Citrusdal | Clanwilliam | Graafwater | Kompas Gemeente Vredendal | Somerset-Wes

Categories
Preke

GEBED wat God se hart ONTSLUIT

Een van die primêre voordele van kindskap is; jy kan jou ouers enigiets vra. Alhoewel hulle nie altyd in staat is om jou te help nie, voel jy vrymoedig om hulle enigiets te vra. Niemand staan en pleit by die vrugtebak: “ag mamma, kan ek asseblief tog ‘n vrug kry nie!!?” ‘n mens kan baie vinnig van ‘n persoon se gebed aflei, of die betrokke persoon die geskenk van kindskap en aanvaarding in Christus Jesus alreeds ontvang het, of nog soos ‘n weeskind pleit en smeek, en van buite roep om in te kom. Toe Jesus hierdie volgende beloftes van gebedsverhoring maak, bied Hy baie meer as net antwoord op ons versoeke. Hy bied kindskap! Hy bied ons deelname in die huisgesin van God, om met vrymoedigheid deel te neem, en as God se kinders Sy wil uit te voer. Daarom bid Paulus dat die God van ons Here Jesus Christus, die Vader aan wie die heerlikheid behoort, deur sy Gees aan julle wysheid gee en Hom so aan julle openbaar dat julle Hom werklik kan ken. Ek bid dat Hy julle geestesoë so verhelder dat julle kan weet watter hoop sy roeping inhou, en watter rykdom daar is in die heerlike erfenis wat Hy vir die gelowiges bestem het. (Eph 1:17-18) Mag die Here werklik hierdie geskenk van kindskap in jou hart vir jou oopmaak, en grondves, want dit sal jou hele ingesteldheid teenoor gebed verander! Ons bid nie soos weeskinders nie! Ons vra soos kinders.

Kinders ken die wil van hulle Vader

Ons weet dat God nie na sondaars luister nie; maar as iemand vir Hom ontsag het en doen wat Hy wil hê, luister God na hom. (John 9:31) As iemand hom doof hou vir die wet van die Here, sal die Here ‘n afsku hê van so ‘n man se gebed. (Prov 28:9)En nou kan ons met vrymoedigheid na God gaan, omdat Hy ons gebede verhoor as ons enigiets volgens sy wil vra. (1 John 5:14)Wat julle ook al in my Naam vra, sal Ek doen, sodat die Vader deur die Seun verheerlik kan word. As julle My iets in my Naam vra, sal Ek dit doen.” (Joh 14:13-14)“Ek sê vir julle: Vra, en vir julle sal gegee word. Soek, en julle sal kry. Klop, en vir julle sal oopgemaak word. Elkeen wat vra, ontvang, en elkeen wat soek, kry; en vir elkeen wat klop, sal oopgemaak word. Is daar ‘n pa onder julle wat as sy seun vir hom ‘n vis vra, vir hom ‘n slang sal gee in plaas van die vis? Of as hy ‘n eier vra, vir hom ‘n skerpioen sal gee? As julle wat sleg is, dan weet om vir julle kinders goeie dinge te gee – die Vader in die hemel nog baie meer! Hy sal die Heilige Gees gee vir dié wat vra.” (Luk 11:9-13)As julle in My bly en my woorde in julle, vra dan net wat julle wil hê, en julle sal dit kry. My Vader word juis daardeur verheerlik dat julle baie vrugte dra en my dissipels is.” (Joh 15:7-9)Dit is baie duidelik in elkeen van hierdie pragtige skrif verse van God se belofte van gebedsverhoring is daar ‘n voorwaarde betrokke. Ons moet Sy wil ken en leef. Wanneer ons Sy wil leef, kan ons met baie meer vrymoedigheid vra. Dit werk tog so in enige huis. Wanneer die gesinslede die hart van hulle pa ken, hoef hulle nie te smeek nie. In die Bybel was beroepe, ‘n gesinsbesigheid. As die ouers byvoorbeeld wewers was, dan het almal saam gewerk en hulle deel gedoen in die produksie lyn, om die beste kledingstukke te maak. Vandag nog is die familiebesigheid die sterkste ekonomiese eenheid. Jesus nooi ons om deel te word van Sy gesinsbesigheid, die Koninkryk van GOD! Wanneer ons Sy koninkryk verstaan, kan ons met vrymoedigheid vra! Ons vra nie meer ons eie selfsugtige behoeftes en begeertes nie. Ons bid vir die uitbreiding van Sy koningheerskappy in elke mense se hart.

Geloof

As julle glo, sal julle alles ontvang wat julle in die gebed vra.” (Mat 21:22)Daarom sê Ek vir julle: Alles wat julle in die gebed vra, glo dat julle dit al ontvang het, en dit sal vir julle so wees. (Mar 11:24) Toe sê die Here: “Hoor wat sê die onregverdige regter. Sal God dan nie aan sy uitverkorenes, wat dag en nag tot Hom roep, reg doen nie? Sal Hy hulle lank laat wag? Ek sê vir julle: Hy sal hulle help, en gou ook! “Maar sal die Seun van die mens by sy koms nog geloof op die aarde vind?” (Luk 18:6-8) Net geloof kan God behaag (Heb 11:6) wat nie uit geloof is nie, is sonde (Rom 14:23). Geloof is gereedheid om te doen. Geloof staan nie passief, en dink vir God werk uit nie. Geloof verstaan alreeds wat God wil doen, en soos ‘n atleet wag ons net vir die wegstrekskoot! Geloofsgebed is praklamasie gebede: Vra vir die Here reën in die tyd wanneer die laat reëns moet kom (Zech 10:1) Elia hoor by die Here wat God wil doen, en spreek ‘n proklamasie gebed soos ‘n ambassadeur die Koning se dekreet uitbasuin. 1 Kings 17:1 & 1 Kings 18:1. Jesus bid so ‘n tipe gebed toe hy Lazarus uit die dood uit opwek! “Vader, Ek dank U dat U My verhoor het. Ek weet dat U My altyd verhoor, maar Ek sê dit ter wille van die mense wat hier rondom staan, sodat hulle kan glo dat U My gestuur het.” (Joh 11:41-42)

Vergifnis

“En wanneer julle staan om te bid, en julle het iets teen iemand, vergewe hom; dan sal julle Vader wat in die hemel is, julle ook julle oortredings vergewe.” (Mar 11:25)Mans, julle moet verstandig met julle vrouens saamleef. Bewys eer aan hulle as die swakker geslag wat saam met julle deel in die lewe as genadegawe. Dan sal julle kan bid sonder dat iets julle hinder. (1 Pet 3:7) Die enkel grootste hindernis tot gebedverhoring is onvergifnis! Enige tipe bitterheid, onvergenoegdheid, ongelukkigheid, hardheid, teenoor enige persoon, blokkeer die vloei van God se genade in jou lewe! Ons word daagliks seergemaak, deur misverstande, valse afleidings, wanopvattings, miskommunikasie en gevolglike gevoelens van verwydering en skeiding. Soos Jesus moet ons leer om vir ons vyande in te tree. (Luk 23:34) julle moet bid vir dié wat vir julle vervolg, sodat julle kinders kan wees van julle Vader in die hemel. (Mat 5:44-45)

Bid in die Gees.

Daar is baie verwarring oor wat presies bid in die Gees is.Maar julle, geliefdes, moet julleself opbou in jul allerheiligste geloof en in die Heilige Gees bid (Judas 1:20) Want as ek in ’n taal bid, dan bid my gees, maar my verstand is onvrugbaar. Hoe staan die saak dan? Ek sal met die gees bid, maar ek sal ook met die verstand bid. Ek sal met die gees psalmsing, maar ek sal ook met die verstand psalmsing. (1 Cor 14:14-15) En net so kom ook die Gees ons swakhede te hulp, want ons weet nie reg wat ons moet bid nie, maar die Gees self tree vir ons in met onuitspreeklike sugtinge. En Hy wat die harte deursoek, weet wat die bedoeling van die Gees is, omdat Hy ooreenkomstig die wil van God vir die heiliges intree. (Rom 8:26-27) Alhoewel laasgenoemde vers verwys na die versugting van die Heilige Gees wat vir ons intree, verstaan geesvervulde gelowiges wel iets daarvan, want die Gees woon immers mos nou in jou, en daar is dikwels geen onderskeid tussen wat jou gees wil en wat die Heilige Gees wil nie. Daarom ervaar ons dikwels ’n onuitspreeklike versugting in ons Gees wat lei na tye van diep gebed. Die wonder van hierdie taal wat God jou nou gegee het is, dat jy nou kan bid terwyl jy bestuur, skottelgoed was, stryk, en werk. Om so saggies in tale te bid, is ’n kragtige en positiewe ervaring vir elke gelowige omdat jy jouself stig. Veral as ons nie weet wat om te bid met ons verstand nie, bid ons in tale.Iemand wat in Christus gewederbaar en nuut gemaak is, het die Heilige Gees ontvang en strome van lewende water sal uit sy binneste uitvloei. (Joh 7:38-39) By bekering word die fontein van lewende water in jou gees geaktiveer, jy hoor God se stem, en jy begin die skrifte te verstaan. Met die doping in die Heilige Gees word ons bekragtig om dit wat ons ontvang het te deel met ander, hetsy strome. Vandag herdenk ons Pinksterdag, waar die Heilige Gees uitgestort is, en die Here 120 mense bekragtig het om soos Jesus kragtige getuies te wees van God se naby koninkryk!!

Categories
Preke

Hoe om God se stem te hoor Deel 1

“WIE ORE HET EN KAN HOOR,

 MOET LUISTER!”

 In Lukas 8:4-15 (Mat 13 en Mark 4) vertel Jesus die gelykenis van die saaier asook die uitleg daarvan. Hierdie gelykenis is ‘n sleutel tot al die ander geheimenisse van God se Koninkryk.

Ons leer hieruit die belangrikheid van “luister”. Om te kan luister is ‘n baie belangrike vorm van geestelike dissipline en noodsaaklik vir ons om as geestelike mense te kan funksioneer. Dit is nie moeilik nie, want die oomblik wanneer ons moeite doen, sál ons hoor. Die geheim is egter om reg te hoor en nie te hoor wat ons dink ons wil hoor nie. Daarom sê die Here in Jes 6:9: “Julle sal hoor en hoor en tog sal julle niks verstaan nie,….” Hierdie skrif beskryf die realiteit van “being disconnected” Ek het my konneksie met my maat verloor wanneer ek hoor, maar nie hoor nie, sien maar eintlik nie sien nie.  Mag die Here ons konneksie met Hom en met mekaar herstel, sodat ons werklik mekaar kan begin hoor en sien.

Verder lees ons in Mat 13:16: “….julle oë is bevoorreg dat hulle sien, en julle ore dat hulle hoor.” Om hoegenaamd geestelik te kan hoor (God se stem te hoor) is ‘n geskenk van God……’n Godgegewe gawe! Die begin van jou geestelike bestaan, is om te hoor. Om te hoor is die proses van redding deur die gehoor: Luk 8:11: “Die saad is die woord van God…” en die bekende teksvers Rom 10:9-12 sê: “As jy met jou mond bely dat Jesus die Here is, en met jou hart glo dat God Hom uit die dood opgewek het, sal jy gered word.” Van die oomblik wanneer ons “gehoor” het, raak ons hoorders – as ons dus nie hoor nie, het ons nie geloof nie en as ons nie geloof het nie, kan ons nie vrugte voortbring nie.

Ons gehoor word verhinder deur

drie tipe obstruksies wat ons mee moet

 deel, om reg te kan hoor.

1)    Dit word dan ook die eerste obstruksie van hoor: Luk 8:12 “…maar dan kom die duiwel en neem dit uit hulle harte weg sodat hulle nie tot geloof kom en gered word nie.” Die satan kom belemmer ons hoor sodat hy die saad van hoor sommer reg in die begin kan steel. Hy wil die Woord steel, want hy weet ook God se Woord is saad en dit genereer groot, sterk bome “….soos ‘n boom wat by waterstrome geplant is, wat op die regte tyd vrugte dra en waarvan die blare nie verdroog nie. Hy is voorspoedig in alles wat hy aanpak” (Ps 1:3). Satan wil die volheid wat uit die saad moet kom met alle geweld keer! Koester die éérste saad, die saad van lewe. Leer om fyn te luister, want God praat met ‘n stil stem en gee in die begin klein opdragte – as ons nie leer om moeite te doen met die klein “hoor” nie, sal ons nie die groot “hoor” kan doen nie. Wees wakker vir satan se versoekings en vleeslike moegheid.

2)    Luk 8:13 sê: “….die woord met blydskap aanneem wanneer hulle dit hoor, maar dit skiet nie wortel nie. Hulle geloof hou net ‘n tydjie…” Wat ons hoor moet met geloof gemeng word, anders geld dieselfde vir ons waarvan Heb 4:2 praat: “…maar hoewel hulle die prediking gehoor het, het dit hulle niks gebaat nie, omdat hulle nie geglo het wat hulle gehoor het nie.” En omdat ons weet dat geloof ‘n aksie is, moet ons reageer op dit wat ons hoor in geloof.  Ons kan nie net hoorders wees en nie doeners nie! Jak 4:22 “Julle moet doen wat die woord sê en dit nie net aanhoor nie, anders bedrieg julle julleself.”  Die Woord van God wil gelééf word – dit is wanneer dit krag het! Ons moet begin deur die Woord in ons binnekant te hoor en dit te doen. God het reeds die woord in ons geplant: Jak 1:21 “….en ootmoedig die woord aanneem wat God in julle geplant het, want dié woord kan julle red.”  En net soos ons God is, Hy plant die saad, maar sit ook genade en die lus en wil  daarby om dit uit te voer! Die grootste fout wat ons egter maak is dat ons nie die Woord uitloop nie! Gal 6:9 sê: “Laat ons dan nie moeg word om goed te doen nie, want as ons nie verslap nie, sal ons op die bestemde tyd ook die oes insamel.” Penetrate the truth of the Word beyond the suffering! Die tiende-beginsel is ‘n voorbeeld hiervan: géé, al sien jy nie vrug op jou saad nie! Ons moet dus volhard in geloof soos die geloofshelde gedoen het waarvan Heb 11 praat, want “As ‘n mens nie glo nie, is dit onmoontlik om te doen wat God wil. Wie tot God nader (moeite doen om Hom te hoor), moet glo dat Hy bestaan en dat Hy dié wat Hom soek, beloon.” (Heb 11:6). God se Woord is nie kitskoffie nie – dit is om konstant in die aroma en geur (koninkryk) van God te leef. Dit is ‘n lewensstyl. Wanneer ander met ons te doen kry, moet hulle die koninkryk van God (lieflike geur) beleef!

3)    Luk 8:14 sê: “…dui op dié wat die woord hoor, maar deur die sorge van die lewe word dit gaandeweg verstik, en dit skiet nie saad nie.” Baie keer kan die einste dinge / seëninge waarvoor ons gevra het, die bekommernisse word wat ons weghou van die Here. Die genietinge van die lewe lei ons aandag af en blokkeer die hoor van God se woord.

Akkurate gehoor ontstaan vanuit ʼn

gesonde rein hart!

Die groot geheimenis van hierdie gelykenis word in Luk 8:15 geopenbaar: “Die deel wat in goeie grond val, dui op dié wat die woord met ‘n goeie en opregte hart hoor en dit bewaar en deur volharding vrug dra.” (Amp – “But as for that [seed] in the good soil, these are [the people] who, hearing the Word, hold it fast in a just (noble, virtuous) and worthy heart, and steadily bring forth fruit with patience.)

Die Here is agter ons harte aan. Daar is ‘n groot verskil om net met ons ore te luister en om met ons harte te luister.  Wanneer ons harte enigsins besoedel is, kan ons nie met ons ore hoor nie. Ons ore is verbind met ons harte en wanneer ons harte kwaadwilligheid, afguns, bitterheid, vertwyfeling, angs, bekommernisse, verwerping en onvergenoegdheid huisves, besoedel dit ons harte en belemmer dit ons gehoor sodat ons nie kan hoor nie. Wanneer ons dus ook emosioneel nie op ‘n goeie plek is nie, gaan ons nie kan hoor nie. Ons moet te alle tye ons harte beskerm en reg hou, want dit gaan beïnvloed hoe ons hoor. “Pas dus op hoe julle luister, want wie het, vir hom sal daar nog meer gegee word, maar wie nie het nie, van hom sal ook wat hy dink dat hy het, weggevat word.” (Luk 8:18).

Hoe ons hoor, gaan bepaal wat die oes of vrug op ons lewens gaan wees. Wanneer ons harte reg is, kan saad inval en ‘n honderdvoudige oes oplewer.  Die dinge wat dan uit daardie oes groei, is werke van die lig. Ons kan duidelik uit mense se lewens aflei of hulle goeie luisteraars is – hulle dra vrug en is besig met dade en aksies wat getuig van mense wat by die Here was. Dink byvoorbeeld aan Henry Zackson ʼn boer van Zimbabwe se getuienis…

Jesus sê: “My moeder en my broers is dié wat na die Woord van God luister en daarvolgens handel.” (Luk 8:21). Ons is Jesus se familie wanneer ons hoor en doen.

The Gospel is simple… it takes simple people to do the things God order to do…..

We now have way too much knowledge to ever apply in one lifetime.

Luister is ʼn kuns wat ons moet leer ontwikkel. Hier is ʼn paar praktiese beginsels om jou te help om ʼn beter luisteraar te word.

First key to listening – become an empty canvas, so that the other person can draw in your space and you can hear the other persons heart. Hearing implies that we become silent. Stop being busy with “self” and hear!!! Die grootste en algemeenste argumente in verhoudings is: “jy hoor my nie!” Een van die grootste behoeftes van die mens is om gehoor te word, geken te word en te ken. Ons sal dit eers regkry wanneer ons leer om God se hart te hoor en te ken – to experience first hand knowledge from and of Him.

Second key to listening – The direction of our hearts. Ons moet ons harte oefen, sodat ons reg kan hoor. Wanneer twee harte op mekaar gefokus is, hoor hulle mekaar akkuraat. In akoestiek is dit bewys: sound is all about direction and focus. Hoe ons mekaar hoor, dui op die rigting van ons harte. Die rigting waarin jou hart gefokus is, is die rigting waarin jy sal hoor. As ek dus my hart na God rig – as ek Hom wíl hoor, sál ek Hom hoor.

Third key in listening – Deal with the  distractions, noise, alienation of the mind.  Practically make time, sit still, find a private place, silence your soul.  Make an appointment/time to speak to someone, engage, look at one another, penetrate beyond the chit-chat, and go deeper.

Die praktiese applikasie vir ons gemeente is:

Baie keer het iemand net ‘n vriend nodig wat sal luister… Hoe gaan ons ‘n mensdom aanraak, as ons nog nie eers die hoor-beginsel (wat blyk uit die gelykenis van die saaier essensieel is) baasraak nie? Daarom is dit nodig om mense in die liggaam te hê wat dieper luister, wat gefokus is op ander mense se harte, want dit is ‘n groot sleutel tot dissipelskap.

Omdat God se Woord reeds in en deur die Gees aan ons die sleutel van “hoor” bekend maak, hoef ons net stil te word, ons harte na God te rig, te luister en deur die geloof tot aksie oor te gaan! Hierin vertrou ons die Here vir ‘n nuwe kapasiteit om te hoor en akkuraat met opregte harte te hoor!

Uiteindelik gaan dit in hierdie gelykenis oor gehoor, en luister met jou hart.  ʼn Hart wat bereid is om te doen en te gehoorsaam.

 

Amen!