se populariteit is toe Hy die skare kos gee. “Toe die mense die wonderteken sien wat Jesus gedoen het, het hulle gesê: “Hy is werklik die Profeet, die Een wat na die wêreld toe moes kom.” Toe Jesus merk dat hulle Hom met geweld wil kom koning maak, het Hy verder die berg op gegaan, Hy alleen.” (Joh 6:14-15)

Weereens vlug Jesus van die aanstelling van mense, die aanbidding van mense.  Hy wil ons bewus maak dat daar iets dieper is as genesing, wonderwerke, en voedselvoorsiening.  Al hierdie dinge is tydelik, maar daar is meer wat God ons wil gee. Hierdie tekens en wonders is presies dit, tekens. Dit is soos padwysers, rigtingewers na ‘n groter realiteit. Wonderwerke is inderdaad belangrik. “Die boodskap wat ek verkondig, het julle oortuig, nie deur geleerdheid en welsprekendheid nie, maar deur die kragtige werking van die Gees. Dus is julle geloof nie op die wysheid van mense gegrond nie, maar op die krag van God.” (1 Kor 2:4-5) 

Wat is die groter realiteit wat Jesus wou hê hulle moes raaksien? Jesus antwoord hulle: “Dít verseker Ek julle: Julle soek My, nie omdat julle die wondertekens gesien het nie, maar omdat julle van die brood geëet en versadig gewordhet. Julle moet nie werk vir die voedsel wat vergaan nie, maar vir die voedsel wat nie vergaan nie en wat ewige lewe gee. Dit sal die Seun van die mens vir julle gee, want God die Vader het Hom die mag daartoe verleen.” Hulle vra Hom toe: “Wat moet ons doen om te doen wat God van ons verlang?” En Jesus antwoord hulle: “Wat God van julle verlang, is dat julle moet glo in Hom wat Hy gestuur het. (Joh 6:26-29)  Jesus is die geskenk van genesing, nie die genesing op sig self nie. As ek dus Jesus ontvang is ek gesond, want ek het die Geneesheer ontvang! “…want dit is Ek, die Here, wat julle gesond hou.” (Exo 15:26).  

Jesus wil ons herstel, genees, hervorm, restoureer, versoen met ons skeppingsdoel: Om soos God, goddelike, goeie, opbouende, positiewe, vrug te dra.  Die aanbidders wat met waserige oë ‘n goddelike verskynsel aanbid, besef nog nie hulle eie goddelikke skeppingsdoel van godsvrugtigheid nie. Hulle wag en smeek vir ‘n wonderwerk van bo af. Hulle besef nie die wonderwerk Christus, wil in ons kom woon, en deur ons wonderdade en regdoen verrig nie. 

Die genesing wat Christus in ons wil werk is ook meer as net die fisiese genesing. Hy wil ons hele menswees genees. Hy wil God se skeppingsdoel vir ons, in ons restoureer.  “Dié wat Hy lank tevore verkies het, het Hy ook bestem om gelykvormig te wees aan die beeld van sy Seun” (Rom. 8:29) In al hierdie verhale waar Jesus mense vermaan het om nie oor te vertel nie, was die mense verbaas, verstom en beïndruk met Jesus. Hulle wou Hom dus aanbid, maar Hy het dit nie toegelaat nie, Hy soek meer as ons aanbidding, Hy soek ons geloofsgehoorsaamheid! 

Daar is 2 verhale waar Jesus beïndruk was. Die een was die genesing van die offisier se slaaf (Matt. 8:5-13; Luk. 7:1-10; Joh. 4:43-54). Hierdie man het ook genesing kom soek by Jesus, maar hy het Jesus gesien. Hy noem Jesus Here. Hy sien Jesus is ‘n man van gesag soos hy. Daarom vra Jesus om net ‘n woord te spreek. Jesus se reaksie is: Jesus was verwonderd toe Hy dit hoor, en Hy sê vir die mense wat agter Hom aan gekom het: “Dit verseker Ek julle: Ek het nog by niemand in Israel so ‘n groot geloof teëgekom nie. Ek sê vir julle: Baie sal van die ooste en die weste af kom en saam met Abraham, Isak en Jakob aan tafel gaan in die koninkryk van die hemel. Maar mense vir wie die koninkryk bedoel is, sal in die diepste duisternis daarbuite gegooi word, waar hulle sal huil en op hulle tande sal kners.” (Matt 8:10-12). Lees hierdie vers deeglik deur. Jesus maak ‘n geskiedkundige, waterskeiding, omkeer verklaring! “Baie sal van die ooste en die weste af kom en saam met Abraham, Isak en Jakob aan tafel gaan in die koninkryk van die hemel” Van wie praat Jesus hier? Van diegene, wat Hom sien, waarlik sien! Mense van elke volk en nasie en taal wat Jesus sien vir wie Hy werklik is, nie hom nie net sien as ‘n ‘argetipe’ onpersoonlike masjien wat mense gesond maak nie.  Die ander verhaal is van die Kanaänitiese vrou. Wie Jesus eers nie wou help nie.  “Mevrou,” sê Jesus vir haar, “jou geloof is groot. Jou wens word vervul.” Van daardie oomblik af was die dogter gesond.” (Matt. 15:28). Sy het nie Jesus se weiering aanvaar nie, en aanhou glo.  

Ons sien dat Jesus ook graag wou hê Sy dissipels moes Hom regtig sien, Hom verstaan. Is dit nie die soeke van enige leermeester, leier, of voorganger nie? Sommige is daar net vir die aansien, die geld, die roem, die posisie, die genesing, die wonderwerk.   Jesus wou uiteindelik hê dat hulle moes doen wat Hy doen. Hulle moes net soos Hy in die geloof wonderwerke verrig. (Luk 10:19; Mat 10:8) 

Drie wonderwerke waar Jesus Sy frustrasie met die dissipels wys, dat hulle nog nie sien nie: 

  1. Jesus maak die storm stil. “Waarom is julle bang? Het julle dan nie geloof nie?” (Mark 4:40) 
  2. Die vermeerdering van die brood. “Gee julle vir hulle iets om te eet.” (Mark 6:37) 
  3. Petrus is die eerste dissipel wat iets begin sien. Toe sê Petrus vir Hom: “Here, as dit regtig U is, beveel my om op die water na U toe te kom.” “Kom!” sê Hy. (Matt 14:28-29) Tog begin hy vinnig twyfel toe hy na die branders kyk. Dadelik het Jesus sy hand uitgesteek, hom gegryp en vir hom gesê: “Kleingelowige, waarom het jy begin twyfel?” (Matt 14:31) 

“The purpose of Jesus is not only to save men from their sins, but by the grace of God to begin in the souls of men that marvelous development in the nature and mind and understanding of God our Father, until by the grace of God we are able to take our place and our part in the kingdom of Jesus Christ and bear our share of responsibility.” ― John G. Lake,

Die Mees Gesondste Mense Glo Reg 

“…enigiets wat ‘n mens nie uit geloofsoortuiging doen nie, is sonde.” (Rom 14:23) “As ‘n mens nie glo nie, is dit onmoontlik om te doen wat God wil. Wie tot God nader, moet glo dat Hy bestaan en dat Hy dié wat Hom soek, beloon.” (Heb 11:6) 

Hoeveel van ons besluite, keuses, gewoontes, is gegrondves in ‘n geloofsoortuiging? Hoe ons die wêreld sien, wat ons koop? Hoekom ons koop? Waar ons bly, en werk is alles gegrondves in wat ons glo oor onsself, God en die toekoms. 

Jesus het mens geword, fisies gedemonstreer wat Hy gepreek het, en uiteindelik gesterwe vir ons sonde, om ons met God te versoen, opgestaan uit die dood, opgevaar en gaan sit aan die regterhand van God, en toe die Heilige Gees gestuur om in ons te regeer! Waarvoor wag ons? Wat op aarde moet God nog doen? Hy het alles volbring sodat ons deur Hom, dit is deur Sy bekragtiging Christus te leef in elke plek waar Hy ons roep!  

As ons dus reg sien! Werklik sien! Sien wat Hy gedoen het! Wie Hy is! As ons dit daadwerklik, met oortuiging glo, sien ons die wêreld skielik in ‘n hele ander lig. Terwyl ons aanhou om presies te doen wat HY ons beveel om dit te doen, verander die lewe heeltemal vir ons. Ons sal ‘n heeltemal ander perspektief hê en ‘n nuwe houding teenoor die lewe, dinge en mense hê! Ons is gesond, na liggaam, siel en gees. 

Jesus Genees die Hele Mens 

John G. Lake het geglo dat Jesus se genesingswerk drieledig is: Hy bevry ons van boosheid, sodat ons geestelik gesond, en vol kan wees van die Heilige Gees. Ons kommunikeer en beleef verbondenheid met God deur ons gees. Tweedens, genees die Here ons siel, ons konneksie met mense. Omdat ons vrede met God gemaak het, genees die Here ons siel. Ons siel is hoe ons verbind is met die mensdom om ons.  Sielsus en vrede met self en die mense om my, is genesing! 

Jesus was altyd bekommerd oor die hele mens en nie net die simptome van siekte nie.  Hy het dikwels eers die geestelike aspekte hanteer.  Sy gesprek met die Samaritaanse vrou by die put het gefokus op die basiese konflikte in haar persoonlikheid.  Vir Jesus is gesondheid meer as net die afwesigheid van fisiese en geestelike siektes – dit gaan oor die hele mens. 

God wil ons genees, maar meer nog: Hy wil ons moet ander genees! “En by die stroom sal aan altwee kante allerhande bome groei om van te eet, waarvan die blare nie sal verdor en die vrugte nie sal opraak nie; elke maand sal hulle nuwe vrugte dra; want die waters waar hulle aan staan—uit die heiligdom stroom hulle; en hulle vrugte sal wees om te eet en hulle blare om te genees. (Eze 47:12)

“Die Here sal hom bystaan in sy siekte. As hy siek is, sal U hom genees.”  (Ps 41:4) 

Jesus Genees op Verskillende Maniere 

God nie net besorg oor die genesing van ons liggame nie. Hy wil ook hê dat ons ’n sekere regte gesonde lewenswyse aanleer.  Jy self is verantwoordelik vir jou gesondheid.  Van die 35 wondertekens wat Jesus gedoen het, was 26 genesings.  In 6 gevalle is bose geeste uitgedryf.  

  1. Bely julle sonde: (James 5:16) 
  2. Ouderlinge salf met olie: (James 5:14-15)
  3. Dokters: Geneeshere is vir die siekes (Mat 9:12; Mark 2:17; Luk 5:31) Daar word na Lukas verwys as die “geliefde geneesheer” (Col 4:14)
  4. Mediese versorging: die barmhartige samaritaan verbind die man, en salf sy wonde. (Lukas 10:33–34)
  5. Alternatiewe geneeskunde: Gebruik bietjie wyn vir die ontsteldheid met die maag. (1 Tim 5:23) 
  6. Ons teenwoordigheid bring genesing: Die blare van die boom is tot genesing van die nasies’ (Openbaring 22:2; Ps 1:2-3; Eze 47:12; Jer 17:8)
  7. Die Woord van God genees. (Luk 4:4)
  8. Toe Jesus hulle geloof sien: (Mar 2:5; Mat 9:29)
  9. Vergifnis: (Mat 18:34-35)
  10. Vereenselwig deur die Nagmaal met Sy lyding:  (1 Kor 11:28–30)
  11. Lofprysing: “Loof die Here, o my siel, en alles wat binne-in my is, sy heilige Naam! Loof die Here, o my siel, en vergeet geeneen van sy weldade nie! Wat al jou ongeregtigheid vergewe, wat al jou krankhede genees”. (Psalm 103:1–3)
  12. Lappies en doeke wat gesalf is: (Acts 19:11-12)
  13. Hande Oplegging: (Mar 6:5, 13; 16:15, 17–18)
  14. Duiwels uitgedryf: (Mar 9:14-29; Matt. 17:14-20; Luk. 9:37-43)
  15. Dien die Here en vermy wat sleg is: dit is die geneesmiddel vir jou, die verkwikking vir jou liggaam. (Spr 3:8) 

Die slotsom is: Christus is gesondheid. Wanneer ons die meeste soos Jesus is, is ons die mees gesondste mense op die planeet! 

Dit is ook moontlik om ‘n gesonde lewe te lei: 

  1. Wanneer al my verhoudings met God, self, mense en die natuur gesond en heilsaam is. 
  2. Ek gereeld oefen, slaap, en ‘n gebalanseerde gesonde dieet volg. 
  3. Werk kan genesend, en stimulerend van aard wees. 
  4. My denke is soos ‘n tuin, wat ek plant, bepaal hoe ek dink, en hoe ek lewe. 
  5. Om vir ander te gee, te help en te dien is genesend.  
  6. Om soos ‘n kind te wees, en sommer net lekker gesonde pret te hê is ‘n wonderkuur! 
  7. Deur gasvry te wees, en vir mense lekker kos te maak is genesend! 
  8. Deur ‘n vredemaker te wees, en versoening te bewerk tussen mense bring genesing. 

God Se Geskenk Van Genesing Aan Die Wêreld Is Sy Gesonde Liggaam die Kerk 

HARVESTER SAMEKOMSTE 

Samekomste skep atmosfeer vir genesing: 

Ons glo gemeente wees, het iets te doen met ‘n helende tuin, die herstel van Eden. Alles wat ons doen, in heilige diversiteit, komplekse eenvoud, interafhanklikheid, skep ‘n genesende habitat, waar mense kan gesond word op elke vlak.  Die Bybel gee ons geen tyd aanduiding van presies wanneer gelowiges bymekaar gekom het nie. Ons lees gereeld van ‘daagliks’, ‘eerste dag van die week’, gemeenskaplike maaltye.  Dit wil sê: Kerk-wees gebeur in die saamwees! Ons hou van saamwees! Ons geniet mekaar se geselskap, en om in ons verhoudinge diepgaande geesgenote te word! Ons hou dus verskeie byeenkomste, vir kinders, volwassenes, mans, vrouens, geskeides, vir Afrikaanse maar ook Engelse mense, vir ou mense en jong mense, vir sakemense en boere, vir geskeides maar ook getroudes! Die lys gaan net aan en aan! 

Ons hou allerhande tipe byeenkomste vir alle soorte mense, sodat elkeen Jesus kan ontdek en leer om hom te volg! 

Ons fokus dat al ons byeenkomste die volgende elemente bevat: 

  1. Ons byeenkomste fokus op skrifgebaseerde, leerstellige gebalanseerde, akkurate Jesus-gesentreerde prediking. 
  2. Ons byeenkomste is spiritueel en maar ruimte vir geestelike en bonatuurlike gebeure, waar ons vir siekes bid en hulle die hande op lê, en duiwels uitdryf, en floreer in die toepassing van die gawes van die Heilige Gees. 
  3. Ons byeenkomste fokus op lofprysing en aanbidding wat God behaag.  
  4. Ons byeenkomste maak ruimte vir getuienisse, wedersydse opbouende insette. 
  5. Ons byeenkomste is deelnemend van aard. 
  6. Ons byeenkomste is verrassend, relevant, en kreatief. 
  7. Ons maak ruimte in ons byeenkomste vir gebed, meditasie en saam-luister wat God wil sê. 
  8. Ons herdenk die Here se nagmaal so gereeld as wat ons kan.  
  9. Ons bied gereeld vir mense die geleentheid om te gee soos die Here dit op hulle harte lê. 
Genees ons verhoudinge

HARVESTER HUISKERKE

Ons glo in groot byeenkomste wat impak maak, maar verhoudinge groei dieper alleenlik in die kleingroep. Ons huiskerke moet naby genoeg wees, sodat daar werklike ondersteuning kan wees in tye van nood. Daarom wil ons huiskerke aanbied in elke dorp in die Olifantsvallei en Matsikama omgewing. Die huiskerk is jou geestelike familie, omgee groep. Dis hier waar ons leer om ons geestelike gawes te ontwikkel. Dissipelskap, verantwoordbaarheid, en dissipline gebeur in die liefdevolle intimiteit van die kleingroep familie.  

Harvester Huiskerk Leiers:

  1. Jan & Celna Genis (Clanwilliam/Graafwater) 
  2. Willie & Wena Botha (Clanwilliam)
  3. Audrey & Dave Botes (Clanwilliam) 
  4. Dirkie & Lezel Mouton (Clanwilliam) 
  5. Francois & Bertina Engelbrecht (Lambertsbaai) 
  6. WP & Karien vd Merwe (Citrusdal) 
  7. Tom & Haneke Ferreira (Citrusdal) 
  8. Owen & Cherisse Burger (Citrusdal) 
  9. Neil & Olivia Hall (Citrusdal) 
  10. Van Rhynsdorp
  11. Vredendal
  12. Lutzville  
  13. Eendekuil
  14. Graafwater
Genees ons denke 

HARVESTER BYBELSKOOL 

“Want soos hy in sy siel bereken, so is hy.” (Spreuke 23:7) Jesus het mense se manier van dink, gedurig gekonfronteer en uitgedaag. Die Woord van God is ‘n raamwerk, en platvorm, ‘n riglyn om te leer om reg en nugter te dink. In ‘n onlangse studie wat deur die “Bible Engagement Centre” gedoen is met 40000 mense, is bevind dat mense wat die Bybel aandagtig vier keer per week bestudeer en lees, merkwaardig meer gesond is.[5] Ons “Miracle Bible Training Centre” kurrikulum is dan gefokus om sistematies deur die Bybel te werk, en die Bybel in die lig van Christus reg te verstaan.  Ons bied ook ‘n wye verskeidenheid praktiese vakke aan.  

Die mees belangrike kursus wat elkeen in die gemeente deurgaan in die begin is die Fondasie kursus wat fokus op die ses fondasie leerstellinge in Hebreers 6 asook: Onderskei God se stem, Lofprysing & aanbidding, Gebed, Vyfvoudbediening, Dissipelskap, en Offergawes.  Die Bybelskool is nie vir sommige mense nie. Dit is vir almal! Want dit is die primêre metode om genesing in mense se lewens te werk.  Die doel is om jou Bybel/woord fiks te maak. Daarom is die bybelskool nie eenrigting kommunikasie nie, daar is deelname, vrae-vrae tyd, en huiswerk betrokke sodat elkeen die Woord vir hom of haarself kan verstaan.  

Genees ons werk en gedrag

HARVESTER AKADEMIE 

Ons bied spesifieke programme aan om mense wat hulle eie besighede besit, te help om hulle besigheid so te organiseer dat die mense wat daar werk deur hulle werk betrokkenheid ook gesond kan word! Tweedens help ons ook die spesifieke werker, om ‘n beter werker te word en sodoende ook genesing in die werksplek te werk.  Die verwagting en persepsie van baie mense oor werk is dat dit vleeslik, aards, sekulêr, teenoor-geestelik, ‘n straf, en vloek is. Tog wanneer mense aftree en nie hoef te werk nie, dan werk hulle meer as ooit.  Wanneer ons sterf dan sê ons “rus in vrede” asof die persoon nooit in die ewigheid gaan werk nie.  

Soos ons Jesus volg, leer Hy ons Sy manier en beginsels om te leef. Hy skenk ons Sy genade, en werk die vrug van die Gees in ons karakter. Ons morele kompas verander rigting: getrouheid, eerlikheid, waarheid, hou by jou woord, betaal elkeen wat hy toekom, wees ’n goeie rentmeester ensovoorts word die nuwe werkswyse.  Ons begin regeer! Rom 5:17 “reign in this life” Ons oorwin ons swakhede, slegte gewoontes, verkeerde humeur, verslawings.  Ons interaksie met mekaar in die liggaam, saam besigheid doen, vir mekaar werk het skadukolle geopenbaar in almal van ons. Werkswyses wat nie die Here eer bring nie is aan die lig gebring.  Mense het vir jare in die kerk hulle verkeerde leefstyl weggesteek, want ons kan in die kerk Sondag een mens wees, maar Maandae in die werk is ons iemand anders. Vir ons is werk deel van ons aanbidding. 

Genees alle nasies/etos 

HARVESTER SENDING 

Die Jesus lewe is eintlik eenvoudig: Wag op die Here en spandeer tyd in gebed, mediteer met ‘n oop Bybel, kry ‘n openbaring en instruksie vir jou lewe, en gaan voer dit dan uit.  

Communion- Commission-Commission

Relational-Missional-Encarnational

Love-Faith-Hope

Father-Son-Holy Spirit.

Dit beteken dat elkeen in die gemeente ‘n goddelike roeping het om te vervul.  Dat elkeen weet wat om te doen, nie omdat hulle aangesê is deur ‘n organisasie om te doen nie, waar deur die Heilige Gees gemotiveer en bekragtig. Dit beteken ook prakties, ons maak dissipels. Ons vermenigvuldig. Ons gee en deel wat ons ontvang het.  Die gemeente maak dus gesamentlik ‘n impak op die kultuur van die gemeenskap.  Want elkeen funksioneer en bring genesing, herstel en versoening in die 5 primêre regering sektore: Regering, Ekonomie, Opvoeding, Gesondheid, en Wet & Orde. Maar ons maak ook ‘n verskil deur die saambindende katalisators soos: Sport, die Kunste, Rekreasie ens.  Ons is sout en lig! Ons bring genesing en versoening na elke nasie, en etos in ons samelewing waar Hy ons na toe stuur.  


[1] https://www.youtube.com/watch?v=RqhidTrkfrw&t=1760s

[2] https://www.youtube.com/watch?v=qp0HIF3SfI4

[3] https://www.netwerk24.com/Sake/Ikt/digitale-revolusie-help-dokters-20181007

[4] https://www.youtube.com/watch?v=0MOJBxaKWXo&list=LLC7-ErbIS3FNtXIam108ffQ&index=35&t=265s

[5] https://www.youtube.com/watch?v=wNWvxexMri0

Categories
Jesus die beste lewe

Jesus die Geneesheer

Enige vorm van geneeskunde het ‘n sekere bepaalde sukses faktor presentasie. Waarom het goddelike genesing so ‘n onreëlmatige sukses faktor? Waarom het net sommige individue wat vir siekes bid, redelike sukses? Hoe blywend is hierdie sukses?  Iemand wat siek is, is desperaat vir ‘n oplossing enige redelike kans selfs 50/50, sal ‘n desperate lyer nuwe hoop gee. Sommige sal pleit dat ‘n vorm van geneeskunde met so ‘n swak sukses, sumier verwerp word?  Selfs natuurlike medikasie het ‘n baie meer beduidende sukses faktor.  Om vir mense te bid vir genesing en dit as God se liefde te beskryf is problematies, want hoekom word sommige gesond en ander nie? 

Die vraag is nie óf God mense genees nie, maar eerder hoekom Hy nie almal genees nie.  

In verskeie vraelyste is bepaal dat die meeste mense, sowel as doktors glo dat gebed voordelig is vir siek mense. Daar is opgetekende, mediese verifieerbare goddelike genesings. Die vraag was ook gevra vir ‘n paneel van geloof-geneeshere, die antwoord was: Om die integriteit en die hart van die Evangelie te bewaar word almal nie gesond nie, die wat gesond word gebeur nooit op dieselfde manier nie, en ook nie deur dieselfde persoon nie.  Die rede: Wanneer ‘n sekere persoon of metode 100% suksesvol is om elke moontlike siekte gesond te maak, is dit in die mens dat ons die persoon en die metode sal aanbid, dit sal kapitaliseer, sonder om die wonder en diepte van God te besef. Dit is baie makliker vir die mens om enige wonderkuur of middel te probeer, sonder die harde werk van gedragsverandering.  Dikwels is dit die gedrag wat die siekte veroorsaak het. 

Om genesing toe te skryf aan ons geloof, of tekort daarvan is ook problematies, want alhoewel geloof ‘n rol gespeel het by die meeste genesings, het die Here sommige genees sonder enige geloof van hulle kant af.  As geloof die redding bring, genees ons mos onsself? Moet ons onsself dan red ook? Ek verstaan dat redding ‘n geskenk is, en dat ons geloof in God uiteindelik redding meewerk. Tog is daar baie mense wat werklik glo, en werklik in geloof selfs tot ‘n aksie oorgegaan het, en nog steeds nie genesing ontvang het nie.   Om te bid vanuit die wete dat God wil altyd genees is voorwaar moeilik as dit wel nie gebeur nie. Hoekom nie? Satan? Te min geloof? Nie aangehou nie? Dan is ons die probleem. Dit bring min troos, veral as jy al jou geloof, gebede, opgebruik het om genesing te bid vir iemand vir wie jy lief is. Alhoewel ons moet glo het dit nie gewerk nie, alhoewel ons compassion moet hê, was dit skynbaar nie genoeg nie. Alhoewel ons beloftes uit die woord en profesie ontvang het, is dit nie vervul nie. Waar laat dit ons? 

Genesing is inherent wie God is, die aarde en die skepping het ‘n selfgenesing vermoë. God het ons geskape om gesond te maak, en gesond te wees.  Siekte en krankheid is simptomaties nie net m.b.t. ons liggame nie. Ons ekonomie is siek. Die wêreld is moreel siek. Siekte is simptomaties van ‘n hele samelewing wat van God verwyder is.  As die hele samelewing die Here waaragtig dien deur te doen wat Hy sê, en alles toeëien wat Hy vir ons beskikbaar gestel het as ‘n ryk erfenis, en dan soos Jesus goed doen aan die mense om ons. Sal daar nog siekte wees? 

Siekte se oorsprong is: 

  1. Sonde
    1. Verkeerde gewoontes en gedrag: Mirjam (Num 12:10), Gehasi (2 Kon 5:27), Ussia (2 Kron 26:16-23) en Elimas (Hand 13:11). dien die Here en vermy wat sleg is: dit is die geneesmiddel vir jou, die verkwikking vir jou liggaam. (Prov 3:8) 
    1. Jou woorde: Die tong het mag oor dood en lewe (Prov 18:21) Aangename woorde is heuning, soet en geneeskragtig vir die mens. (Prov 16:24) 
    1. Onvergifnis (1 Cor 11:28-30; Mat 18:21-35) 
    1. Jou denke “’n Kalm gemoed hou die liggaam gesond; hartstog vreet ‘n mens op.” (Prov 14:30) ‘n Vrolike mens is ‘n gesonde mens, (Prov 17:22)
    1. Nie alle siekte is a.g.v. sonde nie. (Job 42:7-8)
  2. Die duiwel 
    1. Demone Mat 17:18; Mat 9:25, 42; Mat 4:35; 4:39
    1. Mag vd Duiwel “Julle weet van Jesus van Nasaret, dat God Hom met die Heilige Gees gesalf en met krag toegerus het. Hy het rondgegaan, oral goeie werke gedoen en almal gesond gemaak wat in die mag van die duiwel was, want God was by Hom”. (Acts 10:38)
    1. Gees van krankheid (Luk 13:11, 16)
  3. Die Here, God is soewerein:Besef dit tog: Ek, Ek is die Here! Naas My is daar geen ander God nie. Ek maak dood en Ek gee lewe. Ek maak siek en Ek maak gesond. Uit my mag word niemand bevry nie.(Deut 32:39) Gen 12:17, Exo 4:11, 15:25, 1 Sam 25;37-38; 2 Sam 12:15, Deut 28:15-68, 32:39, 2 Kon 15:5, 2 Kron 21:18, 19, 26:20-21 Hand 12:22, 23; 13:8-12 asook Job 5:18. 
  4. Indirek ander mense:Dit is duidelik dat ek kan deur iemand aangesteek word, bakteriese infeksies, ‘n bakleiery waar onskuldige mense slagoffers word.  Iemand ander se sonde en oortreding kan dus ook soms die oorsaak wees van siekte en krankheid. 
  5. Die gebroke natuur:Want die skepping is aan die nietigheid onderworpe — nie gewillig nie, maar ter wille van Hom wat dit onderwerp het…(Rom 8:18-22) Hittegolwe, plae, droogte, tsunami’s, ens. Soms gebeur daar bloot dinge, ek struikel en val, en breek my arm. 

Alhoewel dit belangrik is om die oorsaak van siekte weet, is die meer belangrike vraag hoe word ek gesond? Uiteindelik is dit God se hart dat ons gesond sal lewe: (Deut 11:26) 

Wat is God se hart agter genesing

Al ooit gewonder hoekom het Jesus dikwels mens ferm vermaan om nie te gaan vertel wat met hulle gebeur het nie? Was dit dan nie die punt, dat almal in Hom sal glo nie?

Jesus het nooit enige genesing op dieselfde manier gedoen nie, maar vir Hom was genesing meer as bloot die gesondmaking van die simptome. HY wou altyd deel met die oorsaak. Daarom word die melaatse man gevra om eers na die priester toe te gaan, sodat die kwarantyn opgehef kon word, en hy weer toegelaat word om deel van die gemeenskap te wees.  Toe steek Jesus sy hand uit, raak hom aan en sê: “Ek wil. Word gesond!” En sy melaatsheid was onmiddellik weg. Jesus sê toe vir hom: “Jy moet dit vir niemand vertel nie, maar gaan wys jou vir die priester en bring die offer wat Moses voorgeskryf het.  (Mat 8:1-5)

Baie mense het saam met Hom gegaan, en Hy het hulle almal gesond gemaak, maar hulle belet om in die openbaar oor Hom te praat.  (Mat 12:16) Hier het Jesus ‘n skare mense genees, tog kapitaliseer Hy nie op die bonatuurlike om nog meer mense te trek nie. 

Jesus vra Sy dissipels, wie sê julle is ek? Nadat Petrus openlik verklaar en erken dat Hy die Messias is, word hulle beveel om dit nie oor te vertel nie.  Is dit dan nie die doel dat mense sal weet dat Hy die Messias is nie? Dis tog waaroor redding gaan, dat elke mens sal glo dat hy die Christus is? Toe het Jesus sy dissipels beveel om vir niemand te sê dat Hy die Christus is nie. (Mat 16:20)

Die verheerliking op die berg, is ‘n klinkklare bewys van Sy goddelikheid. Mense is natuurlike twyfelaars.  Hoekom net ‘n paar dissipels toelaat om dit te beleef? Sou die Fariseërs, en al sy vyande nie dan tot inkeer kom, as hulle sou sien wat hier gebeur het nie? Terwyl hulle van die berg afkom, het Jesus hulle beveel: “Wat julle gesien het, moet julle vir niemand vertel voordat die Seun van die mens uit die dood opgewek is nie.” (Mat 17:9)

Een van die mees skouspelagtige wonderwerke wat Jesus gedoen het was die genesing van die doofstom man.  Die man het nie net sy gehoor ontvang nie, maar God het sy spraak in een oomblik herstel.  Al sou iemand se gehoor hertel, sou dit ‘n spraak terapeut maande neem om die persoon te help om te kan korrek praat.  Sy ore het dadelik oopgegaan, die belemmering van sy spraak het verdwyn, en hy het reg gepraat. Jesus het die mense belet om dit vir iemand anders te vertel, maar hoe meer Hy hulle belet het, hoe meer het hulle dit verkondig. (Mark 7:36)

Baie mense het gewonder oor Jesus, maar die duiwels het presies geweet wie Hy was. Is daar nie ‘n groter bewys van Sy bediening en egtheid as dat die duiwels Hom herken nie? Maar Jesus het hom skerp aangespreek: “Bly stil en gaan uit hom uit.”  (Mark 1:25)

Jesus het die blinde man aan die hand gevat en hom uit die dorp uit gelei. Die genesing in die geheim verrig, en toe boonop vir hom belet om dit vir iemand anders te vertel.  (Mark 8:26, 30)

Die egtheid van die evangelie skrywers se getuienis, is die nuttelose inligting wat nie weggelaat is nie. Die feit dat Jesus vir hulle opdrag gee om vir die kind iets te ete te gee, het geen doel nie. Tog maak dit die stories, eg en geloofwaardig.  Weereens ‘n perfekte geleentheid om mense te oortuig. Jesus maak nie gebruik om met grootheidswaan, mense te beïndruk nie.  Haar ouers was stom van verbasing, en Jesus het hulle verbied om vir iemand te vertel wat gebeur het.  (Luke 8:56)

Die klimaks van Jesus se populariteit is toe Hy die skare kos gee. Toe die mense die wonderteken sien wat Jesus gedoen het, het hulle gesê: “Hy is werklik die Profeet, die Een wat na die wêreld toe moes kom.” Toe Jesus merk dat hulle Hom met geweld wil kom koning maak, het Hy verder die berg op gegaan, Hy alleen.(John 6:14-15)

Weereens vlug Jesus van die aanstelling van mense, die aanbidding van mense.  HY wil ons bewus maak dat daar iets dieper is as genesing, wonderwerke, en voedselvoorsiening.  Al hierdie dinge is tydelik, maar daar is meer wat god ons wil gee. Hierdie tekens en wonders is presies dit, tekens. Dit is soos padwysers, rigtingewers na ‘n groter realiteit. Wonderwerke is inderdaad belangrik. Die boodskap wat ek verkondig, het julle oortuig, nie deur geleerdheid en welsprekendheid nie, maar deur die kragtige werking van die Gees. Dus is julle geloof nie op die wysheid van mense gegrond nie, maar op die krag van God.(1 Cor 2:4-5) 

Wat is die groter realiteit wat Jesus wou hê hulle moes raaksien? Jesus antwoord hulle: “Dít verseker Ek julle: Julle soek My, nie omdat julle die wondertekens gesien het nie, maar omdat julle van die brood geëet en versadig geword het. Julle moet nie werk vir die voedsel wat vergaan nie, maar vir die voedsel wat nie vergaan nie en wat ewige lewe gee. Dit sal die Seun van die mens vir julle gee, want God die Vader het Hom die mag daartoe verleen.” Hulle vra Hom toe: “Wat moet ons doen om te doen wat God van ons verlang?” En Jesus antwoord hulle: “Wat God van julle verlang, is dat julle moet glo in Hom wat Hy gestuur het.” (Joh 6:26-29)  Jesus is die geskenk van genesing, nie die genesing op sig self nie. As ek dus Jesus ontvang is ek gesond, want ek het die Geneesheer ontvang! want dit is Ek, die Here, wat julle gesond hou (Exo 15:26). 

Die genesing wat Christus in ons wil werk is ook meer as net die fisiese genesing. Hy wil ons hele menswees genees. Hy wil God se skeppingsdoel vir ons, in ons restoureer.  “Dié wat Hy lank tevore verkies het, het Hy ook bestem om gelykvormig te wees aan die beeld van sy Seun”(Rom 8:29) In al hierdie verhale waar Jesus mense vermaan het om nie oor te vertel nie, was mens verbaas, verstom en beïndruk met Jesus. Daar is egter 2 verhale waar Jesus beïndruk was. Die genesing van die offisier se slaaf (Mat 8:5-13; Luk. 7:1-10; Joh. 4:43-54). Hierdie man het ook genesing kom soek by Jesus, maar hy het Jesus gesien. Hy noem Jesus Here. Hy sien Jesus is ‘n man van gesag soos hy. Daarom vra Jesus om net ‘n woord te spreek. Jesus se reaksie is: Jesus was verwonderd toe Hy dit hoor, en Hy sê vir die mense wat agter Hom aan gekom het: “Dit verseker Ek julle: Ek het nog by niemand in Israel so ‘n groot geloof teëgekom nie. Ek sê vir julle: Baie sal van die ooste en die weste af kom en saam met Abraham, Isak en Jakob aan tafel gaan in die koninkryk van die hemel. Maar mense vir wie die koninkryk bedoel is, sal in die diepste duisternis daarbuite gegooi word, waar hulle sal huil en op hulle tande sal kners.” (Mat 8”10-12) Lees hierdie vers deeglik deur. Jesus maak ‘n geskiedkundige, waterskeiding, omkeer verklaring! “Baie sal van die ooste en die weste af kom en saam met Abraham, Isak en Jakob aan tafel gaan in die koninkryk van die hemel” Van wie praat Jesus hier? Van diegene, wat Hom sien, waarlik sien! Mense van elke volk en nasie en taal wat Jesus sien vir wie Hy werklik is, nie hom nie net sien as ‘n ‘argetipe’ onpersoonlike masjien wat mense gesond maak nie.  Die ander verhaal is van die Kanaänitiese vrou. Wie Jesus eers nie wou help nie.  “Mevrou,” sê Jesus vir haar, “jou geloof is groot. Jou wens word vervul.” Van daardie oomblik af was die dogter gesond” (Mat 15:28). Sy het nie Jesus se weiering aanvaar nie, en aanhou glo.  

Ons sien dat Jesus ook graag wou hê Sy dissipels moes Hom regtig sien, Hom verstaan. Is dit nie die soeke van enige leermeester, leier, of voorganger nie? Sommige is daar net vir die aansien, die geld, die roem, die posisie.  Jesus wou uiteindelik hê dat hulle moes doen wat Hy doen. Hulle moes net soos Hy in die geloof wonderwerke verrig. (Luk 10:19; Mat 10:8) 

Daar is drie wonderwerke waar Jesus Sy frustrasie met die dissipels wys, dat hulle nog nie sien nie. 

  1. Jesus maak die storm stil. “Waarom is julle bang? Het julle dan nie geloof nie?”(Mark 4:40) 
  2. Die vermeerdering van die brood. “Gee julle vir hulle iets om te eet.”(Mark 6:37) 
  3. Petrus is die eerste dissipel wat iets begin sien. Toe sê Petrus vir Hom: “Here, as dit regtig U is, beveel my om op die water na U toe te kom.” “Kom!” sê Hy.(Mat 14:28-29) Tog begin hy vinnig twyfel toe hy na die branders kyk. Dadelik het Jesus sy hand uitgesteek, hom gegryp en vir hom gesê: “Kleingelowige, waarom het jy begin twyfel?” (Mat 14:31) 

“The purpose of Jesus is not only to save men from their sins, but by the grace of God to begin in the souls of men that marvelous development in the nature and mind and understanding of God our Father, until by the grace of God we are able to take our place and our part in the kingdom of Jesus Christ and bear our share of responsibility.” 

― John G. Lake,

Ons is dus die mees gesondste mense wanneer ons reg glo. 

“enigiets wat ‘n mens nie uit geloofsoortuiging doen nie, is sonde.” (Rom 14:23) As ‘n mens nie glo nie, is dit onmoontlik om te doen wat God wil. Wie tot God nader, moet glo dat Hy bestaan en dat Hy dié wat Hom soek, beloon. (Heb 11:6) Hoeveel van ons besluite, keuses, gewoontes, is gegrondves in ‘n geloofsoortuiging? Hoe ons die wêreld sien, wat ons koop? Hoekom ons koop? Waar ons bly, en werk is alles gegrondves in wat ons glo oor onsself, God en die toekoms.  

Jesus het mens geword, fisies gedemonstreer wat Hy gepreek het, en uiteindelik gesterwe vir ons sonde, om ons met God te versoen, opgestaan uit die dood, opgevaar en gaan sit aan die regterhand van God, en toe die Heilige Gees gestuur om in ons te regeer! Waarvoor wag ons? Wat op aarde moet God nog doen? Hy het alles volbring sodat ons deur Hom, dit is deur Sy bekragtiging Christus te leef in elke plek waar Hy ons roep! 

As ons dus reg sien! Werklik sien! Sien wat Hy gedoen het! Wie Hy is! As ons dit daadwerklik, met oortuiging glo, sien ons die wêreld skielik in ‘n hele ander lig. Terwyl ons aanhou om presies te doen wat HY ons beveel om dit te doen, verander die lewe heeltemal vir ons. Ons sal ‘n heeltemal ander perspektief hê en ‘n nuwe houding teenoor die lewe, dinge en mense hê! Ons is gesond, na liggaam, siel en gees. 

Jesus genees die hele mens.  

John G. Lake het geglo dat Jesus se genesingswerk drieledig is: Hy bevry ons van boosheid, sodat ons geestelik gesond, en vol kan wees van die Heilige Gees. Ons kommunikeer en beleef verbondenheid met God deur ons gees. Tweedens, genees die Here ons siel, ons konneksie met mense. Omdat ons vrede met God gemaak het, genees die Here ons siel. Ons siel is hoe ons verbind is met die mensdom om ons.  Sielsus en vrede met self en die mense om my, is genesing! 

Jesus was altyd bekommerd oor die hele mens en nie net die simptome van siekte nie.  Hy het dikwels eers die geestelike aspekte hanteer.  Sy gesprek met die Samaritaanse vrou by die put het gefokus op die basiese konflikte in haar persoonlikheid.  Vir Jesus is gesondheid meer as net die afwesigheid van fisiese en geestelike siektes – dit gaan oor die hele mens. 

God wil ons genees, maar meer nog: Hy wil ons moet ander genees! “En by die stroom sal aan altwee kante allerhande bome groei om van te eet, waarvan die blare nie sal verdor en die vrugte nie sal opraak nie; elke maand sal hulle nuwe vrugte dra; want die waters waar hulle aan staan—uit die heiligdom stroom hulle; en hulle vrugte sal wees om te eet en hulle blare om te genees. (Eze 47:12) 

Die Here sal hom bystaan in sy siekte. As hy siek is, sal U hom genees.(Ps 41:4) 

Jesus Genees op verskillende maniere 

God nie net besorg oor die genesing van ons liggame nie. Hy wil ook hê dat ons ’n sekere lewenswyse aanleer.  Jy self is verantwoordelike vir jou gesondheid, en moet in die geloof handel, na noukeurige ondersoek. Van die 35 wondertekens wat Jesus gedoen het, was 26 genesings.  In 6 gevalle is bose geeste uitgedryf.  

  1. Bely julle sonde: (James 5:16)
  2. Ouderlinge salf met olie: (James 5:14-15)
  3. Dokters: Geneeshere is vir die siekes (Mat 9:12; Mark 2:17; Luk 5:31) Daar word na Lukas verwys as die “geliefde geneesheer” (Col 4:14)
  4. Mediese versorging, die barmhartige samaritaan verbind die man, en salf sy wonde. (Lukas 10:33–34)
  5. Alternatiewe geneeskunde: Gebruik bietjie wyn vir die ontsteldheid met die maag. (1 Tim 5:23) 
  6. Ons teenwoordigheid bring genesing: Die blare van die boom is tot genesing van die nasies’ (Openbaring 22:2; Ps 1:2-3; Eze 47:12; Jer 17:8)
  7. Die Woord van God genees. (Luk 4:4)
  8. Toe Jesus hulle geloof sien: (Mar 2:5; Mat 9:29)
  9. Vergifnis: (Mat 18:34-35)
  10. Vereenselwig deur die Nagmaal met Sy lyding:  (1 Cor 11:28–30)
  11. Lofprysing: “Loof die Here, o my siel, en alles wat binne-in my is, sy heilige Naam! Loof die Here, o my siel, en vergeet geeneen van sy weldade nie! Wat al jou ongeregtigheid vergewe, wat al jou krankhede genees”. (Psalm 103:1–3)
  12. Lappies en doeke wat gesalf is: (Acts 19:11-12)
  13. Hande Oplegging: (Mar 6:5, 13; 16:15, 17–18)
  14. Duiwels uitgedryf: (Mar 9:14-29; Matt. 17:14-20; Luk. 9:37-43)
  15. dien die Here en vermy wat sleg is: dit is die geneesmiddel vir jou, die verkwikking vir jou liggaam. (Prov 3:8) 

Die slotsom is: Christus is gesondheid. Wanneer ons die meeste soos Jesus is, is ons die mees gesondste mense op die planeet! 

Dit is ook moontlik om ‘n gesonde lewe te lei: Wanneer al my verhoudings met God, self, mense en die natuur gesond en heilsaam is. Ek gereeld oefen, slaap, en ‘n gebalanseerde gesonde dieet volg. Werk kan genesend, en stimulerend van aard wees. My denke is soos ‘n tuin, wat ek plant, bepaal hoe ek dink, en hoe ek lewe. Om vir ander te gee, te help en te dien is genesend.  Om soos ‘n kind te wees, en sommer net lekker gesonde pret te hê is ‘n wonderkuur! Jesus as die geneesheer is dus meer as goddelike genesing. Alhoewel daar wel voorbeelde is van bonatuurlike goddelike genesing, genees die Here ons op soveel manier! Deur gasvry te wees, en vir mense lekker kos te maak is genesend! Deur ‘n vredemaker te wees, en versoening te bewerk tussen mense bring genesing. 

Categories
Jesus die beste lewe

Die Bonatuurlike Jesus

Jesus was volkome mens, maar Sy lewe was ook bonatuurlik: Sy geboorte deur ʼn maagd (Luk 1:34, 35; Jes 7:13-16; Matt 1:22-23), al Sy wondertekens en kragtige dade (Matt 11:20; 13:54; Mark 6:2), en Sy opstanding (Matt 16:21; 17:9, 23; Matt 20:19; 26:32; Mark 14:28; Luk 9:22; 14:14; Joh 2:19-22; 5:21; 6:39-40; 11:1-44; 14:20; 21:14).

Volgens die ‘Synoptic Gospel’, is daar 83680 direkte woorde van Jesus opgeteken, waarvan 31426 oorspronklik is, en nie herhalings is nie. ‘n Mens praat gemiddeld 125 – 150 woorde per minuut. Teen 130 woorde per minuut kan Jesus se Woorde in net so onder die 4 ure gelees word. Dus het Jesus nie so baie gesê nie.  Jesus se Woorde wil geleef word. Dis nie kennis nie, dis kennis met wysheid en waarheid gemeng. Derduisende boeke en kommentare is al geskryf oor Jesus se woorde. Maar dit baat mens niks as jy nie Sy woorde begin leef nie.  Die krag van Jesus se Woorde was Sy demonstrasie daarvan.

Hoe sou die kerk vandag daar uitgesien het as ons nooit die bonatuurlike demonstrasie van die krag van God beperk en verloor het nie? Veronderstel iemand wat nog nooit in ʼnkerk was nie kom tot bekering en bestudeer dan die Evangelies saam met Handelinge? Sênou ons stuur dan die persoon in vandag se kerke in –sou ons kerke vandag vir hom dieselfde boodskap kan demonstreer? Sou die persoon beleef hy stap in die bladsye van die Skrif in terwyl hy in ons midde verkeer?

Indien jou soeke is om meer soos Jesus te leef, kan jy nie Sy bonatuurlike bediening ignoreer nie. Dit staan sentraal tot wie Hy op aarde was. Ons verkies egter altyd die dele van Jesus se lewe waarvan ons hou en wat ons dalk self kan regkry! Ons vermy die onmoontlik-vir-self aspekte! Dit is juis hierdie dele van Sy lewe wat deur die eeue die meeste kontroversie veroorsaak het. Sommige vervals die bonatuurlike en gebruik dit, soos die geldwisselaars, om mense te trek en meer geld te maak. Die verdraaiing, vervalsing en uit verband trek van die bonatuurlike is waarom sommige kerke en gelowiges dit eerder vermy.

The secret is, there is no formula, no mathematical progression, no tradition that can reproduce the supernatural all the time. We have to get it by faith from the spiritual realm according to the plan and purposes of God the Father and of our Lord Jesus Christ, communicated to us through the blessed Holy Spirit.

Dis die vyand se eeue oue strategie om ons weg te draai van God se voorsiening. Omdat ons dan uitgehonger raak vir Sy volheid, soek ons versadiging op ander plekke en op ander maniere. So is seksuele intimiteit ʼnwonderlike, vervullende voorsiening vir ʼnman en vrou in die huwelik. Deur satan se verdraaiing, besoedeling en onbehoorlike gebruik van God se voorsiening, draai ons teen hierdie voorsiening, ons verwerp dit, ons raak onkundig en onbeholpe, en veroorsaak nog meer skade. Goddelike, vaderlike, heilige leierskap is ʼnwonderlike voorsiening vir die mensdom, maar die korrupsie van vals leiers bring verskrikking en verwoesting. Beplanning, administrasie en harde werk is ʼnwesenlike deel van God se voorsiening, maar ons verdraai dit in absolute beheer en slawerny.

Ons het veral nodig dat Christus weer die plek en verstaan van die bonatuurlike goddelike element van die evangelie in ons harte sal benadruk, ons sal reformeer en geloof in ons harte sal bewerk omdat Hy graag met ons wil saamwerk.

We are all immersed in a vast sea of unseen forces. Can you see radio waves? Or, for example, the magnetic fields by which the stars keep their ancient places? All around us, even going through our very bodies, are powerful emissions which we can detect only by instruments. Some radiation could destroy us before we ever felt it. Human perceptions are very limited. Even your cat can hear what you can’t. A snake can sight its prey in the pitch darkness. The first words Jesus said to His disciples were “Come and see!” (John 1:39). He came to make us see, and see in the dark. The great theme in John’s Gospel is “inner sight”, seeing more than meets the eye. Spiritual reality belongs to a different order. Physical eyes can’t discern the spiritual. John mentions that some witnessed Christ’s miracles and made nothing of them. The visible displays invisible – “the heaven’s declare the glory of God”, but not to those without faith. Another thing is that at present the world lies in wickedness and spiritual darkness. The unseen is doubly unseen. Faith in God is like a lamp, which is of no use in daylight. The only chance faith will ever get is now, in a world of darkness, sin and trouble. It can’t operate in heaven where the Lamb is the light. “Now we see through a glass, darkly, but then face to face, (but) now remains faith” (1 Corinthians 13:12,13). God bless you. REINHARD BONNKE

JESUS SE LEWE WAS BEWESE BONATUURLIK!

Genesings, wonderwerke en bevryding van die bose was deurentyd deel van Sy bediening!

Hy het toe in die hele Galilea rondgegaan en die mense in hulle sinagoges geleer, die evangelie van die koninkryk verkondig en elke soort siekte en kwaal onder die volk gesond gemaak. En berigte oor Hom het deur die hele provinsie Sirië versprei. Die mense het toe die siekes met allerhande kwale en pyne, dié wat in die mag van bose geeste was, geestelik versteurdes en verlamdes na Hom toe gebring, en Hy het hulle gesond gemaak. Groot menigtes uit Galilea, Dekapolis, Jerusalem, Judea en van oorkant die Jordaan af het Hom gevolg (Matt 4:23-25; Luk 6:17-19).

Toe dit aand geword het en die son al onder was, het die mense al die siekes en dié wat in die mag van bose geeste was, na Hom toe gebring. Die hele dorp het by die deur van die huis saamgedrom. Hy het baie siekes wat allerhande kwale gehad het, gesond gemaak en baie bose geeste uitgedrywe. Hy het die bose geeste nie toegelaat om te praat nie, omdat hulle geweet het wie Hy is. Die môre vroeg, toe dit nog nag was, het Hy opgestaan en buitentoe gegaan na ‘n eensame plek en daar gebid. Simon en dié wat by hom was, het Hom egter gesoek, en toe hulle Hom kry, sê hulle vir Hom: “Almal soek U.” Maar Hy antwoord hulle: “Laat ons êrens anders heen gaan, na die nabygeleë dorpies toe, sodat Ek daar ook kan preek, want daarvoor het Ek gekom.” Hy het toe gegaan en dwarsdeur Galilea in hulle sinagoges gepreek en bose geeste uitgedrywe(Mark 1:32-39; Matt 8:16-17; 4:23; Luk 4:40-44).

Met sononder het almal hulle siekes, wat aan allerhande kwale gely het, na Hom toe gebring. Hy het hulle een vir een die hande opgelê en hulle gesond gemaak. Ook bose geeste het uit baie uitgegaan terwyl hulle skreeu: “U is die Seun van God!” En Jesus het hulle skerp aangespreek en hulle nie toegelaat om sulke dinge te sê nie, omdat hulle geweet het dat Hy die Christus is (Luk 4:40-41).

. . . met betrekking tot Jesus van Násaret, hoe God Hom gesalf het met die Heilige Gees en met krag. Hy het die land deurgegaan, goed gedoen en almal genees wat onder die mag van die duiwel was, omdat God met Hom was (Hand 10:38).

Jesus het al die dorpe en klein plekkies besoek. Hy het die mense in hulle sinagoges geleer, die evangelie van die koninkryk verkondig en elke soort siekte en kwaal gesond gemaak. Toe Hy die menigtes sien, het Hy hulle innig jammer gekry, want hulle was moeg en hulpeloos soos skape wat nie ‘n wagter het nie. Hy sê toe vir sy dissipels: “Die oes is groot, maar die arbeiders min. Bid dan die Here aan wie die oes behoort, om arbeiders uit te stuur vir sy oes”(Matt 9:35-38).

Hulle het toe vertrek en van die een dorp na die ander gegaan om oral die evangelie te verkondig en siekes gesond te maak (Luk 9:6).

Aangesien Ek dus deur die vinger van God bose geeste uitdryf, het die koninkryk van God inderdaad tot by julle gekom(Luk 11:20).

SY DISSIPELS IS BEVEEL OM DIESELFDE TE DOEN:

Gaan verkondig: “Die koninkryk van die hemel het naby gekom.” Maak siekes gesond, wek dooies op, reinig melaatses en dryf bose geeste uit. Julle het dit verniet ontvang, gee dit ook verniet (Matt 10:7-8).

DIE BOODSKAP MOET MET DEMONSTRASIE GEPAARD GAAN:

Die boodskap wat ek verkondig, het julle oortuig, nie deur geleerdheid en welsprekendheid nie, maar deur die kragtige werking van die Gees. Dus is julle geloof nie op die wysheid van mense gegrond nie, maar op die krag van God (1 Kor 2:4-5).

Mense plaas hulle geloof in metodes, resepte, tegnieke, mense, godsdiens en eiegeregtigheid eerder as om hulle hoop volkome en alleenlik in Christus te plaas! HY soek ons hart, nie ons godsdiens-speletjies nie! Sommige predikers gebruik aanhalings van bekendes, slim stories met power point-voorstellings, maar dit het geen mag en vermoë om mense, vasgevang in sonde, vry te maak nie! Jou prediking moet gepaardgaan met ʼnbewese demonstrasie en aktivering van geloof in mense se harte. Die boodskap wat ek verkondig, het julle oortuig, nie deur geleerdheid en welsprekendheid nie, maar deur die kragtige werking van die Gees. Dus is julle geloof nie op die wysheid van mense gegrond nie, maar op die krag van God (1 Kor 2:4-5). Die koninkryk van God is immers nie ʼnsaak van praatjies nie, maar van krag(1 Kor 4:20).

Inligting verander nie mense se gedrag nie. Dit kos ʼnradikale ingryping van verlies, siekte enʼnkonfrontasie met Waarheid. Mag die Heilige Gees Jesus in ons midde openbaar en ons lei na die Vader. Beide die prediking van die Woord en die demonstrasie van die Gees is noodsaaklik. Die een kan nie sonder die ander nie. Die Woord bied die grondmateriaal en die Gees bied die lewe.

Die Woord sonder die Gees is dood (2 Kor 3:6). Maar die Gees sonder die Woord, lei tot wanorde en selfgerigtheid (1 Kor 14).

Ek sal dit nie waag om oor iets anders te praat as oor wat Christus deur my tot stand gebring het om heidennasies aan God gehoorsaam te maak nie. Dit het Hy deur my gedoen met woord en daad, deur kragtige tekens en wonders, in die krag van die Gees van God(Rom 15:18-19).

Want die evangelie wat ons aan julle verkondig het, het nie bloot met woorde tot julle gekom nie, maar ook met krag en deur die Heilige Gees en met volle oortuiging. Julle weet trouens hoe ons by julle opgetree het, en dít om julle ontwil. En julle het ons voorbeeld gevolg en volgelinge van die Here geword. In baie moeilike omstandighede het julle die woord aangeneem met ʼnblydskap wat van die Heilige Gees kom (1 Tess 1:5).

Hierdie saligheid is immers deur die Here verkondig, deur wie dit sy oorsprong het, en is aan ons bevestig deur dié wat dit gehoor het. Daarby het God ook saam getuig deur tekens en wonders en ook deur allerhande kragtige dade en gawes van die Heilige Gees, soos Hy dit toebedeel het volgens sy wil (Heb 2:3-4).

God bevestig nie die persoon nie, Hy bevestig Sy Woord. Die woord van ons getuienis (Op 12:10).

Die verkondiging van die evangelie van verlossing wek geloof vir mense om gered te word. Op dieselfde manier wek ons getuienisse van genesing, geloof in mense vir hulle eie genesing en bevryding.

DIE HERE WERK SAAM MET ONS

Hulle het toe die evangelie oral gaan verkondig, en die Here het met hulle saamgewerk en hulle prediking bekragtig deur die wondertekens wat daarop gevolg het(Mark 16:20).

“En nou, Here, kyk hoe dreig hulle ons. Gee dat u dienaars met volle vrymoedigheid u woord sal verkondig. Laat u hand genesing bring, en laat daar tekens en wonders plaasvind deur die Naam van u heilige Dienaar, Jesus.” Nadat hulle gebid het, het die plek waar hulle bymekaar was, geskud. Hulle is almal met die Heilige Gees vervul en het met vrymoedigheid die woord van God verkondig(Hand 4:29-31).

Daarby het God ook saam getuig deur tekens en wonders en ook deur allerhande kragtige dade en gawes van die Heilige Gees, soos Hy dit toebedeel het volgens sy wil(Heb 2:4).

DIE KRAG VAN JESUS WORD OP VYF MANIERE GEDEMONSTREER:

  • Die krag van Sy woord. Hulle was verbaas oor sy leer, want Hy het met gesag gepraat (Matt 7:28, 29; Matt 7:28; 13:54; 19:25; 22:33; Mark 1:22; 6:2; 7:37; 10:26; 11:18; Luk 2:48; 4:32; 9:43). “Verslae”; “verslae”; “baie verslae”; “verslae”; “verslae”; “verslae”; “uitermate verslae”; “uitermate verslae”; “verslae”; “verslae”; “verslae”; “verslae”; “verslae” (OAV). Verslaentheid is sonder uitsondering die reaksie. Die woord eksplessomaibeteken: “Ek is verstom/oorbluf, verbysterd” (Souter). “Verwonderd . . . oorweldig (lett. uit jou verstand uitgeslaan)” (Arndt en Gingrich).
  • Die krag van Sy belofte. Die transformerende krag van Jesus om ons nuwe mense te maak. Jesus verander water in wyn. Dit wat jare neem om te verouder en kwaliteit aan te neem, doen die Here in ʼnsekonde toe hulle Hom gehoorsaam (Joh 2).
  • Die krag van Sy aanraking. Toe steek Jesus sy hand uit, raak hom aan en sê: “Ek wil. Word gesond!” En sy melaatsheid was onmiddellik weg(Matt 8:3). En die hele skare het probeer om Hom aan te raak, omdat krag van Hom uitgegaan het, en Hy het almal gesond gemaak(Luk 6:19). Jesus het ook self onmiddellik geweet dat daar van Hom krag uitgegaan het. Hy het Hom in die gedrang omgedraai en gevra: “Wie het aan my klere geraak?” (Mark 5:30).
  • Die krag van Sy vergifnis. Jesus vergewe die vrou wat in die daad van egbreek gevang is (Joh 8:10,11). Toe Jesus die geloof van die mense sien wat die verlamde man deur die dakteëls laat sak sê Hy: “Mens, jou sondes is jou vergewe”(Luk 5:20). Die vrou wat ʼnsondige lewe gelei het, kom breek duur albaste fles met olie op sy voete (Luk 7:36-50). Jesus sê: “Jou sonde is vergewe!”(v. 48)
  • Die krag van Sy voorsiening. Vermeerdering van die brode: Met vyf brode en twee vissies voed Hy 5 000 mans en 12 mandjies bly oor (Mark 6:35-44). Met sewe brode voed Hy 4 000 mense en daar was sewe mandjies oor (Mark 8:1-10). Jesus betaal Sy en Petrus se tempelbelasting deur ʼnmuntstuk gevind in ʼnbek van ʼnvis (Matt 17:26-27).

WAT ONTSLUIT DIE BONATUURLIKE WERKING VAN DIE GEES?

Deernis (compassion):

The Bible says, “And when Jesus went out He saw a great multitude; and He was moved with compassion for them, and healed their sick” (Matt 14: 14). Notice that the miracle of healing was a by-product of compassion. This is the Greek word splagchnizomai, which means to be “moved in one’s bowels” or “seat of love”. Compassion is the divine ability to empathize with the pain and suffering of others. Jesus always walked in compassion.

Hy het hulle innig jammer gekry en die siekes onder hulle gesond gemaak (Matt 14:14).

Geloof:

Die volgende wondertekens sal voorkom by dié wat glo: in my Naam sal hulle bose geeste uitdrywe; in ander tale sal hulle praat; met hulle hande sal hulle slange optel, en as hulle iets drink wat dodelik giftig is, sal dit hulle geen kwaad doen nie; hulle sal siekes die hande oplê, en dié sal gesond word (Mark 16:17).

These signs will follow those WHO BELIEVE (Mark 16:17)

Nabyheid (proximity):

Nabyheid, gebed, gehoorsaamheid, samehorigheid, eenheid. Bly in my (Joh 15). Allerhande wonderwerke het gebeur deur die handelinge van die apostels, omdat daar eenheid was (Hand 1:14; 2:1; 46; 4:24, 32; 5:12; 8:6; 15:25).

And the power of the Lord was [present]with Him to heal them (Luk 5:17).

Jesus Genees op verskillende maniere:

God nie net besorg oor die genesing van ons liggame nie. Hy wil ook hê dat ons ’n sekere lewenswyse aanleer.  Jy self is verantwoordelike vir jou gesondheid, en moet in die geloof handel, na noukeurige ondersoek.

  • Bely julle sonde: James 5:16
  • Ouderlinge salf met olie: James 5:14-15
  • Dokters: Geneeshere is vir die siekes Mat 9:12; Mark 2:17; Luk 5:31. Daar word na Lukas verwys as die “geliefde geneesheer” Col 4:14.
  • Mediese versorging, die barmhartige samaritaan verbind die man, en salf sy wonde. Lukas 10:33–34.
  • Alternatiewe geneeskunde: Gebruik bietjie wyn vir die ontsteldheid met die maag. 1 Timotheus 5:23
  • Ons teenwoordigheid bring genesing: Die blare van die boom is tot genesing van die nasies’ (Openbaring 22:2; Ps 1:2-3; Eze47:12; Jer 17:8.
  • Die Woord van God genees. Luk 4:4
  • Toe Jesus hulle geloof sien: Mar 2:5; Mat 9:29
  • Vergifnis: Mat 18:34-35
  • Vereenselwig deur die Nagmaal met Sy lyding:  1 Korintiërs 11:28–30
  • Lofprysing: “Loof die Here, o my siel, en alles wat binne-in my is, sy heilige Naam! Loof die Here, o my siel, en vergeet geeneen van sy weldade nie! Wat al jou ongeregtigheid vergewe, wat al jou krankhede genees”. Psalm 103:1–3
  • Lappies wat gesalf is: Acts 19:11-12
  • Hande Oplegging: Markus 6:5, 13; 16:15, 17–18.
  • Duiwels uitgedryf: Mar 9:14-29; Matt. 17:14-20; Luk. 9:37-43

OUR PRAYER: 

God, grant us the humility to contain a greater measure of Your glory. The fearless radical faith to pursue the full promise and reality of your Kingdom. Let our hearts be pure, and our lives blameless. Glorify Yourself through and in us, so that people may believe Your Word is true and that the message of the Kingdom/cross really works and is reliable to trust and follow as the only way to live life.

May our lives inspire and encourage co-pilgrims to continue in the Way. May our lives be a sign, an evidence, and a proof of the power of Your grace, the completeness of your deliverance, and the  depth of your love. Grant us the power and the means of grace to become more like Jesus, in thought, speech, actions, values and habits so that whether consciously or not we may reveal Christ to the world. Inhabit our bodies, our minds, our dreams, our lives with your holy presence. Let us execute your will in everything we do.

Lead us into a deeper and more directed prayer life. Our strength and purpose is seeing your joy. Your joy, pleasure and approval is our purpose. Lead us to the place where obedience is rewarded with friendship, your instructions becomes our purpose, and you finish your will in us. Make us ever more sensitive, responsive, leaning towards your voice, concerning everything. Keep us in this place of total surrender.

Purify us, oh God, of any double standards, compromise and duality. Make us steadfast in the knowledge of your abiding righteousness. Lead us into longer periods of fasting, separation, fleeing the things of the world. Let us live settled in the rhythms of your grace and sufficient provision.  Lord, our heart cries out to You for help! We need You! This region needs You! Manifest the fullness of Christ in us, the hope of Glory.