Search

Citrusdal | Clanwilliam | Graafwater | Kompas Gemeente Vredendal | Somerset-Wes

Category: Preke

Categories
Preke

Verstaan God se Oordele

Plaasmoorde is nie net moorde nie, maar GRUWELDADE van onmenslike wreedheid. Geld geoormerk vir COVID 19, verlore deur KORRUPSIE! Man los vrou en kinders vir ‘n ander vrou! Mense sê mekaar sleg op sosiale media sonder grense!  Wat word van ons wêreld? Is dit die begin van die einde? Waar is God se OORDEEL? Waar is die REGSPRAAK? 

Die mens leef vandag asof daar nie ‘n oordeel is nie!! 

“Omdat die minagting van die wet van God sal toeneem, sal die liefde by baie verkoel.“ (Mat 24:12)

Sonder REGTE oordeel, raak ‘n samelewing oorgegee aan anargie en wetteloosheid. Sonder oordeel het mens nie rigting nie. Sonder oordeel is daar nie meer ‘n standaard om na te strewe nie. “EVERYTHING GOES”.  Alles is aanvaarbaar! Daar is nie meer reg en verkeerd nie.  

DIT IS ‘N VERSKRIKLIKE GROOT MISLEIDING! 

Die voedsel wat ons eet, moet dan voldoen aan sekere veiligheid standaarde! 

Niemand wil in ‘n vliegtuig vlieg, as die vlieënier nie die standaard geslaag het nie, wat nog te sê geopereer word deur ‘n dokter wat nie die kursus voltooi het nie?  Die waarheid is, ons soek standaarde vir veilige gesonde lewe, ons kan nie daarsonder nie! Selfs afrigting impliseer gereelde beoordeling, om dan sekere regstellings te maak, deur oefening te verbeter, om sodoende die hoogste eer te bekom! 

Die moderne mens wil net nie meer hê dat die standaarde op hom of haarself van toepassing is nie! 

Dr Henry Cloud maak ‘n pragtige appél in sy boek: “Changes That Heal” – Four practical steps to a healthier you. In Hoofstuk 1 as ‘n fondasie. Jesus is GENADE en WAARHEID (Joh 1:14). Hy is die LEEU en die LAM!

Ons het beide Waarheid en Genade nodig om te groei in volwassenheid in Christus.  Waarheid wys die STANDAARD, en Genade bied die goddelike VERMOË om REG te lewe. 

WAARHEID impliseer oordeel, want waarheid is ‘n toets. Waarheid is onaanvegbaar. Waarheid bring dit wat nie waar is nie aan die lig.  

VERSTAAN GOD SE OORDEEL 

Dawid voel veilig in God se oordele, insettinge, en verordeninge.

Dawid het homself getroos toe Hy God se oordele van ouds onthou. (Ps 119:52) 

” want al sy verordeninge was voor my, en sy insettinge het ek nie van my verwyder nie.”  (Ps 18:23) 

“Die bevele van die HERE is reg: hulle verbly die hart; die gebod van die HERE is suiwer: dit verlig die oë.” (Ps 19:9) 

“…u oordele is ’n groot watervloed. HERE, U behou mense en diere!” (Ps 36:7). Die langste Psalm in die Bybel handel juis oor Dawid wat die Here loof vir Sy oordele! 

(Psalms 119:7, 13, 20, 30, 39, 52, 62, 66, 75, 102, 106, 108, 137, 156, 160, 164, 175)

Jesus preek gereeld oor oordeel: 

  • Die gelykenis van die ryk dwaas (Luke 12:16–21)
  • Die twee fondamente (Matthew 7:24–7; Luke 6:46–49)
  • Die gelyknis van die Saaier (Matthew 13:3–9; Mark 4:3–9; Luke 8:5–8)
  • Die gelykenis van die onkruid tussen die koring (Matthew 13:24–30)
  • Die onvrugbare vyeboom (Luke 13:6–9)
  • Die treknet (Matthew 13:47 –50)
  • Die eise van dissipelskap (Luke 14:28–33)
  • Die plig om te vergewe (Matt 18:23-35)
  • Die verlore seun (Luke 15)
  • Die ryk man en Lasarus (Lk 16:19-31)
  • Die gelykenis van die boere en die wingerd (Mat 21:33-41)
  • Die gelykenis van die bruilof (Matt 22:1-14; Lk 14:15-24)
  • Die vyf dwase en die vuf wyse maagde (Mat 25:1-13)
  • Die skape en die bokke (Mat 25:31-46)

Troos Vir Slagoffers

Misdadigers gaan nie straf vryspring nie!! Hierin is daar ‘n reuse troos!! 
“Maar ellende wag vir die mens wat die oorsaak daarvan is.” (Luk 17:1-2) 

“Moenie self wraak neem nie, geliefdes, maar laat dit oor aan die oordeel van God. Daar staan immers geskrywe: “Dit is mý reg om te straf; Ék sal vergeld,” sê die Here.” (Rom 12:19) 

Ons gaan elkeen moet rekenskap gee

“Maar Ek sê vir julle dat van elke ydele woord wat die mense praat, daarvan moet hulle rekenskap gee in die oordeelsdag.” (Mat 12:36 

“Want die Seun van die mens staan gereed om met sy engele in die heerlikheid van sy Vader te kom, en dan sal Hy elkeen vergeld volgens sy dade.” (Mat 16:27)

“En daar is geen skepsel onsigbaar voor Hom nie, maar alles is oop en bloot voor die oë van Hom met wie ons te doen het.”(Heb 4:13)

“Hulle sal rekenskap gee aan Hom wat gereed staan om die lewende en die dode te oordeel. Want daarom is ook aan die dode die evangelie verkondig, sodat hulle wel geoordeel kan word na die mens in die vlees, maar lewe na God in die gees. En die einde van alle dinge is naby; wees dan ingetoë en nugter, om te kan bid. Maar bo alles moet julle mekaar vurig liefhê, want die liefde sal ’n menigte sondes bedek.” (1 Pet 4:5)

“Alles wat in die geheim gedoen is sal openbaar word.” (Mar 4:22)

Daar wag ook ‘n beloning

Jesus het nie net oor die oordeel gepraat wat kom nie, maar ook oor die beloning wat wag vir die wat reg geleef het: 

  • Siele en dissipels wat gewen is – Kroon van Blydskap (1 Thes 2:19).
  • Heilige en toegewyde lewe – Kroon van geregtigheid (2 Tim 4:8).
  • Versoeking weerstaan – Kroon vd. Lewe (Jak 1:12; Open 2:10).
  • Goeie Herders – Kroon van heerlikheid (1 Pet 5:4).
  • Dissipline en volharding – Onverwelklike kroon (1 Kor 9:25).
  • Vervolging weerstaan – Groot beloning (Mat 5:12; Luk 6:23).
  • Gee sonder om gesien te word -Groot beloning (Mat 6:2).
  • Vas en bid in die geheim – Sal openlik beloon word (Mat 6:6; 18).
  • Ontvang gestuurde volgens sy gawe – Sal spesifieke gawe ontvang (Mat 10:41).
  • Goeie werke – Beloon volgens elkeen se werke (Rev  22:12; Mat 16:27; 1 Cor 3:8).
  • Vyande liefhê, teenoorgestelde gees – Groot beloning (Luk 6:35).
  • Op die regte fondament gebou – Sal beloon word (1 Kor 3:14).
  • Lewe in die geloof in Christus -Vryheid (Kol 2:18).
  • Dien die Here – Erfdeel saam met Christus (Kol 3:24).
  • Vaste vertroue – Groot loon (Heb 10:35).
  • Volharding – Volle loon (2 Joh 1:8). 

Die woord oordeel het iets uit te make met krisis. ‘n Krisis is dikwels ‘n toets van ons geloof, en dit wat in ons is. Die meeste leerlinge hou nie van eksamen nie, maar as jy goed voorberei het hoef jy nie te vrees nie. Dit is tog wonderlik om te sien hoe jy gevaar het op die einde! 

Die Groot wit Troon Oordeel (Bema verhoog) Toekomstige Oordeel

Die woord Bema wat in die NT Grieks gebruik word verwys na die verhoog waarop atlete staan, wanneer hulle in hulle sport gewen het. Dit impliseer dat die beoordelaars streng elke atleet se optrede ontleed het om te bepaal wie verdien om te wen.  

Lees Open. 20:11-15 

“…want daar staan geskrywe: “So seker as Ek lewe, sê die Here, voor My sal elke knie buig, en elke tong sal bely dat Ek God is.” Elkeen van ons sal dus oor homself aan God rekenskap moet gee.” (Rom 14:11-12) 

“Maar, of ons hier woon of daar woon, ons het net een wens, en dit is om te lewe soos Hy dit wil. Ons moet immers almal voor die regterstoel van Christus verskyn, sodat elkeen kan ontvang volgens wat hy tydens sy aardse lewe gedoen het, of dit nou goed was of kwaad.” (2 Kor 5:9-10) 

“‘n Atleet wat aan ‘n wedstryd deelneem, kan die prys wen slegs as hy volgens die reëls meeding.” (2 Tim 2:5) 

“Weet julle nie dat atlete wat aan ‘n wedloop deelneem, wel almal hardloop, maar dat net een die prys ontvang nie? Hardloop dan só dat julle die prys kan wen. Almal wat aan ‘n wedstryd deelneem, ontsê hulleself allerlei dinge. Hulle doen dit om ‘n verganklike oorwinnaarskroon te verkry, maar ons ‘n onverganklike. Ek hardloop dan ook soos een wat nie van sy doel onseker is nie; ek slaan soos ‘n bokser wat nie in die lug slaan nie. Maar ek oefen my liggaam en bring dit onder beheer, sodat ek nie ander tot die stryd oproep en self nie kwalifiseer nie.” (1 Kor 9:24-27) 

Hel is ‘n realiteit – 2 Pet 2:4; Mat 22:13; 25:30 

Geen oordeel IN Christus – bekeer julle 

Jesus gebruik nie die slegte goed wat met mense gebeur om daardeur te wys dat sekere mense oordeel verdien nie. Almal het gesondig en ontbreek aan die heerlikheid van die Here (Rom 3:23). Rampe, wreedheid van mense gebeur al vir duisende jare. Nou ervaar ons hierdie tye soos ‘n vrou in haar baringstyd wanneer daar korter kontraksies op mekaar is!

NOGTANS bekeer jou! As jy nou vandag tot sterwe kom, is jou saak reg met die Here? (Luk 13:1-5) 

“God het nie sy Seun na die wêreld toe gestuur om die wêreld te veroordeel nie, maar sodat die wêreld deur Hom gered kan word. Wie in Hom glo, word nie veroordeel nie; wie nie glo nie, is reeds veroordeel omdat hy nie in die enigste Seun van God glo nie. En so kom die skeiding: die lig het na die wêreld toe gekom, en tog het die mense eerder die duisternis as die lig liefgehad, want hulle dade was sleg.” (Joh 3:16-19) 

Geen oordeel IN Christus Jesus nie. 

“Daar is dus nou geen veroordeling vir dié wat in Christus Jesus is nie.” (Rom 8:1) Sommige manuskripte voeg by: … “vir dié wat nie volgens die sondige natuur lewe nie, maar volgens die Gees. Dit impliseer dus net diegene wat Sy geregtigheid as geskenk en genade ontvang het, en IN Hom krag ontvang het (Phil 4:13) heers in dié lewe oor sonde en ongeregtigheid. (2 Kor 5:21; Rom 5:17) 

Christus het ons oordeel op die kruis gedra en die volle prys vir ons dade betaal (Heb 10:10). 

  • Hy het die vloek van ons sonde op Hom geneem (Gal 3:13).
  • Hy het satan gebind en hom ontklee van sy outoriteit (Col 2:15)

Daarom is ons wat in Christus is, nie bang vir oordeel nie! “Hiérin het die liefde sy doel volkome met ons bereik: ons het niks te vrees vir die oordeelsdag nie, want in hierdie wêreld lewe ons reeds deur die liefde net soos Jesus. (1 John 4:17) 

Teenswoordige Oordeel – Die oordeel van die kerk. 

Die kwessie is nie óf ons moet oordeel nie, maar hoe ons moet oordeel.

  • Moenie die splinter oordeel met ‘n bank in jou eie oog nie. (Mat 7:1-5)
  • In 1 Cor 5:1-13 kla Paulus die kerk aan omdat hulle nie die sonde in hulle midde verwyder en beoordeel het nie. Hy maak dit dan ook duidelik dat ons nie die mense buite die huisgesin van God oordeel nie, maar wel die familie is. 

Daar is ‘n verskil tussen oordeel en beoordeel.  Om iemand te oordeel sonder dat jy al die feite het, betrokke is in die saak, en eerstehands getuienis het is soos om jouself regter oor ʼn saak te maak en die saak het nooit voorgekom nie. JY kan nie iemand beoordeel as jy nie kontak maak, en die sonde/fout/misleiding konfronteer nie.

Die Bybel is baie duidelik dat ons mense wat hulle skuldig maak aan die volgende oortredings uit ons gemeenskap moet verwyder; hulle soos heidene moet behandel, nie met hulle moet kuier of eet nie: 

  • hoereerders
  • gierigaards 
  • rowers 
  • afgodedienaars. 1 Cor 5:11-13:
  • tweedrag en aanstoot veroorsaak teen die leer wat julle geleer het, Rom 16:17:
  • ‘n man wat partyskap verwek, Tit 3:10-11:
  • wat onordelik wandel en nie volgens die oorlewering wat hy van ons ontvang het nie. 2 Thess 3:6:
  • iemand aan ons woord in hierdie brief nie gehoorsaam is nie, 2 Thes 3:14-15:
  • As iemand iets anders leer en nie instem met die gesonde woorde van onse Here Jesus Christus en met die leer wat volgens die godsaligheid is nie, 1 Tim 6:3-5: 3
  • wat tugteloos is
  • wat onsin praat 
  • verleiers is – Tit 1:10-11.

Die kerk se straf en oordeel is die van ʼn mens en tydelik.  Soos bv:

  • Oordeel die sonde 1 Kor 5:1-13
  • Restoreer die sondaar 2 Kor 2:3-11  

Uiteindelik oordeel ons eie dade ons daagliks. Ongehoorsaamheid aan God se voorskrifte veroorsaak dat die aarde uitroep met onuitspreeklike sugtinge. Die aarde en die ekologie rebelleer en ly as gevolg van ons selfsug. Ons self ly ook! Hoe wonderlik sal die wereld nie wees as alle mense IN Christus leef, en Sy waardes, denke, gewoontes, en gesindheid handhaaf nie?

Categories
Preke

Oorwin irrasionele Vrees

Podgooi
https://www.buzzsprout.com/155409/6050371-veg-en-oorwin-irrasionele-vrees.mp3?blob_id=25059187&download=true

Hoofteks (Luk 18:1-8) 

Van tyd tot tyd beleef ons almal irrasionele verlammende vrees en angs.  Ons weet hoe dit voel as jou maag in ‘n knoop draai, en hoendervleis op jou lyf uitslaan, as gevolg van iets wat jy gelees het, of gehoor het. Vrees is natuurlik en gesond, en verskerp ons sintuie en spiere om of te vlug of om te baklei want daar is gevaar.  Satan se moedertaal is leuens, en hy verstaan dat vrees net soos geloof werk. Geloof kom, soos ‘n saad. Geloof kom deur gehoor, of iets wat jy sien, of ‘n getuienis. Vrees kom ook deur ‘n storie, slegte nuus, of iets wat jy sien of hoor. Deesdae is sosiale media vol van misleiding en fobnuus. Satan gebruik dit om ons te ontstel, en te verlam met vrees. Daar is sekerlik tye waar ons werklik in ‘n situasie kom, waar vrees regverdig is. Self dan het ons nodig om te glo, en in die geloof op te staan en die gevaar, tyding, krisis te ontbeer! 

Jesus vra die vraag: “maar as die Seun van die mens kom, sal Hy wel die geloof op die aarde vind?” (Luk 18:8) 

Die gelykenis begin met ‘n verduidelik en motief: “dat ’n mens gedurig moet bid en nie moedeloos word nie.” (2 Cor. 4:1, 16; Gal. 6:9; Eph. 3:13; 2 Thess. 3:13) Geloof is altyd in opstand teen die status-quo! Geloof is ‘n weerstand beweging! Geloof sien ‘n hemelse werklikheid, en fokus nie op die sienlike tydelike dinge nie. (2 Cor 4:18) Soos Stephanus vol van die Heilige Gees, die steniging ontbeer, met sy oë gevestig op Jesus. (Acts 7:55) So staan die kinders van God, vol van geloof, in gereedheid om te doen presies net dit wat Hy van ons vra.  

Die regter in hierdie storie is waarskynlik ‘n romeinse regter, wat geensins empatie of begrip het met die nood en leed van ‘n Joodse weduwee nie.  Haar versoek is nie dat haar teëparty gestraf moet word nie, maar wel dat sy beskerming ontvang. Wat haar teëparty doen is nie reg nie, en sy verdien beskerming van ‘n hoër gesag.  Haar vasberadenheid was gedetermineerd gefokus soveel so dat die regter verklaar: sodat sy nie eindelik kom en my in die gesig slaan nie. (Luk 18:5) 

Die Crux van die storie is die feit dat haar geloof nie net gebede en verstandelike vertroue was nie. Sy het die regter moeg gemaak, met haar gereelde hof verskynings.  Dit impliseer dat sy tog sekerlik ‘n ‘nee’ antwoord moes ontvang het. Sy het nie toegelaat dat sy laksheid, onvermoë, onreg, verkeerd wees haar onder kry nie. Herhaaldelik, het sy met ‘n nuwe saak gekom, met nuwe getuienis, en ‘n beroep gedoen vir regspraak en beskerming.  

Jesus maak dit ook duidelik dat Die Vader nie soos hierdie regter is nie. (Mat 7:9; Heb 12:9) Dit beteken ons hoef nie so aan te gaan asof die Here nie wil antwoord nie. Elke goeie gawe kom van die Vader. (James 1:17) Daar is wel ‘n geloofstryd aan die gang, om Sy koninkryk en Sy wil hier op aarde te laat geskied. 

sal Hy wel DIÉ geloof op die aarde vind? 

Categories
Preke

Toeskouers vs Daders

Podgooi
https://www.buzzsprout.com/155409/5948647-toeskouer-vs-doeners.mp3?blob_id=24571117&download=true

Die gevaar om die waarheid te ken en dit nie toe te pas nie!

Hoofteks: (James 2:14-26) 

Wat help dit, my broers, as iemand beweer dat hy glo, maar sy dade bevestig dit nie? Kan so ‘n geloof ‘n mens red? Sê nou daar is ‘n broer of ‘n suster wat nie klere het nie en dag vir dag honger ly, en sê nou een van julle sou vir hulle sê: “Mag dit met julle goed gaan; gaan trek julle warm aan en eet genoeg,” maar julle gee nie vir hulle wat hulle nodig het om van te lewe nie, wat help dit dan? So gaan dit ook met die geloof: as dit nie tot dade oorgaan nie, is dit sonder meer dood.

Maar iemand kan miskien sê: “Die een het die geloof en die ander het die dade.” Goed, wys dan vir my jou geloof wat sonder dade is, en ek sal jou my geloof wys uit my dade. Glo jy dat daar net een God is? Dit is reg. Die bose geeste glo dit ook – en hulle sidder van angs. Jou dwaas, wil jy ‘n bewys hê dat geloof sonder dade nutteloos is? Ons voorvader Abraham het sy seun Isak op die altaar gelê. Is dit nie op grond van wat hy gedoen het dat God hom vrygespreek het nie? Jy sien dus dat sy geloof met dade gepaardgegaan het en dat dit eers deur dade volkome geword het. So is die Skrif vervul wat sê: “Abraham het in God geglo, en God het hom vrygespreek,” en hy is ‘n vriend van God genoem. Julle sien dus dat ‘n mens vrygespreek word op grond van sy dade en nie net op grond van sy geloof nie. Is Ragab die prostituut nie ook vrygespreek op grond van wat sy gedoen het toe sy die verkenners weggesteek en hulle met ‘n ander pad laat ontkom het nie? ‘n Liggaam wat nie asemhaal nie, is dood. So is die geloof wat nie tot dade kom nie, ook dood.

Die Bybel is nie ‘n versameling akademiese teoretiese kennis nie. Die Bybel is ‘n versameling geloofstories van mense wat hulle kennis van die waarheid toegepas het.  Daar is ‘n wesenlike verskil tussen “beliefs” geloofsoortuigings en “faith” geloof. Die duiwels glo ook, hulle het dadelik erken dat Jesus Here is. Een van die grootste misleidings van die inligting revolusie is dat ons onmoontlik al die kennis wat ons weet en lees, kan toepas in ‘n leeftyd.  

 Knowledge without experience is useless.                                                              Experience without Knowledge is ignorance. 

“Die slaaf wat geweet het wat sy eienaar wil hê maar wat nie gereed gemaak of volgens die wil van sy eienaar gehandel het nie, sal ‘n swaar straf kry. Maar hy wat nie geweet het nie en dinge gedoen het wat straf verdien, sal ‘n ligte straf kry. Van elkeen aan wie baie gegee is, sal baie geëis word; en van hom aan wie baie toevertrou is, sal meer gevra word.” (Luk 12:47-48) 

Wat help die kennis van gebed, as jy nooit bid nie? 

Wat help aanbiddingsmusiek as jy self nooit die Here aanbid nie? 

Wat help dit dat jy geestelik ontvang maar nooit iemand dissipel of na die Here toe lei nie? 

Wat help Bybelskool as jy nie dit wat jy geleer het toepas en weer ander leer nie? 

Wat help dit dat jy deel is van ‘n gemeente maar nooit ‘n bydrae maak nie? 

Wat help dit dat jy gered en nuutgemaak is, maar nie jou bediening uitleef nie? 

Wat help dit ons bid vir Vrede in SA maar leef nie reg nie? 

Wat help dit dat ons sê ons is Christene maar ons dink, leef en doen nie soos Jesus nie? 

Jesus se vleeswording is net so belangrik as sy kruisdood en opstanding. Deurdat Hy tussen mense geleef en gewerk het vir 30 jaar, wys Hy ons hoe om te leef. Jesus is nie ‘n filosoof wat net mooi idees verkondig het nie. Hy het hierdie idees geleef. Byvoorbeeld: Moenie jou teen ‘n kwaadwillige mens verset nie… julle moet julle vyande liefhê… bid vir die wat julle vervolg…(Mat 5:38-46) is letterlik deur Jesus vervul. 

Geestelike gewig en outoriteit kom nie deur die waarheid te weet nie, dit kom deur die waarheid te doen! Daar is ‘n wesenlike gevaar en misleiding, om die waarheid te ken en dit nie toe te pas nie.  Kennis van die waarheid sonder toepassing, maak ons slim sondaars. 

“Nie elkeen wat vir My sê: ‘Here, Here,’ sal in die koninkryk van die hemel ingaan nie, maar net hy wat die wil doen van my Vader wat in die hemel is.” (Mat 7:21) Hierdie tema van DOEN, was Jesus hoog op Jesus se preek tema lys: 

Die Gelykenis van die Saaier: En wat in die goeie grond val — dit is die wat, nadat hulle gehoor het, die woord in ’n edele en goeie hart hou en met volharding vrug dra. (Luk 8:15) Die gelykenis verduidelik hoe die sorge van die lewe, versoekings, vervolging ons meebring dat ons nie daders is van die Woord nie> 

Bou jou huis op die rots: Elkeen dan wat na hierdie woorde van My luister en dit doen, hom sal Ek vergelyk met ’n verstandige man wat sy huis op die rots gebou het. (Mat 7:24) 

Die profetiese Rede, ewige lewe en ewige straf, die skape en die bokke. (Mat 25:31-46) 

Categories
Preke

‘n Bybelse definisie van die kerk as geestelike ekosisteem

PODGOOI
https://www.buzzsprout.com/155409/5838055-bybelse-definisie-van-die-kerk-as-geestelike-ekosisteem.mp3?blob_id=24041071&download=true

Ons hoor so baie wat verkeerd met die kerk is, maar wat is die onwankelbare realiteit van kerk wat nie geskud kan word nie? (Heb 12:21-29) Die mense verwesenlik organisasies, maar die Here belowe: “op hierdie rots sal ek my kerk bou en die hekke van die hel sal nie daarteen kan stuit nie” (Mat 16:18)  Hierdie rots was nie Petrus nie, maar wel die openbaring wat hy gehad het dat Jesus waarlik die messias is. Sedertdien het miljoene mense al tot die openbaring gekom dat Jesus regtig is wie Hy sê Hy is.  

Die gedeelte in Hebreers is die klimaks van die boek. Die hele boek verduidelik dat ons ‘n beter hoop het waardeur ons nader (Heb 7:19) deur ‘n beter verbond (Heb 7:22) deur ‘n beter hoëpriester en middelaar (Heb 8:1) van meer uitnemender beloftes (Heb 8:6) deur beter offers (Heb 9:23) deur ‘n nuwe en lewende weg (Heb 10:19) en dan die absolute hoogtepunt: Maar julle het gekom!!! Julle het dus nie meer nodig om enige offers te bring nie!!! Julle begin nie buite nie, julle begin binne in Christus! 

Sion, die stad, nuwe Jerusalem, die bruid, engele, feestelike vergadering, geeste van volmaakte regverdiges is alles metafore vir julle is in EDEN! Julle is verenig met die geestelike realiteit van die hemel. Jesus het verklaar; “Die koninkryk “God se realiteit” het nou naby gekom! Julle is dus in Christus, op grond van Sy geregtigheid en genade wat julle nie kon verdien nie, naby gebring, binne-in gebring, in die heerlikheid van die Godheid! 

Hier is ook ‘n finale vyfde waarskuwing: 25Pas op dat julle Hom wat met julle praat, nie ignoreer nie. (Heb 21:25) 

  1. Vandag wanneer julle sy stem hoor, 8moet julle nie julle harte verhard nie (Heb 3:7) 
  2. Sorg daarvoor, broeders, dat daar nie miskien in een van julle ’n bose en ongelowige hart is deurdat hy van die lewende God afvallig word nie. (Heb 3:12)
  3. omdat julle traag geword het om te hoor. (Heb 5:11) 
  4. hoeveel swaarder straf, dink julle, sal hy verdien wat die Seun van God vertrap het en die bloed van die testament waardeur hy geheilig is, onrein geag en die Gees van genade gesmaad het? (Heb 10:29) 

God is ‘n Vader, en enige Vader wil sy kinders onderrig en voorberei om die lewe in oorwinning te leef. Dit impliseer dat Hy ons toets. Uiteindelik is alles wat ons daagliks beleef ‘n toets om te sien of die “container” die gewig van Sy heerlikheid kan dra.  (2 Cor 4:7) Hy wil sonder beperking Sy Gees en volheid deur ons laat werk, soos met Sy dissipels, honger skares, storms op die see, muntstukke in vis se bek, was ‘n toets om hierdie lewe vanuit die HEMELSE REALITEIT IN ONS hart te hanteer! 

In Hom is daar ewige onveranderlike liefde, vrede, heilsaamheid, voorsiening, verbondenheid. In hierdie wêreld is daar tekort, verlies, agteruitgang, verwoesting, teenstand, probleme, verdeeldheid, beperkinge! IN CHRISTUS is ons tot alles in staat! (Phil 4:13) Meer as oorwinnaars, (Rom 8:36) ver bo alles wat ons bid of dink (Eph 3:20) Groter is Hy wat in my is as Hy wat in die wêreld is (1 Joh 4:4) Die vyand kom met die realiteite van hierdie wêreld… het God regtig gesê?? Kinders van God het egter alreeds tot ‘n hemelse realiteit GEKOM!!! 

In hierdie realiteit hou ons alreeds fees! Is ons verenig met alle gelowiges wat geleef het, en nog gaan kom. Ons is vrygemaak van die skaamte, veroordeling en houvas van sonde! Ons kruip nie meer vir God weg nie!! Ons is in Christus Jesus, met God en met die familie van God versoen, saam met die Heilige Engele!! 

God kan nie die volheid van Sy heerlikheid op een slag in ons losmaak nie, ons sou dit nie kon hanteer nie. In ons geloofsreis met die Here, bou Hy ons kapasiteit om vanuit Sy heerlikheid te dink, te praat en te leef!!! MOET NET NIE JOU HART VERHARD NIE, Moenie rebels raak nie! Moenie ongehoorsaam bly nie! Elke keer in elke krisis gaan Hy vir ons ‘n hemelse realiteit uitweg en uitkoms bewerk. Ons moet fyn luister en presies doen wat Hy vra. Hy, al was Hy die Seun, het gehoorsaamheid geleer uit wat Hy gely het; en nadat Hy volmaak is, het Hy vir almal wat Hom gehoorsaam is, ’n bewerker van ewige saligheid geword.  (Heb 5:8) Jesus het net soos ons aardse beperking getrotseer! Tog het Hy gehoorsaamheid geleer uit wat Hy gely het Die hemelse realiteit is onderstebo en anders as die wêreld. Jy leer om te gee as Jy wil hê, om jouself te verloën om te lewe, om te rus as jy voel om te baklei, om te dien as jy voel om te lei, om laaste te gaan staan as jy voel om voor te loop, om te vergewe eerder as om te vergeld! Elke keer wanneer ons hierdie toetse slaag deur Sy genade wat Hy in ons werk, bou ons kapasiteit om meer gewig te dra.  

Behou jou vrede! Moenie reageer in die vlees nie! Uiteindelik bou hy in ons onsigbare hemelse realiteite wat nie geskud kan word deur dié wêreld se verganklikheid en wanorde nie.  Kain het Abel se lewe geneem, omdat Hy nie Sy broer se beskermer wou wees nie. Jesus word die beskermheer van die mensdom om almal se sonde op Homself te neem, en ons te versoen met die Vader en met mekaar.  

Die kerk, bruid, liggaam, heilige priesterdom is dus baie meer as net ‘n denominasie, kerkgenootskap of gebou! Dis baie meer as ‘n samekoms, of die te kort aan saamwees. Ons is in Christus Jesus verenig, verbind, saamgevoeg, ingeënt, gegrondves as lewende stene in Sy gebou! Ons is deel van mekaar, die bekendes en die onbekendes! Die wat ons gereeld mee kuier, en die wat ons een keer per jaar sien, die wat ons vooruitgegaan het, en die wat nog gebore gaan word. Ons is die ewige heilige uitverkorenes van God wat Christus Jesus ontvang het, en elke dag soos drankoffers uitgegiet word tot Sy eer!   

Categories
Preke

Wat verwag God van ONS?

Podgooi
https://www.buzzsprout.com/155409/5546677-wat-verwag-god-van-ons-as-geloofsgemeenskap.mp3?blob_id=22656196&download=true

Soos bome in ‘n woud kompeteer vir die Son, en hulle takke en kroon uitreik na die son, so soek ons die Son, Jesus Christus met genesing in Sy strale! Ons hunkering is na Hom. Hy is die middelpunt van ons bestaan, en uit Hom, deur Hom en in Hom vind ons, ons bestaan! Die gemeenskap van gelowiges wie se bestaan gegrondves is in Christus Jesus ons Here, ondervind ‘n sekere geestelike simbiose: uit wie die hele liggaam — goed saamgevoeg en saamverbind deur die ondersteuning wat elke lid gee volgens die werking van elke afsonderlike deel in sy mate — die groei van die liggaam bevorder vir sy eie opbouing in liefde. (Eph 4:16) Sien ook (1 Cor 12:12-26) Paulus verstaan die werkinge van die kerk soos die werkinge van al die organe, en ledemate in ‘n mens se liggaam. En Hy het alle dinge onder sy voete onderwerp en Hom as Hoof bo alle dinge aan die gemeente gegee,

wat sy liggaam is, die volheid van Hom wat alles in almal vervul. (Eph 1:21-23) 

Die mens het kerk gereduseer tot ‘n organisasie, ‘n denominasie, ‘n kerkraad, ‘n gebou. Die kerk, bruid, tempel, volk, nasie, liggaam van Christus is baie meer kompleks, en funksioneer op soveel veelvoudige vlakke en werkinge die absolute genialiteit van God! Daarom moet Hy die kerk bou. (Mat 16:18) Dieselfde mistieke, misterieuse, bonatuurlike heerlikheid wat in die godheid bestaan, word in Sy liggaam gedemonstreer wanneer ons EEN is met Hom. (Joh 17:21) sien pastor J. John se snaakse refleksie oor die kerk. “Global Interprise” https://www.youtube.com/watch?v=L6TGxKvSqH8

Maar wat is God se plan met Sy liggaam? Wat moet ons vir Hom doen? Hoekom is ons hier? 

GENESING!! 

Die Here wil ‘n kollektiewe genesing van skaal in die wêreld bewerk deur Sy liggaam! Ons sien hierdie beeld baie duidelik wanneer ons die skrifte oor die kinders van God as bome vergelyk.

3Hulle is soos bome

geplant langs ’n rivier,

wat vrugte dra

op die regte tyd.

Hulle blare verwelk nie;

in alles wat hulle doen,

is hulle voorspoedig.[1] Ps 1:2-5 

Maar gelukkig is dié mense

wat op die Here vertrou

en hulle verwagting

in Hom stel.

8Hulle is soos bome

wat langs ’n rivier staan,

hulle wortels reik diep

tot by die water.

Hitte bedreig hulle nie,

hulle blare bly groen.

Lang maande van droogte

pla hulle ook nie,

hulle hou nie op

om vrugte te dra nie.[2] Jer 17:5-8

12Allerhande soorte vrugtebome sal aan weerskante van die rivier groei. Die blare van hierdie bome sal nooit verlep nie en daar sal altyd vrugte aan die takke wees. Daar sal elke maand ’n vrugte-oes wees, want die bome kry hulle water van die rivier wat uit die tempel vloei. Die vrugte sal kos wees en die blare sal genesing bring.”[3] Eze 47:10-12

Hulle sal genoem word:

Bome van Redding,

’n plantasie van die Here

om sy roem te vermeerder.[4] Isaiah 61:1–3,

Herlewing is die belewenis waar mense ontwaak tot die eenheid en eenheid wat in God vir ons opgesluit lê: Sien die wonderlike dinge wat gebeur wanneer ‘n gemeente een is van hart, en sinne: Acts 1:14; Acts 2:1; Acts 2:46; Acts 4:24, 32; Acts 5:12; Acts 8:6; Acts 15:25. Hierdie eenheid kan ons nie bewerk nie, ons word wel dikwels vermaan om hierdie eenheid te handhaaf en te beskerm. (Eph 4:1-50; Phil.1:27; 2:2-3; 5:11,14; Eph.4:3; 1Thes.5:13; 1 Cor 1:10; Eph. 4:13; Col. 3:14) 

Ons is dus saam ‘n habitat, en ‘n ekosisteem van genesing! Dis verstom en verbaas my, hoe die Here elkeen in die liggaam se behoeftes versorg in die liggaam. Ek as die pastor, is nie die enigste oplossing en genesing instrument nie. Elkeen speel ‘n rol in die genesingssiklus. Net soos in ‘n hospitaal, waar daar verskillende mense werk wat direk met die pasiënte werk, maar ook talle in die agtergrond funksioneer; is ons in die liggaam van Christus met mekaar verweef. 

Hierdie eenheid is geestelik: 

dat almal een mag wees net soos U, Vader, in My en Ek in U; dat hulle ook in Ons een mag wees, sodat die wêreld kan glo dat U My gestuur het. (Joh 17:21) Ons eenheid is ons Bruto Binnelandse Produk! In hierdie wêreld van wanorde, verdeeltheid, selfsug, eie-geregtigheid is die ware eenheid van die kerk ‘n rariteit!  
Ons is interafhanklik van mekaar

En as een lid ly, ly al die lede saam; en as een lid geëer word, is al die lede saam bly. (1 Cor 12:26) 

Gelyke sorg

sodat daar geen verdeeldheid in die liggaam mag wees nie, maar dat die lede gelyke sorg vir mekaar mag dra. (1 Cor 12:25) 

ondersteuning wat elke lid gee

ondersteuning wat elke lid gee volgens die werking van elke afsonderlike deel in sy mate — die groei van die liggaam bevorder vir sy eie opbouing in liefde. (Eph 4:16) 

Nie gebonde tot ‘n fisiese plek

Want al is ek ook na die vlees afwesig, tog is ek by julle in die gees, en ek verbly my om julle goeie orde te sien en die vastigheid van julle geloof in Christus. (Col 2:5) 

Voorwerpe vir besonder gebruik en ander vir alledaagse

In ‘n groot huis is daar nie alleen voorwerpe van goud en silwer nie, maar ook van hout en klei. Sommige is vir besondere gebruik en ander vir die alledaagse. As iemand hom van die kwaad gereinig het, sal hy ‘n voorwerp vir besondere gebruik wees. Dan sal hy vir die eienaar afgesonder en bruikbaar wees, voorberei vir enige goeie diens. (2 Tim 2:20) 

Jou Lyding te wille van die liggaam. 

NOU verbly ek my in my lyding vir julle en vul in my vlees aan die oorblyfsels van die verdrukking van Christus vir sy liggaam, wat die gemeente is; (Col 1:24) 

HOU JOU TUIN SKOON

Elkeen het dus ‘n verantwoordelikheid om nie net te funksioneer in die roeping waaroor God jou aangestel het nie. Bo alles moet ons soos ‘n boom, onsself beskerm teen parasiete, swamme, en investering van die bose.  

Bewaak jou hart meer as alles wat bewaar moet word, want daaruit is die oorspronge van die lewe. Verwyder van jou die valsheid van mond, en hou ver van jou af die verkeerdheid van lippe. Laat jou oë reguit kyk en jou ooglede hulle reg voor jou uit hou. Maak die pad van jou voet gelyk, en laat al jou weë vas wees, wyk nie regs of links af nie, hou jou voet ver van boosheid.  (Prov 4:23-27) 

Leer om bevryding op jouself te doen.  Indien jy ‘n verkeerde gesindheid, verontregting, onvergenoegdheid in jouself gewaar; bely en laat die Heilige Gees jou was en lei in waarheid.  Moet nie mense bespreek nie, bid vir hulle. Moenie probleme bespreek nie, wees die oplossing! Moenie op ‘n distansie oordeel nie, konfronteer die valsheid direk met die persoon.  Moenie aanstoot neem nie, vermaan die oortreder in liefde. Moenie kritiseer nie, leef in verbondenheid met Christus! 

[1] Die Bybel, Nuwe Lewende Vertaling, (Vereeniging, Suid Afrika: Christelike Uitgewersmaatskappy, 2006), Ps 1:3.

[2] Die Bybel, Nuwe Lewende Vertaling, (Vereeniging, Suid Afrika: Christelike Uitgewersmaatskappy, 2006), Je 17:7–8.

[3] Die Bybel, Nuwe Lewende Vertaling, (Vereeniging, Suid Afrika: Christelike Uitgewersmaatskappy, 2006), Eze 47:12.

[4] Die Bybel, Nuwe Lewende Vertaling, (Vereeniging, Suid Afrika: Christelike Uitgewersmaatskappy, 2006), Is 61:3.

Categories
Preke

Wat verwag God van my

Sekerlik die belangrikste vraag wat mens God kan vra. Op sy knieë voor die aangesig van die Here roep fariseër Saulus die vervolger van die Jesus beweging: “Here, wat wil U hê moet ek doen?” (Acts 9:6) Voorheen terwyl jy gevangene van sonde was, vervreemd van jou maker, het reg-doen en reg-lewe jou nie veel gepla nie. Nou as kind van God, is jy nooit heeltemal seker of jy genoeg reg-doen en reg-lewe nie. Met elke preek hoor jy van nog ‘n stukkie heilige verwagting en nog wonderlike ideale buite jou bereik.  Jy wil graag al hierdie regte goed doen, maar kry dit nie heeltemal reg nie.  

Glo in Christus Jesus en leef in Sy geregtigheid

So wat verwag God regtig van ons: Toe vra hulle Hom: Wat moet ons doen om die werke van God te volbring? Jesus antwoord en sê vir hulle: Dít is die werk van God, dat julle in Hom glo wat Hy gestuur het. (John 6:29-30) Dit is die somtotaal van wat God van ons verwag! Geen geestelike doenlysies nie. Glo in Christus! Jesus gaan voort om in hoofstuk 6 verder te verduidelik presies wat “hierdie geloof in die Een wat Hy gestuur het beteken”.  Soos wat die Jode moes trek op ‘n woord wat die Here vir Moses gegee het, en sekerlik gewonder het: Gaan hierdie God ons red? Gaan Hy ons lewens beter maak? Waar is die beloofde land? En toe as gevolg van hulle eie ongehoorsaamheid alleen in ‘n woestyn, sonder kos en water. God voorsien bonatuurlik Manna en Water uit ‘rots’ wat hulle volg. Jesus is hierdie water en brood uit die hemel. So wat beteken dit vir jou en my? 

Jesus is God se bonatuurlike voorsiening om heilig en reg te kan lewe. Hy stel ons in staat om al die reg-doen, reg-lewe, spontaan en natuurlik te kan doen. “Voorwaar, voorwaar Ek sê vir julle, wie in My glo, het die ewige lewe. Ek is die brood van die lewe” (Joh 6:47-48) Jesus gee ons Sy vlees, Sy Goddelike vermoë en natuur (2 Pet 1:3-4), Sy geregtigheid (Mat 6:33; Rom 5:17; 2 Cor 5:21), Sy krag (Eph 4:13) , Sy oorwinning (Rom 8:37), Sy geloof (Gal 2:20). Ons moet leer om DEUR hom te lewe. Dit is die Gees wat lewend maak, die vlees is van geen nut nie; die woorde wat Ek tot julle spreek, is gees en is lewe. (Joh 6:63) Toe die woord vir baie van die dissipels te moeilik was om te verstaan, sommige het selfs aanstoot geneem, en baie Hom verlaat het vra Jesus Sy dissipels. “Wil julle nie ook weggaan nie?” Petrus antwoord: “Here, na wie toe sal ons gaan? U het die woorde van die ewige lewe.” (Joh 6:68) Die Woord van die Here is soos saad, wat elke keer as ons dit hoor en aanneem, bonatuurlik die godsvrug in ons ontketen. 

Hierdie WAARHEID is sentraal en wesenlik tot ons geestelike bestaan: Die Here wil groter dinge deur ons doen, as wat Hy gedoen het. Voorwaar, voorwaar Ek sê vir julle, wie in My glo — die werke wat Ek doen, sal hy ook doen; en hy sal groter werke doen as dit, omdat Ek na my Vader gaan. (Joh 14:12) Dit is ook hoekom Hy dikwels die dissipels aanpor: Gee julle vir hulle iets om te eet. (Mat 14:16) Hy stuur hulle uit om ook die koninkryk te gaan verkondig en demonstreer. (Mat 10) Maar hierdie demonstrasie is nie uit die vlees nie, dit is Jesus se opstandingskrag in ons, wat die bonatuurlike verrig. (Joh 12:24-25)

Van genesis tot openbaring sien ons hierdie 2 wêrelde: Die een bewerk deur die krag van die mens, en die ander deur die Gees. (Gal 4:23-31) Die Jesus beweging is kenmerkend swak in die oë van die mens: LEES 1 Cor 1 en 2. 

IN afhanklikheid van God, neem ons elke dag ons kruis van gehoorsaamheid op, om te doen wat Hy ons sê, want alleenlik in Sy Woorde is daar krag en lewe.  

Dra Vrugte van Geregtigheid 

Elke boom wat geen goeie vrugte dra nie, word uitgekap en in die vuur gegooi. (Mat 3:10) 

Aan hulle vrugte sal julle hulle ken. ’n Mens pluk tog nie druiwe van dorings of vye van distels nie! So dra elke goeie boom goeie vrugte; maar ’n slegte boom dra slegte vrugte. ’n Goeie boom kan geen slegte vrugte dra nie, en ’n slegte boom ook geen goeie vrugte nie. Elke boom wat nie goeie vrugte dra nie, word uitgekap en in die vuur gegooi. So sal julle hulle dan aan hul vrugte ken. (Mat 7:16-20) 

Aan die hand van Jesus se metafoor is dit duidelik dat God goeie vrugte van ons verwag, maar eers moet Hy die boom verander, transformeer, nuut-maak! Die vrug-dra proses is dus nie werke nie, maar bloot natuurlike vrugte wat by die boom se aard pas. Daarom word die 9 goddelike karaktertrekke wat by bekering pas “vrug” genoem. (Gal 5:21-22) Hierdie lys word juis teenoor die werke van die vlees gestel. 

Mat 25:1-13 die 5 dwase maagde

Mat 25:14-30 die talente 

Mat 25:31-46 die skeiding tussen die skape en die bokke

Hierdie 3 gedeeltes moet saam hanteer word en verstaan word, want die een verklaar die ander, en sluit aan by die ander. Al die drie gedeeltes eindig in finale oordeel. Mat 25:11-13; Mat 25:30; Mat 25:46 

Alhoewel daar al baie afleidings gemaak is deur kapstok predikers oor waarna die olie in die lampe verwys, gee die skrif geen duidelike inligting nie. Die fokus eerder vd gedeelte is; op die term dwaas. Om te dink dat jou lamp gaan brand sonder olie! Dis gekkigheid! Iemand het regtig nie gedink nie! Die volgende gedeelte oor die talente, gee vir ons meer lig oor wat gereedheid wel beteken. Die fokus in hierdie storie is, woeker, werk, vermenigvuldig, dit wat jy ontvang het. ’n gesonde boom dra vrug! 

Die laaste gedeelte oor die skape en bokke, praat die Here direk, en verwyder enige raaisels, die vrug wat Hy soek, is ’n regverdige lewe, wat mense besoek in die tronk, klere en kos gee aan die wat nie het nie. Dink aan die gelykenis vd barmhartige samaritaan.   

Die Here is ernstig wanneer dit by vrug kom. Hy vervloek die vyeboom wat nie vrug dra nie. (Mark 11:13-4; 20-23)

We often equate faithfulness with being steadfast, consistence, being dependable, reliable, dependable, loyal, true, trustworthy, devoted, truthful. Jesus equates faithfulness with something else – multiplication. Whatever God gives to us, He expects us to multiply and present it back to Him.

John Bevere 

Ons vergelyk dikwels getrouheid met standvastigheid, konsekwentheid, betroubaarheid, lojaliteit, toegewydheid en eerlikheid Jesus vergelyk getrouheid met iets anders – vermenigvuldiging. Wat God ook aan ons gee, word verwag dat ons dit sal vermenigvuldig en aan Hom terugbring.

Joh 15:1-10 Ek is die ware wingerdstok en my Vader is die boer. Elke loot aan My wat nie vrugte dra nie, sny Hy af; maar elkeen wat vrugte dra, snoei Hy reg, sodat dit nog meer vrugte kan dra. 

Sien die slegte slaaf se verskonings:

“Omdat ek bang was” v25

Jy is ’n slegte en ’n lui slaaf! (Mt 25:26). 

En gooi die nuttelose slaaf uit in die diepste duisternis  (Mt 25:30).  

Daar is ‘n duidelike OORDEEL teenoor die wat die vrug dra nie! Mense wat nuut gemaak is in Christus, wil goeie vrug dra! Dit is in ons DNS ingeskryf.  Die vrug van ons lewe is JESUS. Omdat ons nie leef uit ons eie krag of vermoëns nie, maar juis ons swakheid gereeld bely en erken, word Hy die meeste in ons verheerlik!! Die vrug wat ons dra is Christus se geregtigheid wat Hy ons werk, tot Sy eer.!

Categories
Preke

REG SIEN = WARE EERBIED

Podcast
https://www.buzzsprout.com/155409/5220070-reg-sien-ware-eerbied.mp3?blob_id=21055591&download=true

In ons reis die laaste paar weke, is ons besig om stukkie-vir-stukkie beter te sien. Die Here is besig om ons sig te genees, soos wat Hy ons harte reinig van enige ongeregtigheid.  Een van die klinkklare bewyse van mense wat begin reg sien, is eerbied! Wanneer jy God, jouself, jou naaste, begin reg sien kom eerbied, agting en respek outomaties. Jy begin dus werklik sien! Elke keer wanneer mense God regtig gesien het: het eerbied spontaan gevolg. Mense eer nie die Here of mekaar nie, omdat hulle blind is!  Mense het nie ‘n vrees vir die Here nie, omdat hulle Hom nie sien nie. 

Eerbied is besig om al hoe meer ‘n vreemde konsep in ons samelewing te word.  Mense glo hulle het ‘n reg tot hulle eie opinie, en gee nie om dit met enigiemand te deel nie. Die bybel en gees van Christus roep ons op tot ‘n lewe van eerbiedigheid. Be devoted to tenderly loving your fellow believers as members of one family. Try to outdo yourselves in respect and honor of one another. (The Passion Translation) wees hartlik teenoor mekaar met broederlike liefde; die een moet die ander voorgaan in eerbetoning; (AOV) (Rom 12:10) 

Die Godheid bestaan in eerbied vir mekaar: Die Seun bestaan om die Vader te eer en openbaar (Joh 4:34) Die Heilige Gees bestaan om die Seun te eer, (John 16:14) en ons bestaan om die Seun te eer (John 5:23) Hier is ‘n wederkerige wisselwerking, wat ons nie moet miskyk nie. Wanneer eerbied net in een rigting werk, veroorsaak dit ‘n wanbalans en kortsluiting. Eerbied is soos ‘n elektriese stroom, almal in die verhouding moet aanhou om mekaar te eer. Wanneer daar byvoorbeeld regtelik verwag word dat gemeente lede hulle leiers moet eer (Heb 13:17), dan moet leiers ook leer om hulle onderdane te eer. (Mat 20:25-28) Die vrees van die Here is die tug van die wysheid, en nederigheid gaan aan die eer vooraf. (Prov 15:33) 

Eerbied vir jou vyande

Die wêreld is geneig om eer te bewys eers as jou dade en prestasies sigbaar en rugbaar geword het. Die Bybel vra egter ‘n baie meer dieper sien: eer jou vyande! 

Dawid eer Saul: Mag die Here my bewaar dat ek so iets aan my heer, die gesalfde van die Here, sou doen om my hand teen hom uit te steek; want hy is die gesalfde van die Here.

En Dawid het sy manne streng bestraf en hulle nie toegelaat om teen Saul op te staan nie.  (1 Samuel 24:1-23)

Daniel eer Nebukadneser: My heer, mag die droom u haters en sy uitlegging u teëstanders oorkom. (Dan 4:19)

Julle moet jul vyande liefhê; seën die wat vir julle vervloek, doen goed aan die wat vir julle haat, en bid vir die wat julle beledig en julle vervolg; sodat julle kinders kan word van julle Vader wat in die hemele is (Mat 5:44-45) 

Eerbied, agting en respek 

Wat is eerbied nou prakties? Is dit ‘n stemtoon? ‘n sekere buigende houding? Verseker is daar vele namaaksels van ware eerbied.  Ek glo eerbied is ‘n stemtoon, en ‘n buiging van respek, maar dit is nog baie meer: Dit is om die persoon wat jy eer; te alle tye te ken in wat jy doen.  Jesus se eerbied, agting en respek vir die Vader, beteken Hy doen niks as hy nie eers dit met die vader nagegaan het nie. (Mat 26:39; Joh 5:19-20, 30; Joh 6:38; Joh 8:28; Joh 12:49; Joh 14:10, 24, 31; Joh 16:13.) Ek het op hierdie gebied al gruwelike foute begaan, omdat ek so haastig van geaardheid is. Jy kan nie besluite neem, as jy nie eers almal daarin geken het nie. Ek het my vrou al menige kere baie seer verwond, en haar laat voel dat haar opinie, inset en deelname nie vir my belangrik is nie.  Hoekom is ons dan ‘n span, as ek haar nie inlig nie. Ons hoef nie mekaar altyd toestemming te vra nie, maar ons moet mekaar inlig, dit bespreek, en dan saam ‘n betrokke taak gaan uitvoer. Dis hier waar bestuur, hulle werksmag verloor. Dis hier waar kinders, begin om van hulle ouers in rebellie weg te beweeg. Die opinie van hulle maats tel meer, as wat hulle ouers sê. Rehabeam luister eerder na sy vriende, as die ouer wyshere, en verloor 9/10 van sy koninkryk. (1 Kings 12:1-19) 

So het Moses, Josef, Daniel, Nehemia, Esther onder bose regerings, nog steeds eer getoon aan hierdie bose heersers. Dis parodoksaal, maar ek sien geen nut daarin om teen die regering te praat nie. Jesus het homself nooit teen die regering uitgespreek nie, alhoewel hy uiteindelik deur die Roomse regering te dood veroordeel en gekruisig is. So het nie een van die dissipels of eerste volgelinge van Jesus, teen die regering of selfs valse gode gepraat nie. (Acts 19) Ons dien wie ook al die regering van die dag is. Jesus het Homself wel uitgespreek teen godsdienstige leuens, valsheid en dwaallering. 

Eer en respekteer die funksie/posisie

Wie ’n profeet ontvang omdat hy ’n profeet is, sal die loon van ’n profeet ontvang; en wie ’n regverdige ontvang omdat hy ’n regverdige is, sal die loon van ’n regverdige ontvang. (Mat 10:41) Wat jy in ‘n persoon eer/sien is wat jy van daardie persoon sal kan ontvang. “Names and titles are important. Mother, father, son, daughter, apostle, prophet, Christian, human being – such names define the role and identity of a person, and, when used correctly, establish the relationship defined by God in which specific rewards are given and received to strengthen us. A culture of honor is created when a community learns how to discern and receive people in their God-given identity.”[1] Ons gebruik nie titels soos byvoegsels in name nie. Titels is ‘n vorm van respekvolle sien. Ek sien die volgende gawe in jou, daarom kan ek jou hulp in daardie amp vra.  Daar is vir my niks mooier as kinders wat nog steeds, al is hulle al ouer en het hulle al hulle eie kinders, na hulle eie ouers as “mamma en pappa’ verwys nie.  Eerbied is mooi! Dit is om toe te laat dat God se lig op iemand val! Deur na iemand se geestelike amp te verwys, toon jy dat jy dit raaksien. So maak Paulus aanspraak op sy apostelskap ten opsigte van ‘n sekere groepering wat dit in hom erken. As ek vir ander geen apostel is nie, is ek dit tog seker vir julle, want julle is die seël op my apostelskap in die Here.  (1 Cor 9:2) Ons moet oppas om nie te familiêr te word met mekaar nie, en sommer byname, of spotname teenoor mekaar te gebruik nie. Ons het dikwels so ‘n vrees vir ‘n grootsheidswaan, dat ons sommer mense afbreek, voor hulle grootkop kry.  Wanneer jy dit doen, misken jy die rykdom wat in daardie persoon opgesluit is vir jou.  Ons kan selfs van ons kinders begin rykdom trek, deur hulle te eer, te prys, en te erken voor ander. 

In die goddelike ekosisteem van familie, staan niemand alleen nie. Ons is verweef in ‘n tapisserie van lewens wat ons vooruitgaan, en wat agter ons aankom. Elke besluit en aksie raak iemand. Wanneer ons oë oopgaan vir hierdie werklikheid begin ons leef met eerbied vir die oueres wat ons voorafgegaan het en die leiers wat oor ons aangestel is. Ons word bewus van elkeen se aandeel, en hoe alles in die lewe met mekaar verbind is. Ons het mekaar nodig. Omdat ons oë oopgemaak is, sien ons die netwerk van lewe, die hiërargieë, die verbintenisse, die orde, die opoffering van elkeen se gehoorsaamheid – dis HEILIG!

[1] Danny Silk – Culture of honor. 

Categories
Preke

Hoe sien ek God reg?

Podcast
https://www.buzzsprout.com/155409/4722008-how-do-we-see-god-right.mp3?blob_id=18719099&download=true

“There are three images in my mind which I must continually forsake and replace by better ones: the false image of God, the false image of my neighbours, and the false image of myself.”

CS Lewis

Sedert die begin van tyd maak mense hulle eie afbeelding van wie hulle dink God is. Ons maak gode na ons beeld en ons eie verbeelding. Daar is al sedert die skepping ‘n stryd tussen afgodery en ware aanbidding. Die eerste sonde van ongehoorsaamheid was inherent die wegdraai van die ware God na ‘n ander god. In plaas daarvan dat ons deur verhouding met God in ‘n wandeling in die tuin sou kom tot volmaakte kennis om net soos God te wees, kies die mens die kort pad en glo die leuen van satan.  Verhouding spreek van dissipelskap, opvoeding, konfrontasie, beperking, tydsame ontwikkeling en groei. Die diepgaande motief agter hoekom Adam en Eva die vrug geneem het is: Dis die kort pad, meer gerieflike opsie. 

“Dis nie waar nie!” sê die slang toe. “Julle sal nie doodgaan nie. God het maar net so gesê, want Hy weet julle oë sal oopgaan die oomblik as julle daardie vrugte eet, en dan sal julle volmaakte kennis hê en net soos God wees!” Die vrou kyk toe weer na die boom se vrugte en sien hoe pragtig hulle Iyk. Hoe lekker sou hulle nie wees om te eet nie! En hoe wonderlik sou dit nie wees om alles te verstaan nie! (Gen 3:4-6) [1] Sedertdien kies die mens oor en oor eerder die natuurlike, sinlike, self-wysbegeerte bo verhouding met God.  Ons wil eerder ons self help, 

“die heerlikheid van die onverganklike God verander in die gelykvormigheid van die beeld van ’n verganklike mens en van voëls en viervoetige en kruipende diere.” (Rom 1:18-32) 

Geen mens kan neutraal staan nie, ons is gemaak om te aanbid, om te dien, om na te volg. Jy aanbid of die Ware Skepper God, af afgode. Selfs die ateïs wat selfvoldaan verklaar; “Christenskap is vir mense wat ‘n kruk nodig het” wys op hulle eie self-aanbidding, selfbeskikking, en self-redding.  Self-aanbidding is vandag die afgodery van ons tyd. Selfies, self-beheptheid, self-gerigtheid, en selfhelp godsdiens. Daar is selfs rakspasie onder die titel katogorie: Self-help. “Die Here help die mens wat homself help” is die mantra van die hedendaagse kultuur. Die diepgaande probleem en radikale ontnugtering van die aanbidding van valse gode is: Jy het gegee, gedien, gekoop, geslaaf, geoffer, gewerk en nog steeds vind jy jouself leeg en onvervuld. 

Die werklike kwessie is: Hoe sien jy God? Sien jy Hom van aangesig tot aangesig? Of sien jy ‘n afbeelding, refleksie, oorvertelling, tweede-handse weergawe van wie mense sê God is? Jesus het ook hierdie vraag vir Sy dissipels gevra: “Wie dink die mense is Ek, die Seun van die Mens?” [2] en later “En wat van julle, wie sê julle is Ek?”[3]

Sommige sien God as die veelvoudige persoonlikheid steurnis God: Allah, Budah, Chrisna, is almal god.[4]  

Sommige glo in die verkeerskonstabel god, wat daarop uit is om jou te vang oortree, en dan vir jou ‘n boete gaan gee. 

Ander sien God as die kosmiese verkoopshandelmasjien, waar jy net die regte gebede bid, en hy dan gee wat jy nodig het. 

Die wysbegeerte sien God as die onbetrokke horlosie-maker god, wat die aarde soos ‘n horlosie in delekate ratte aan die gang gesit het, maar nie betrokke is in ons persoonlike lewens nie. 

Die meeste mense hou van die drinker-vriend-by-die-kroeg god, hy luister altyd, stem altyd saam, en laat jou altyd beter voel God. 

Dan is daar mense wat God soos ‘n teddie-beer sien, hy is altyd daar vir jou, om jou te troos en te laat beter voel. Hy praat nooit terug nie, en hy is bekende staatmaker wat ek kies om te gebruik wanneer ek hom nodig het. 

Die mense wat god as spaarwiel sien is glad nie op God ingestel of gefokus totdat hulle hom nodig het as daar ‘n pap wiel is nie. 

Daar is natuurlik ook mense wat God sien as die bekende ou familielid, ons respekteer hom as hy kom kuier, bloot omdat hy familie is en omdat ons ouers hom ken.  

Sommige teoloë sien god as die poppespelmeester god, wat glo dat hy alles beheer. Ons verstaan nie hoekom hy die wreedheid van moord, rampe en pyn en leed toelaat nie, maar alles is uiteindelik sy wil.  Dit is moeilik om die God lief te kry.  

Baie mense sien God as die pretbederwer god. Hy wil nie hê ons moet die lewe geniet nie, wanneer dit goed gaan is ons eintlik bang vir wanneer hy dit gaan kom bederf.  [5]

“Gelukkig is jy, Simon seun van Jona, want my hemelse Vader het dit aan jou bekendgemaak. Hierdie wete het jy nie van enige mens ontvang nie. 18Ek verklaar nou vir jou: ‘Jy is Petrus. Op hierdie rots  sal Ek my kerk oprig, en al die magte van die hel sal dit nie oorwin nie.[6]

Die ware kerk is gebou op die openbaring wat God van homself gee!! 

Die afgodery oplossing is eintlik eenvoudig: Is jou siening van God ‘n mens se openbaring van God, of het God Homself aan jou bekend gemaak? 

Paulus verklaar: Want ek het dit ook nie van ’n mens ontvang of geleer nie, maar deur ’n openbaring van Jesus Christus.(Gal 1:12) Hy het ‘n persoonlike ontmoeting met Jesus gehad op die pad na Damaskus. (Hand 9:1-19) 

Paulus leer dat ware gelowiges en kinders van God, leef vanuit ‘n direkte persoonlike openbaring van wie God is. Die voorhangsel is geskeur. Ons het nou vrymoedigheid om in die allerheiligste in te beweeg. En terwyl ons almal met onbedekte gesig soos in ’n spieël die heerlikheid van die Here aanskou, word ons van gedaante verander na dieselfde beeld, van heerlikheid tot heerlikheid, as deur die Here wat die Gees is. (2 Cor 3:18) 

WAT van die begin af was, wat ons gehoor het, wat ons met ons oë gesien het, wat ons aanskou het en ons hande getas het aangaande die Woord van die lewe — en die lewe is geopenbaar, en ons het dit gesien, en ons getuig en verkondig aan julle die ewige lewe… (1 John 1:1-2) 

Baie mense het natuurlik Jesus reg voor hulle gesien, en tog nie gesien nie. Hoeveel mense het Jesus nie genees, en nog steeds het hulle nie geglo nie. (Joh 12:37-43) Sy eie familie het ook eers nie gesien wie Hy werklik is nie. (Mat 12:46-50; Mark 3:21,31-35; LK 8: 19-21) 

Ons sien hier op watter verskillende maniere die mense op Jesus gereageer het. Party mense het Hom “’n goeie man” genoem (Joh 7:12); ander weer ’n misleier (Joh 7:12). Ander het gesê dat Hy van die duiwel besete was (Joh 7:20); party dat Hy die Christus was (Joh 7:26); sommige dat Hy “die Profeet” was (Joh 7:40) en sommige dat Hy gearresteer moes word (Joh 7:44). 

Daar kom egter ‘n dag waar ELKE knie sal buig, en ELKE tong sal bely: dat Jesus die Here is!! (Rom 14:11; Phil 2:10) 

Jesus is God: 

Christus Jesus het alle raaisels en afeidings oor God kom regstel en fisies in Sy persoon die Godheid kom bekend maak. “Hy, wat die afskynsel is van sy heerlikheid en die afdruksel van sy wese en alle dinge dra deur die woord van sy krag”(Heb 1:3) Jesus se eie biografie, of self-verklaring is uiters betekenisvol tot ons geloof. Wat het Hy oor Homself gesê? 

Hy vergewe sonde: (Mark 2:10) 

Hy is alomteenwoordig: “want waar twee of drie in my Naam saam is, daar is Ek by hulle” (Matt. 18:20). 

Hy is ewig: “Ek is by julle al die dae tot die voleinding van die wêreld.” (Matt. 28:20).

Hy is almagtig: “Aan My is alle mag gegee in die hemel en op die aarde.” (Matt. 28:18).

Hy is alwetend: “Niemand weet wie die Seun is nie behalwe die Vader, en wie die Vader is nie behalwe die Seun en elkeen aan wie die Seun dit wil bekend maak.” (Luk. 10:22).

“Christus was óf ’n leuenaar óf ’n waansinnige óf die Here.” 

Uiteindelik was dit die hoofrede hoekom die Jode Jesus wou doodmaak: Die feit dat Hy Homself gelykstel met God. (Joh. 5:17-29). “Ek en die Vader is een.” (Joh. 10:30). “Die Jode antwoord Hom en sê: Dit is nie oor ’n goeie werk dat ons U stenig nie, maar oor godslastering, en omdat U wat ’n mens is, Uself God maak.”  Teenoor die Joodse Raad, die Sanhedrin, maak Jesus dit weer eens duidelik: “Ek stel jou onder ‘n eed by die lewende God dat jy vir ons moet sê: Is jy die Christus, die Seun van God?” Jesus antwoord hom: “Dit is soos u sê. Daarby sê Ek vir julle: “Van nou af sal julle die Seun van die mens sien waar Hy aan die regterhand sit van Hom wat magtig is, en julle sal Hom sien kom op die wolke van die hemel.” (Matt. 26:63-64). Die feit dat Jesus uiteindelik gekruisig is omdat Hy Homself gelykstel met God, is ‘n verdere bewys van wie Hy werklik is: Hy het dit nie net geglo asof dit iets wat moes verwesenlik word nie. HY IS GOD. Daarom het Hy opgestaan, is die Heilige Gees uitgestort, en elke woord wat Hy gepreek het is besig om in vervulling te kom! 

Hoe ons God vandag sien, is bepalend tot hoe ons die lewe gaan hanteer! Is Hy waaragtig vir jou ‘n eerstehandse werklikheid, of glo jy nog op hoorsê? Mag die Heilige Gees Jesus aan ons elkeen openbaar in krag en majesteit! 

[1] Die Lewende Bybel, (Roodepoort: Christelike Uitgewersmaatskappy, 1982), Ge 3:4–6.

[2] Die Bybel, Nuwe Lewende Vertaling, (Vereeniging, Suid Afrika: Christelike Uitgewersmaatskappy, 2006), Mt 16:13.

[3] Die Bybel, Nuwe Lewende Vertaling, (Vereeniging, Suid Afrika: Christelike Uitgewersmaatskappy, 2006), Mt 16:15.

[4] https://en.wikipedia.org/wiki/List_of_deities_by_classification

[5] https://www.aggiecatholicblog.org/2014/09/10-defective-images-of-god/

[6] Die Bybel, Nuwe Lewende Vertaling, (Vereeniging, Suid Afrika: Christelike Uitgewersmaatskappy, 2006), Mt 16:17–18.

Categories
Preke

Hoe sien ek probleme reg?

Podgooi
https://www.buzzsprout.com/155409/4641824-sien-jou-probleme-as-goeie-sukses.mp3?blob_id=18338888&download=true

Menigvuldig is die teëspoede van die regverdige, maar uit dié almal red die Here hom. Ps 34:20 In die tye waaroin ons nou leef is dit van wesenlike belang, dat ons ‘n positiewe ingesteldheid behou. Die Christen geloof bied ‘n daadwerklike praktiese oplossing om te alle tye met geloofsoë na jou krisisse en probleme te kyk.

Volgens die nuutste Covid syfers is, het daar al amper 14mil mense die virus gehad, en 604 963 mense het al aan die virus gesterf. Tog sterf bykans 7mil mense per jaar van hart-siekte, en bykans 6 miljoen aan beroerte! Sekerlik is Covid 19 ‘n ernstige siekte mbt die gevaar van aansteeklikheid en die risiko van lewensgevaar onder mense wat alreeds ander onderliggende siekte toestande het. 

Tog is dit van wesenlike belang, dat ons ‘n positiewe ingesteldheid behou, indien ons die pandemie wil oorkom. Die Christen geloof bied ‘n daadwerklike praktiese oplossing om te alle tye met geloofsoë na jou krisisse en probleme te kyk. 

Die ware Christen geloof het dit nog nooit maklik gehad nie. 

Die Bybel is inderwaarheid ‘n versameling van stories van mense se oorwinning te midde van vervolging, hongersnood, versoekings, beproewings, lyding, smart, verlies, ongeregtigheid, honger, gevangenisskap en teenstand.  Ons Westerse materiële gerieflikheid, plesier gedrewe wêreldbeskouing saam met die Welvaart teologie het by ons die valse verwagting geskep oor sukses: Ons sien sukses as genoeg hê, geen probleme, aftrede, droom vakansies en oorvloed. Die Bybelse definisie van sukses is om welgeluksalig, vergenoegd, vreugdevol, met vrede in jou hart te leef te midde van al die negatief in die wêreld. 

Die gaan met die mensdom in die algemeen beter.

Volgens die nuutste data armoede, honger, kinderslawerny/sterftes, oorloë, dramaties afgeneem. Lewensverwagting het gestyg, inkomstes het gegroei, meer mense het toegang tot elektrisiteit, selfone, en die internet.[1] Dit gaan dus in die algemeen baie beter met die mensdom oor die laaste 20jaar! 

Maar ons kla in die algemeen meer

Maar volgens stemlyste voel die meeste mense nie so optimisties nie, ons kla oor swak dienste, infrastruktuur, te mins inkomste, hoë belastings, kos wat te duur raak. Inteendeel agentskappe soos die verbruikersraad, ombudsman, koerant skrywes, en sosiale media se syfers van klagtes het in die algemeen gestyg.  Ons kla in die algemeen meer, al gaan dit in die algemeen met ons beter. Sielkundiges koppel klagtes, murmurering aan die mens se behoefte om hom/haarself te laat geld, aandag op hulleself te vestig, bejammer te word, aandag te trek en in die geval van nuusmedia lesers en kykers te trek.[2]  

Covid 19 en die Corona Virus het ons nou amptelik ‘n rede gegee om te kla, want dit is uiteraard ‘n wêreldwye gesondheid pandemie, en ekonomiese katastrofe! Ons moet egter let op hoe ons na die lewe kyk, en hoe ons na al hierdie krisisse en probleme om ons kyk! Ons perspektief bepaal ons gedrag en emosionele energie.  

‘n Nuwe perspektief 

Volgens Dr Andre Pelser se gesprekke met Dr Sacks, eertydse Joodse mediese dokter en wedergebore geesvervulde jood, het die Jode ‘n manier om altyd te kla oor die lewe en besigheid. Volgens dr. Sacks, kla hulle nie eintlik nie, hulle spog. Hulle sien probleme as welvaart! Hoe meer probleme jy het, hoe ryker is jy. Ryk mense het inderdaad baie meer probleme. Dit is ‘n sinsbedrog, dat sake-eienaars net hulle welvaart sit en geniet elke dag. Die vlak van kompleksiteit, verantwoordelikheid, risiko, en druk raak al hoe moeiliker hoe hoër jy op beweeg om die inkomste leer, en vlakke van bestuur.  Dit is hoekom baie mense nie ‘n bevordering sal neem nie, want die kom teen ‘n bepaalde emosionele prys, wat hulle nie bereid is om te betaal nie.  

Verwag probleme

10’n Ongelowige mens het eindeloos baie probleme, maar iemand wat op die Here vertrou word deur sy getroue liefde omring.  11Julle moet bly wees omdat Hy die Here is. Wees vol vreugde, julle wat aan Hom gehoorsaam is. Julle wie se hart opreg is teenoor Hom moet juig.[3] (Ps 32:10–11.)

Menigvuldig is die teëspoede van die regverdige, maar uit dié almal red die Here hom.[4] (Ps 34:20)

En almal wat ook godvrugtig wil lewe in Christus Jesus, sal vervolg word.[5] (2 Tim 3:12)

Dit het Ek vir julle gesê, dat julle in My vrede kan hê. In die wêreld sal julle verdrukking hê; maar hou goeie moed, Ek het die wêreld oorwin.[6] (John 16:33)

Dan sal hulle jul aan verdrukking oorgee en julle doodmaak; en julle sal deur al die nasies gehaat word ter wille van my Naam.[7]  (Mat 24:9) 

Wees in alles dankbaar

En laat die vrede van God, waartoe julle ook in een liggaam geroep is, in julle harte heers, en wees dankbaar.[8] (Col 3:15) 

MAAR God sy dank wat ons altyd laat triomfeer in Christus en wat die reuk van sy kennis deur ons oral versprei.[9] (2 Cor 2:14) 

Wees oor niks besorg nie, maar laat julle begeertes in alles deur gebed en smeking met danksegging bekend word by God.[10] (Phip 4:6) 

Wees in alles dankbaar, want dit is die wil van God in Christus Jesus oor julle.[11] (1 Thes 5:18) 

Deur ons ingesteldheid positief te hou, ons harte te vul met Sy geregtigheid en teenwoordigheid, kyk ons anders na die wêreld! Ons kyk met oë gevul met verwagting, en kinderlike geloof in ‘n almagtige teenwoordige God, wat ons nog nooit begewe en verlaat het nie. Ons kyk terug na al die kosbare seën, verlossing, genesing, en bevryding wat Hy in die onmoontlikste tye in ons lewe bewerk het! Ons sien Hom in ons probleme, en uitdagings! Sodoende raak ons agente en verteenwoordigers van die Koninkryk van God (WE THE KINGDOM) orals waar ons gaan. Ons bring hoop en lewe, in elke situasie. Ons is SOUT en ons is LIG! Ons lewe met die oorwinnaarsmedalje in ons sak.  

Soos geskrywe is: Om U ontwil word ons die hele dag gedood, ons is gereken as slagskape.

Maar in al hierdie dinge is ons meer as oorwinnaars deur Hom wat ons liefgehad het.[12] (Ro 8:36–37)

[1] https://www.vox.com/2014/11/24/7272929/global-poverty-health-crime-literacy-good-news

[2] https://link.springer.com/article/10.1007/s12115-019-00398-x

[3] Die Lewende Bybel, (Roodepoort: Christelike Uitgewersmaatskappy, 1982), Ps 32:10–11.

[4] Die Bybel: Ou Vertaling, (Suffolk, England: Bybelgenootskap van Suid-Afrika, 1996), Ps 34:20.

[5] Die Bybel: Ou Vertaling, (Suffolk, England: Bybelgenootskap van Suid-Afrika, 1996), 2 Ti 3:12.

[6] Die Bybel: Ou Vertaling, (Suffolk, England: Bybelgenootskap van Suid-Afrika, 1996), Jn 16:33.

[7] Die Bybel: Ou Vertaling, (Suffolk, England: Bybelgenootskap van Suid-Afrika, 1996), Mt 24:9.

[8] Die Bybel: Ou Vertaling, (Suffolk, England: Bybelgenootskap van Suid-Afrika, 1996), Col 3:15.

[9] Die Bybel: Ou Vertaling, (Suffolk, England: Bybelgenootskap van Suid-Afrika, 1996), 2 Co 2:14.

[10] Die Bybel: Ou Vertaling, (Suffolk, England: Bybelgenootskap van Suid-Afrika, 1996), Php 4:6.

[11] Die Bybel: Ou Vertaling, (Suffolk, England: Bybelgenootskap van Suid-Afrika, 1996), 1 Th 5:18.

[12] Die Bybel: Ou Vertaling, (Suffolk, England: Bybelgenootskap van Suid-Afrika, 1996), Ro 8:36–37.

Categories
Preke

Hoe sien ek my naaste reg?

Hoe kyk ek reg na mense en hanteer elkeen menswaardig? 

Jesus

Seer, trauma, teleurstelling, pyn, verdriet is meestal deur mense se toedoen.  Sommige mense dink: Die lewe is perfek totdat ek met mense te doen het. Ander dink: Die lewe is perfek juis as gevolg van die spesiale mense in my lewe. Die punt is: ‘n groot deel van ons geluk of pyn het met mense verhoudinge te doen.  Hoe ons mense sien, en hoe mense ons sien bepaal hoe ons mekaar gaan hanteer. Agterdog, negatiwiteit, onsekerheid, minderwaardigheid, bitterheid is van die donker filters waardeur ons mense evalueer.  

Uit Mat 6:21-22 het ons geleer dat ons eintlik met ons hart kyk. Ons hart bepaal die filter waarmee ons kyk.  As jy aanstoot geneem het teenoor iemand, sien jy hom of haar in ‘n negatiewe lig, en verwag die ergste. As jou hart liefdevol is teenoor iemand, is jy genadig en geduldig met daardie persoon. (1 Cor 13:4) Daarom moet mens altyd eers bepaal waarvan is jou hart vol voor jy self bedien. Voel jy verontreg, kwaad en teleurgestel oor wat mense doen of nie doen nie? Dit besoedel die water wat uit jou voortkom.   

Ons het verder geleer dat jou gedrag teenoor ‘n persoon bepaal word deur hoe jy daardie persoon na waarde ag.  Jy sal nie laat wees vir afspraak van iemand van belang nie. Jy sal nie direk teenoor iemand wat jy respekteer, sleg behandel, afpraat, ‘n afbrekende woord spreek, en vloek nie. 

Selftrots en selfwaarde is bepalend van hoe jy mense behandel. Mense wat geen trots of selfwaarde het nie, gee nie om wat hulle voor enigiemand sê nie.  

Die meeste mense wil nie verneder word voor mense nie. Sommige mense gee glad nie om wat mense dink nie, en floreer op die negatiewe publisiteit. Ander mense voel dit vinnig aan as jy hulle nie reg na waarde ag nie: Nie luister en aandag gee nie; nie vir hulle tyd het nie; hulle onderbreek; hulle doodpraat. Hulle verneder voor hulle maats.  Hulle voel aan dat jy hulle nie liefhet nie, en nie na waarde ag nie.  

Verder leer die skrif: 

Die hart is bedriegliker as enigiets anders, hy is ongeneeslik; wie kan hom verstaan?

Ek, die Here, deurgrond en toets hart en verstand, Ek laat die mens kry wat hy verdien,

wat hom toekom vir wat hy doen. (Jer 17:9) Wat impliseer dat ons meermale nie onsself of enige mens in die regte lig sien nie.  As ons hart ons dan so bedrieg oor hoe ons onsself sien, is ons opinie en waardebepaling van mense heel dikwels dan ook nie reg nie.  Daarom wil die Here ons harte wen, sodat Hy ons kan genees, en ons dan vanuit Sy heerlike lig mense reg van waarde kan sien.  

Ons het verlede week geleer dat ons Self-waarde in Christus is, nou is dit nie meer ek wat lewe nie, maar Christus wat in my lewe. Die lewe wat ek nou nog hier lewe, leef ek in die geloof in die Seun van God wat sy liefde vir my bewys het deur sy lewe vir my af te lê. (Gal 2:20) Ons selfwaarde is gegrondves op die genadewerk wat Hy in ons oprig. (Philemon 1:6) 

Jesus die perfekte mens – Hoe het Hy na mense gekyk?

Jesus is die praktiese nugter idealis: Terwyl die paasfees in Jerusalem aan die gang was, het baie mense die wonderwerke gesien wat Jesus gedoen het en geglo dat Hy die Redder is. 24Maar Hy het hulle nie vertrou nie, want Hy het hulle almal geken. 25Dit was nie nodig dat iemand Hom iets van mense sou vertel nie want Hy het mense deur en deur geken. (John 2:23–25) Jesus is nugter oor mense se wispelturigheid, selfsug, en sondigheid. 

Tog gee Hy Homself in liefdesdiens: Toe Hy uit die skuit klim, het Hy die groot menigte mense daar gesien. Hy het hulle innig jammer gekry en die siekes onder hulle gesond gemaak. (Matt. 14: 14) 

Jesus is duidelik ingestel om mense se harte te weeg. Dit is asof Hy gedurig deur mense se uiterlike kyk, na wat in die hart aangaan. Jesus het altyd eerste na mense se harte gekyk.  Hy was glad nie ingestel op kleredrag, status, posisie, ras, geslag, of beroep nie. 

Jesus behandel almal dieselfde:  Hy behandel vrouens met dieselfde respek en gelykheid as die mans. Die Samaritaanse vrou by die put (Joh. 4); die vrou wat aan bloedvloeiing gely het (Matt. 9:18-22, 32-33); die Griekse vrou wat van Siro-Fenisië afkomstig was (Mark. 7:24-30). Die plek en rol van die vrou word herstel: Maria salf Sy voete (Joh. 12:1-8); ʼn vrou salf Jesus se voete (Matt. 26:6-13; Mark. 14:3).  Geen onderskeid tussen die werkgewer en werknemer nie: “Voorwaar, voorwaar Ek sê vir julle, ’n dienskneg is nie groter as sy heer nie, en ’n gesant is ook nie groter as die een wat hom gestuur het nie. As julle hierdie dinge weet, salig is julle as julle dit doen.” (Joh. 13:16). Selfs toe partyskappe voor Hom gebring word, maak Hy die veld oop: “Die wat nie teen ons is nie is vir ons.” (Mark. 9:38-40).  Die NT-kerk bestaan uit Jode en nie-Jode, Grieke en Barbariërs, vry en slaaf; ryk en arm. Die boodskap van Paulus is baie duidelik: daar is nie meer verdeeldheid en skeiding van ras in Christus nie (Gal. 3:27; Ef. 2:15). 

Ons behandel die binne en buite mense dieselfde: “En wie is my naaste?” (Luk 10:29) Die storie van die Barmhartige Samaritaan wat liefde bewys het aan ‘n Jood. (Luk 10:30-37) 

Jesus is ingestel op mense se harte 

Maar Ek sê vir julle dat elkeen wat na ’n vrou kyk om haar te begeer, reeds in sy hart met haar egbreuk gepleeg het. (Mat 5:28) 

En toe Jesus merk wat hulle gedagtes was, sê Hy: Waarom bedink julle slegte dinge in julle harte? (Mat 9:4) 

want waar julle skat is, daar sal julle hart ook wees. (Mat 6:21) 

Addergeslag, hoe kan julle goeie dinge praat terwyl julle sleg is? Want uit die oorvloed van die hart praat die mond. (Mat 12:34) 

Die afleiding wat ons hieroor kan maak is: Jesus maak dit duidelik dat alhoewel elke mens na Sy beeld geskape is, en na waarde geag behoort te word, mense wat Sy beeld uitleef van meer waarde is.  Ons kry as te ware ons ware waarde terug wanneer ons, in gehoorsaamheid aan Sy wil lewe.  Indien ons alle mense bloot van gelyke waarde ag, sonder dat hulle na die beeld van God lewe lei tot Humanisme en mensgerigte selfverheerliking. Ons verloor ons waarde deur sonde en ongehoorsaamheid, maar Hy maak van ons elkeen Sy meesterstuk, soos wat Christus in ons gestalte vind.  

Jesus waarsku van ‘n komende oordeel

Nie alle mense gaan die koninkryk van God sien, of binne nie. Wat is jou lewe dan werd, as jy nie die ewigheid saam met God gaan spandeer nie. Mense leef asof daar nie ‘n oordeel is nie. Mense leef asof goeie werke hulle gaan red. Hulle harte is roekeloos, en in vyandskap teenoor God. 

Hy het sy skop in sy hand en Hy sal sy dorsvloer deur en deur skoonmaak. Sy koring sal Hy na die skuur toe bring, maar die kaf sal Hy met ‘n onblusbare vuur verbrand.” (Mat 3:12) 

en wie hom uitskel vir ‘n idioot, is strafbaar met die helse vuur. (Mat 5:22)

Gaan deur die nou poort in. Die poort wat na die verderf lei, is wyd en die pad daarheen breed, en dié wat daardeur ingaan, is baie. (Mat 7:13) 

“Dit sê Ek vir julle: Van elke ligsinnige woord wat die mense sê, sal hulle rekenskap moet gee op die oordeelsdag. Op grond van jou eie woorde sal jy vrygespreek of veroordeel word.” (Mat 12:36-37)

Maak eers die onkruid bymekaar en bind dit in bondels om dit te verbrand, maar bring die koring na my skuur toe.’ ” (Mat 13:30)  

‘Bind sy hande en sy voete vas en gooi hom uit in die diepste duisternis daarbuite. Daar sal hulle huil en op hulle tande kners.’ “Baie is immers geroep, maar min is uitverkies.” (Mat 22:13-14) 

Die gelykenis van die maagde, talente, en die skape en bokke eindig in oordeel. (Matt. 25:11-13; En gooi die nuttelose slaaf uit in die diepste duisternis daarbuite. Daar sal hulle huil en op hulle tande kners.’ ”

Matt. 25:30; En hierdie mense sal die ewige straf ontvang, maar dié wat die wil van God gedoen het, die ewige lewe.”Matt. 25:46).  

Net Jesus kan ons harte genees, en ons help om weer reg te sien! Met Jesus wat in jou hart regeer begin jy regkyk. Sy liefde vul jou hart, en skielik sien jy die wêreld in heeltemal ‘n ander lig.  Jy sien mense met ander oë! 

Gebed was en reinig jou filters

‘n wonderlike wyse hoe ons bedrieërs, en valse Christene in ons midde kan onderskei, is om hulle te vra om te bid. Mens kan gou hoor of die persoon ‘n intieme verhouding met die Here het of nie. Is daar krag in hulle gebed, bid hulle geloof. Ons is so geneig om oor mense te praat en mense te bespreek.  ‘n praktiese manier hoe ons kan leer om soos Jesus na mense te kyk, is deur vir hulle in te tree.  Jesus bid vir Sy moordenaars: “Vader, vergeef hulle want hulle weet nie wat hulle doen nie.” (Luk. 23:34). 

Jesus leer ons om vir ons vyande lief te wees, en te bid vir die wat ons misbruik: en julle moet bid vir dié wat vir julle vervolg, sodat julle kinders kan wees van julle Vader in die hemel. Hy laat immers sy son opkom oor slegtes en goeies, en Hy laat reën oor dié wat reg doen en oor dié wat verkeerd doen. (Mat 5:44-45) 

Bid en bely julle sondes eerlik teenoor mekaar sodat julle gesond kan wees.  Bely julle sondes eerlik teenoor mekaar en bid vir mekaar, sodat julle gesond kan word. (Jam 5:16) 

Sien mekaar in die Gees: 

Ken mekaar na die Gees: Jesus sien Nataniël (Joh. 1:47); Ananias profeteer wat Paulus gaan ly (Hand. 9:10-15). 

Goddelike verbintenisse (Petrus en Kornelius, Hand. 10; Ananias en Paulus, Hand. 9:10-12; Filippus en die hofdienaar van Ethiopië, Hand. 8:26).